ਮੁੰਬਈ(ਬਿਊਰੋ)— ਬਾਲੀਵੁੱਡ ਐਕਟਰ ਰਾਜਪਾਲ ਯਾਦਵ ਨੇ 19 ਨਵੰਬਰ ਨੂੰ ਆਪਣੀ ਬੇਟੀ ਜੋਤੀ ਦਾ ਵਿਆਹ ਕੀਤਾ।
ਉਨ੍ਹਾਂ ਨੇ ਆਪਣੇ ਜਵਾਈ ਦੇ ਰੂਪ 'ਚ ਇਕ ਬੈਂਕ ਮੈਨੇਜਰ ਨੂੰ ਚੁਨਿਆ ਹੈ।
ਵਿਆਹ 'ਚ ਬਾਲੀਵੁੱਡ ਦੀ ਕੋਈ ਵੀ ਹਸਤੀ ਸ਼ਾਮਲ ਨਹੀਂ ਹੋਈ ਪਰ ਸਾਬਕਾ ਨੇਤਾ ਨਸੀਮੁਦੀਨ ਸਿੱਦਿਕੀ, ਅਮਰ ਸਿੰਘ ਸਮੇਤ ਕਈ ਨੇਤਾਵਾਂ ਨੇ ਸ਼ਿਰਕਤ ਕੀਤੀ।
ਦੱਸ ਦੇਈਏ ਕਿ ਜੋਤੀ ਰਾਜਪਾਲ ਦੀ ਪਹਿਲੀ ਪਤਨੀ ਕਰੂਣਾ ਦੀ ਬੇਟੀ ਹੈ।
ਇਕ ਵੈੱਬਸਾਈਟ 'ਤੇ ਛੱਪੀ ਖਬਰ ਮੁਤਾਬਕ ਕਰੂਣਾ ਆਪਣੀ ਬੇਟੀ ਨੂੰ ਜਨਮ ਦਿੰਦਿਆਂ ਹੀ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਗਈ।
ਉਨ੍ਹਾਂ ਦੀ ਮੌਤ ਦੇ ਬਾਅਦ ਰਾਜਪਾਲ ਨੇ ਪਰਿਵਾਰ ਦੇ ਸਹਿਯੋਗ ਨਾਲ ਬੇਟੀ ਦੀ ਪਰਵਰਿਸ਼ ਕੀਤੀ।
ਜ਼ਿਕਰਯੋਗ ਹੈ ਕਿ ਰਾਜਪਾਲ ਯਾਦਵ 'ਚੁੱਪ-ਚੁੱਪ ਕੇ', 'ਖੱਟਾ ਮਿੱਠਾ', 'ਕੁਸ਼ਤੀ', 'ਢੋਲ', 'ਚੱਲ ਚਲਾ ਚੱਲ', 'ਹੰਗਾਮਾ' ਸਮੇਤ ਕਈ ਫਿਲਮਾਂ 'ਚ ਕੰਮ ਕਰ ਚੁੱਕੇ ਹਨ।
