ਮੁੰਬਈ(ਬਿਊਰੋ)— ਮਸ਼ਹੂਰ ਐਕਟਰ ਪ੍ਰਿਆਂਸ਼ੂ ਚਟਰਜੀ ਨੇ ਸਾਲ 2001 'ਚ 'ਕੁਮ ਹਿਨ' ਨਾਲ ਬਾਲੀਵੁੱਡ ਡੈਬਿਊ ਕੀਤਾ ਸੀ। ਆਪਣੀ ਪਹਿਲੀ ਫਿਲਮ ਨਾਲ ਹੀ ਉਸ ਨੇ ਆਪਣੀ ਰੋਮਾਂਟਿਕ ਐਕਟਰ ਦੀ ਇਮੇਜ਼ ਬਣਾ ਲਈ ਸੀ। 20 ਫਰਵਰੀ 1973 ਨੂੰ ਜੰਮੇ ਪ੍ਰਿਆਂਸ਼ੂ 44 ਸਾਲ ਦੇ ਹੋ ਚੁੱਕੇ ਹਨ।
ਲੰਬੇ ਸਮੇਂ ਤੱਕ ਮਾਡਲਿੰਗ ਨਾਲ ਜੁੜੇ ਰਹੇ ਐਕਟਰ ਨੇ ਬੰਗਾਲੀ ਫਿਲਮਾਂ 'ਚ ਵੀ ਕੰਮ ਕੀਤਾ ਹੈ। ਪ੍ਰਿਆਂਸ਼ੂ ਨੇ ਆਪਣੀ ਪਹਿਲੀ ਹੀ ਫਿਲਮ ਨਾਲ ਫੈਨਜ਼ 'ਚ ਖਾਸ ਜਗ੍ਹਾ ਬਣਾ ਲਈ।
ਇਸ ਤੋਂ ਬਾਅਦ ਐਸ਼ਵਰਿਆ ਰਾਏ ਬੱਚਨ ਨਾਲ 'ਦਿਲ ਦਾ ਰਿਸ਼ਤਾ', ਅਮਿਤਾਭ ਬੱਚਨ ਨਾਲ 'ਭੂਤਨਾਥ' 'ਚ ਨਜ਼ਰ ਆਏ।
ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਪ੍ਰਿਆਂਸ਼ੂ ਨੇ ਸਾਲ 1997 'ਚ ਮਾਡਲ ਮਾਲਿਨੀ ਸ਼ਰਮਾ ਨਾਲ ਵਿਆਹ ਕਰਵਾਇਆ।
ਮਾਲਿਨੀ 'ਰਾਜ਼' ਫਿਲਮ 'ਚ ਨਜ਼ਰ ਆ ਚੁੱਕੀ ਸੀ। ਦੋਵਾਂ ਦਾ ਵਿਆਹ ਲੰਬੇ ਸਮੇਂ ਤੱਕ ਨਹੀਂ ਚੱਲ ਸਕਿਆ।
ਵਿਆਹ ਦੇ ਚਾਰ ਸਾਲ ਬਾਅਦ ਸਾਲ 2001 'ਚ ਪ੍ਰਿਆਂਸ਼ੂ ਤੇ ਮਾਲਿਨੀ ਨੇ ਤਲਾਕ ਲੈ ਲਿਆ।
ਉਸ ਨੇ 'ਜੂਲੀ', 'ਪਿੰਜਰ', 'ਹੇਟ ਸਟੋਰੀ 3' ਵਰਗੀਆਂ ਫਿਲਮਾਂ 'ਚ ਵੀ ਕੰਮ ਕੀਤਾ ਪਰ ਉਸ ਦਾ ਜਾਦੂ ਨਾ ਚੱਲ ਸਕਿਆ।