ਮੁੰਬਈ(ਬਿਊਰੋ)— ਖੇਡ ਜਗਤ 'ਚ ਕਦੇ ਨਾ ਮਿਟਣ ਵਾਲੀ ਛਾਪ ਛੱਡਣ ਤੋਂ ਬਾਅਦ ਅਭਿਨੈ ਦੀ ਦੁਨੀਆ 'ਚ ਕਦਮ ਰੱਖਣ ਵਾਲੀ ਸਟਰ ਪਲੱਸ ਦੇ ਮਸ਼ਹੂਰ ਟੀ. ਵੀ. ਸੀਰੀਅਲ 'ਦੀਆ ਔਰ ਬਾਤੀ ਹਮ' ਦੀ ਅਦਾਕਾਰਾ ਤੇ ਪੰਜਾਬੀ ਇੰਡਸਟਰੀ ਦੀ ਸ਼ਾਨ ਪ੍ਰਾਚੀ ਤਹਿਲਾਨ ਫਿਲਮੀ ਦੁਨੀਆ 'ਚ ਅੱਗੇ ਵਧ ਰਹੀ ਹੈ।
ਪਿਛਲੇ ਸਾਲ ਪ੍ਰਾਚੀ ਤਹਿਲਾਨ ਨੇ ਪੰਜਾਬੀ ਰੋਸ਼ਨ ਪ੍ਰਿੰਸ ਨਾਲ ਫਿਲਮ 'ਅਰਜਨ' ਨਾਲ ਪੰਜਾਬੀ ਇੰਡਸਟਰੀ 'ਚ ਕਦਮ ਰੱਖਿਆ ਸੀ। ਫਿਲਮ ਅਲੋਚਕਾਂ ਨੇ ਪ੍ਰਾਚੀ ਦੇ ਅਭਿਨੈ ਨੂੰ ਖੂਬ ਪਸੰਦ ਕੀਤਾ ਸੀ।
ਦੱਸਣਯੋਗ ਹੈ ਕਿ ਪ੍ਰਾਚੀ ਤਹਿਲਾਨ ਦੀ ਦੂਜੀ ਫਿਲਮ 'ਬੇਲਾਰਸ', ਜੋ ਬਿਨੂੰ ਢਿੱਲੋਂ ਨਾਲ ਹੈ। ਇਹ ਫਿਲਮ 6 ਅਕਤੂਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋ ਚੁੱਕੀ ਹੈ।
ਇਸ ਤੋਂ ਇਲਾਵਾ ਪ੍ਰਾਚੀ ਤਹਿਲਾਨ ਸਟਾਰ ਪਲੱਸ ਦੇ ਸ਼ੋਅ 'ਇਸ਼ਕਬਾਜ਼' 'ਚ ਵੀ ਮੁੱਖ ਭੂਮਿਕਾ ਨਿਭਾਉਣ ਵਾਲੀ ਹੈ। ਇਨੀ ਦਿਨੀਂ ਪ੍ਰਾਚੀ ਤਹਿਲਾਨ ਟੀ. ਵੀ. ਸ਼ੋਅ 'ਇਸ਼ਕਬਾਜ਼' 'ਚ ਰੁੱਝੀ ਹੋਈ ਹੈ।