ਮੁੰਬਈ— 4 ਅਗਸਤ ਨੂੰ ਰਿਲੀਜ਼ ਹੋ ਰਹੀ ਫਿਲਮ 'ਗੁੜਗਾਓਂ' ਨਾਲ ਬਾਲੀਵੁੱਡ 'ਚ ਡੈਬਿਊ ਕਰਨ ਜਾ ਰਹੀ ਰਾਗਿਨੀ ਖੰਨਾ ਦਾ ਵਰਸੋਵਾ ਮੁੰਬਈ 'ਚ ਇਕ 3 ਬੀ. ਐੱਚ. ਕੇ. ਦਾ ਘਰ ਹੈ। ਰਾਗਿਨੀ ਇਸ ਘਰ 'ਚ ਆਪਣੀ ਮਾਂ ਤੇ ਭਰਾ ਅਮਿਤ ਨਾਲ ਰਹਿੰਦੀ ਹੈ। ਫਿਲਹਾਲ ਉਨ੍ਹਾਂ ਦੇ ਘਰ 'ਚ ਕੰਮਕਾਜ ਚੱਲ ਰਿਹਾ ਹੈ ਤੇ 5-6 ਮਹੀਨਿਆਂ 'ਚ ਪੂਰਾ ਹੋ ਜਾਵੇਗਾ। ਦੱਸਣਯੋਗ ਹੈ ਕਿ ਰਾਗਿਨੀ ਬਾਲੀਵੁੱਡ ਅਭਿਨੇਤਾ ਗੋਵਿੰਦਾ ਦੀ ਭਾਂਜੀ ਹੈ। ਰਾਗਿਨੀ ਨੇ ਦੱਸਿਆ ਕਿ ਉਸ ਨੂੰ ਆਪਣੇ ਡਰਾਇੰਗ ਰੂਮ ਦੇ ਕਾਊਚ 'ਤੇ ਬੈਠ ਕੇ ਚਾਹ ਪੀਣੀ ਪਸੰਦ ਹੈ। ਉਸ ਦੇ ਕਮਰੇ 'ਚ ਇਕ ਵੱਡਾ ਟੀ. ਵੀ. ਲੱਗਾ ਹੋਇਆ ਹੈ। ਕਾਊਚ 'ਤੇ ਬੈਠ ਕੇ ਟੀ. ਵੀ. ਦੇਖਣਾ ਉਹ ਬੇਹੱਦ ਪਸੰਦ ਕਰਦੀ ਹੈ। ਉਸ ਨੇ ਦੱਸਿਆ ਕਿ ਉਸ ਦੇ ਘਰ ਦੀ ਖਿੜਕੀ ਤੋਂ ਬਾਹਰਲਾ ਨਜ਼ਾਰਾ ਦੇਖਣ ਲਾਇਕ ਹੈ। ਉਸ ਦੇ ਅਪਾਰਟਮੈਂਟ 'ਚ ਚਾਰੋਂ ਪਾਸੇ ਹਰਿਆਲੀ ਹੈ, ਜਿਸ ਕਾਰਨ ਪੂਰਾ ਮਾਹੌਲ ਬੇਹੱਦ ਖੁਸ਼ਨੁਮਾ ਲੱਗਦਾ ਹੈ। ਗੱਲਬਾਤ ਦੌਰਾਨ ਰਾਗਿਨੀ ਨੇ ਦੱਸਿਆ ਕਿ ਉਸ ਨੂੰ ਗਾਰਡਨਿੰਗ ਦਾ ਬਹੁਤ ਸ਼ੌਕ ਹੈ ਪਰ ਉਸ ਦਾ ਘਰ ਤੀਜੀ ਮੰਜ਼ਿਲ 'ਤੇ ਹੈ ਤੇ ਡਰੇਨੇਜ ਦੀ ਵਜ੍ਹਾ ਕਾਰਨ ਉਥੇ ਪੌਦੇ ਲਗਾਉਣਾ ਮਨ੍ਹਾ ਹੈ। ਉਸ ਨੇ ਦੱਸਿਆ ਕਿ ਉਸ ਦੇ ਘਰ 'ਚ ਅਜਿਹੇ ਪੌਦੇ ਹਨ, ਜਿਨ੍ਹਾਂ 'ਚ ਪਾਣੀ ਦੀ ਲੋੜ ਘੱਟ ਹੁੰਦੀ ਹੈ। ਉਸ ਨੇ ਆਪਣੀ ਬਾਲਕਨੀ 'ਚ ਕਈ ਤਰ੍ਹਾਂ ਦੇ ਫੁੱਲ ਲਗਾ ਰੱਖੇ ਹਨ।