ਮੁੰਬਈ— ਬਾਲੀਵੁੱਡ ਅਭਿਨੇਤਰੀ ਰੰਭਾ ਦਾ ਅੱਜ ਜਨਮਦਿਨ ਹੈ। ਉਨ੍ਹਾਂ ਦਾ ਜਨਮ 5 ਜੂਨ 1976 ਨੂੰ ਹੋਇਆ ਸੀ। ਉਨ੍ਹਾਂ ਨੇ 'ਜੁੜਵਾਂ' ਅਤੇ 'ਬੰਧਨ' ਲਰਗੀਆਂ ਫਿਲਮ 'ਚ ਸਲਮਾਨ ਖਾਨ ਰੋਮਾਂਸ ਕੀਤਾ ਅਤੇ ਠੁਮਕੇ ਵੀ ਲਾਏ।
ਰੰਭਾ ਨੇ ਬੇਸ਼ੱਕ ਆਪਣੇ ਕੈਰੀਅਪ ਦੀ ਸ਼ੁਰੂਆਤ ਤੇਲੁਗੂ ਫਿਲਮਾਂ ਨਾਲ ਕੀਤੀ ਸੀ ਪਰ 90 ਦੇ ਦਹਾਕੇ 'ਚ ਉਹ ਬਾਲੀਵੁੱਡ 'ਚ ਟਾਪ ਦੀਆਂ ਅਭਿਨੇਤਰੀਆਂ 'ਚ ਮਸ਼ਹੂਰ ਸੀ ਅਤੇ ਸਾਰਿਆਂ ਦੀ ਪਸੰਦੀਦਾ ਸੀ।
ਬਾਲੀਵੁੱਡ 'ਚ ਲੋਕ ਉਸ ਨੂੰ ਦਿਵਿਆ ਭਾਰਤੀ ਦੀ ਹਮਸ਼ਕਲ ਕਹਿੰਦੇ ਸਨ ਪਰ ਚੰਦ ਹਿੱਟ ਫਿਲਮਾਂ ਦੇਣ ਤੋਂ ਬਾਅਦ ਰੰਭਾ ਦੇ ਬਾਲੀਵੁੱਡ ਕੈਰੀਅਰ 'ਚ ਗਿਰਵਾਟ ਆਉਣ ਲੱਗੀ ਅਤੇ ਉਸ ਦੀ ਝੋਲੀ 'ਚ ਸਿਰਫ ਅਤੇ ਸਿਰਫ ਛੋਟੇ ਕਿਰਦਾਰ ਹੀ ਰਹਿ ਗਏ।
ਇਸ ਤਰ੍ਹਾਂ ਦੇ ਨਿੱਕੇ-ਨਿੱਕੇ ਕਿਰਦਾਰ ਕਰਨ ਨਾਲੋਂ ਰੰਭਾ ਨੇ ਫਿਲਮਾਂ ਤੋਂ ਸੰਨਿਆਸ ਲੈਣਾ ਸਹੀਂ ਸਮਝਿਆ। ਇਸ ਤੋਂ ਬਾਅਦ ਸਾਲਲ 2010 'ਚ ਉਨ੍ਹਾਂ ਨੇ ਬਿਜ਼ਨੈੱਸਮੈਨ ਇੰਦਰਨ ਪਦਮਨਾਥਨ ਨਾਲ ਵਿਆਹ ਕਰਵਾ ਲਿਆ। ਇੰਨ੍ਹਾਂ ਦੀਆਂ ਦੋ ਬੇਟੀਆਂ ਵੀ ਹਨ।
ਰੰਭਾ ਨੇ ਸੋਚਿਆ ਸੀ ਕਿ ਫਿਲਮਾਂ ਤੋਂ ਦੂਰ ਉਹ ਆਪਮੀ ਵਿਆਹੁਤਾ ਜ਼ਿੰਦਗੀ 'ਚ ਹੀ ਮਨ ਲਾ ਲਵੇਗੀ ਪਰ ਹੋਇਆ ਉਲਟ।
ਵਿਆਹ ਦੇ ਕੁਝ ਸਾਲਾਂ ਬਾਅਦ ਹੀ ਰੰਭਾ ਅਤੇ ਉਸ ਦੇ ਪਤੀ 'ਚ ਮਨਮੁਟਾਅ ਦੀਆਂ ਖਬਰਾਂ ਆਉਣੀਆਂ ਸ਼ੁਰੂ ਹੋ ਗਈਆਂ, ਜਿਸ ਕਾਰਨ ਉਹ ਵੱਖਰੇ ਹੋ ਗਏ।