ਮੁੰਬਈ(ਬਿਊਰੋ)— ਰਣਵੀਰ ਸਿੰਘ ਦੀ ਆਉਣ ਵਾਲੀ ਫਿਲਮ 'ਸਿੰਬਾ' ਦੀ ਪੂਰੀ ਸਟਾਰ ਕਾਸਟ ਫਾਈਨਲ ਹੋ ਗਈ ਹੈ। ਹਾਲ ਹੀ 'ਚ ਫਿਲਮ ਦੇ ਨਿਰਦੇਸ਼ਕ ਰੋਹਿਤ ਸ਼ੈਟੀ ਨੇ ਰਣਵੀਰ ਦੇ ਆਪੋਜ਼ਿਟ ਸਾਰਾ ਅਲੀ ਖਾਨ ਨੂੰ ਲੈਣ ਦਾ ਐਲਾਨ ਕੀਤਾ ਸੀ।
ਖਬਰਾਂ ਦੀ ਮੰਨੀਏ ਤਾਂ ਹੁਣ ਇਕ ਐਕਟਰ ਸਾਰਾ ਤੇ ਰਣਵੀਰ ਦੀਆਂ ਮੁਸ਼ਕਿਲਾਂ ਵਧਾਉਣ ਆ ਗਿਆ ਹੈ। ਰਿਪੋਰਟ ਮੁਤਾਬਕ ਫਿਲਮ 'ਚ ਵਿਲੇਨ ਦੇ ਰੋਲ 'ਚ ਆਰ ਮਾਧਵਨ ਨੂੰ ਲਿਆ ਗਿਆ ਹੈ। ਮਾਧਵਨ 2 ਸਾਲ ਬਾਅਦ ਸਿਲਵਰ ਸਕ੍ਰੀਨ 'ਤੇ ਵਾਪਸੀ ਕਰ ਰਹੇ ਹਨ।
ਹਾਲ ਹੀ 'ਚ ਮਾਧਵਨ ਅਮੇਜਨ ਪ੍ਰਾਈਮ ਦੀ ਵੈੱਬ ਸੀਰੀਜ਼ 'ਬ੍ਰੀਥ' 'ਚ ਨਜ਼ਰ ਆਏ ਸਨ। ਸਾਲ 2016 'ਚ ਮਾਧਵਨ ਦੀ ਫਿਲਮ 'ਸਾਲਾ ਖੜੂਸ' ਆਈ ਸੀ। ਇਸ ਫਿਲਮ ਨੇ ਬਾਕਸ ਆਫਿਸ 'ਤੇ ਠੀਕ-ਠਾਕ ਕਮਾਈ ਕੀਤੀ ਸੀ।
ਹੁਣ ਉਹ 'ਸਿੰਬਾ' 'ਚ ਵਿਲੇਨ ਦਾ ਰੋਲ ਨਿਭਾਉਂਦੇ ਨਜ਼ਰ ਆਉਣਗੇ। 'ਸਿੰਬਾ' ਸਾਊਥ ਦੀ ਫਿਲਮ 'ਟੈਂਪਰ' ਦਾ ਰੀਮੇਕ ਹੈ। ਇਸ 'ਚ ਪ੍ਰਕਾਸ਼ ਰਾਜ ਨੇ ਵਿਲੇਨ ਦਾ ਕਿਰਦਾਰ ਨਿਭਾਇਆ ਸੀ।
ਦੱੱਸਣਯੋਗ ਹੈ ਕਿ ਇਸ ਤੋਂ ਪਹਿਲਾਂ ਆਰ ਮਾਧਵਨ ਨੂੰ ਐਸ਼ਵਰਿਆ ਰਾਏ ਦੀ ਫਿਲਮ 'ਫੰਨੇ ਖਾਂ' ਆਫਰ ਕੀਤੀ ਗਈ ਸੀ। ਇਸ 'ਚ ਮਾਧਵਨ ਨੂੰ ਐਸ਼ਵਰਿਆ ਦੇ ਲਵ ਇੰਟ੍ਰਸਟ ਦਾ ਰੋਲ ਨਿਭਾਉਣਾ ਸੀ ਪਰ ਮਾਧਵਨ ਨੇ ਮੇਕਰਜ਼ ਤੋਂ 15 ਦਿਨ ਦੇ ਸ਼ੂਟ ਲਈ 1.5 ਕਰੋੜ ਰੁਪਏ ਮੰਗ ਲਏ।
ਇਹ ਰਕਮ ਮੇਕਰਜ਼ ਨੂੰ ਜ਼ਿਆਦਾ ਲੱਗੀ। ਇਸ ਲਈ ਉਨ੍ਹਾਂ ਦੀ ਜਗ੍ਹਾ ਰਾਜਕੁਮਾਰ ਰਾਓ ਨੂੰ ਕਾਸਟ ਕੀਤਾ ਗਿਆ।
ਉੱਥੇ ਇਸ ਬਾਰੇ 'ਚ ਮਾਧਵਨ ਦਾ ਕਹਿਣਾ ਸੀ ਕਿ ਡੇਟ ਨਾ ਹੋਣ ਕਾਰਨ ਉਹ ਓਮਪ੍ਰਕਾਸ਼ ਮਹਿਰਾ ਦੀ 'ਫੰਨੇ ਖਾਂ' ਨਹੀਂ ਕਰ ਸਕੇ।
ਹਾਲ 'ਚ ਮਾਧਵਨ ਦੇ ਮੋਢੇ ਦੀ ਸਰਜਰੀ ਹੋਈ ਹੈ। ਫਿਲਹਾਲ 'ਸਿੰਬਾ' 'ਚ ਮਾਧਵਨ ਦਾ ਰੋਲ ਫਾਈਨਲ ਹੋ ਚੁੱਕਾ ਹੈ। ਖਬਰਾਂ ਦੀ ਮੰਨੀਏ ਤਾਂ ਫਿਲਮ 'ਚ ਅਜੈ ਦੇਵਗਨ ਦਾ ਵੀ ਕੈਮੀਓ ਰੋਲ ਹੋਵੇਗਾ।
