ਮੁੰਬਈ— ਫਿਲਮਾਂ 'ਚ ਖੌਫ ਅਤੇ ਦਹਿਸ਼ਤ ਲਈ ਜਾਣੇ ਜਾਂਦੇ ਇਸ ਅਭਿਨੇਤਾ ਨੇ ਆਪਣੇ ਲਈ ਇਕ ਅਜਿਹੀ ਪਛਾਣ ਬਣਾਈ ਸੀ, ਜਿਸ ਨਾਲ ਲੋਕ ਅਸਲ ਜ਼ਿੰਦਗੀ 'ਚ ਡਰਦੇ ਸਨ। ਇਹ ਅਭਿਨੇਤਾ ਸੀ ਰਾਮੀ ਰੈੱਡੀ, ਜਿਸ ਨੇ ਸਾਲ 1990 'ਚ ਆਈ ਫਿਲਮ 'ਪ੍ਰਤੀਬੰਧ' 'ਚ ਅੰਨਾ ਨਾਮਕ ਵਿਲੇਨ ਦਾ ਕਿਰਦਾਰ ਨਿਭਾਇਆ ਸੀ।
ਰਾਮੀ ਰੈੱਡੀ ਦਾ ਖੌਫ ਅਜਿਹਾ ਹੋ ਗਿਆ ਸੀ ਕਿ ਜਦੋਂ ਵੀ ਉਹ ਫਿਲਮੀ ਪਰਦੇ 'ਤੇ ਆਉਂਦਾ ਤਾਂ ਲੋਕਾਂ ਅੰਦਰ ਦਹਿਸ਼ਤ ਫੈਲ ਜਾਂਦੀ।
ਹਰ ਫਿਲਮ 'ਚ ਉਸ ਦਾ ਕਿਰਦਾਰ ਅਤੇ ਲੁੱਕ ਇੰਨਾ ਭਿਆਨਕ ਹੁੰਦੀ ਸੀ ਕਿ ਲੋਕ ਦੇਖਦੇ ਹੀ ਕੰਬ ਜਾਂਦੇ ਸਨ ਪਰ ਕਿਸੇ ਨੂੰ ਕੀ ਪਤਾ ਸੀ ਫਿਲਮੀ ਪਰਦੇ 'ਤੇ ਖੌਫ ਕੇ ਡਰਾਉਣੀ ਪਛਾਣ ਬਣਾ ਚੁੱਕੇ ਇਸ ਅਭਿਨੇਤਾ ਦੀ ਅਸਲ ਜ਼ਿੰਦਗੀ ਕਾਫੀ ਦਰਦਨਾਕ ਰਹੀ।
90 ਦੇ ਦਹਾਕੇ 'ਚ ਫਿਲਮਾਂ 'ਚ ਵਿਲੇਨ ਦਾ ਕਿਰਦਾਰ ਨਿਭਾਅ ਕੇ ਰਾਮੀ ਰੈੱਡੀ ਨੇ ਸਫਲਤਾ ਦੀਆਂ ਪੋੜ੍ਹੀਆਂ ਚੜ੍ਹਨੀਆਂ ਸ਼ੁਰੂ ਕੀਤੀ ਸੀ।
ਕਾਫੀ ਫਿਲਮਾਂ ਦੇ ਆਫਰ ਉਸ ਨੂੰ ਆਉਣ ਲੱਗੇ ਪਰ ਜਲਦ ਹੀ ਉਹ ਸਮਾਂ ਆ ਗਿਆ ਜਦੋਂ ਬਾਲੀਵੁੱਡ ਨੇ ਇਸ ਹੀਰੋ ਨੂੰ ਭੁਲਾ ਦਿੱਤਾ ਅਤੇ ਫਿਰ ਮਜਬੂਰੀ 'ਚ ਰਾਮੀ ਰੈੱਡੀ ਨੂੰ ਦੱਖਣੀ ਫਿਲਮਾਂ ਵੱਲ ਹੋ ਗਏ।
ਉਸ ਨੇ ਕਰੀਅਰ ਦੀ ਸ਼ੁਰੂਆਤ ਤੇਲੁਗੂ ਫਿਲਮਾਂ ਨਾਲ ਕੀਤੀ ਸੀ ਪਰ ਜਦੋਂ ਬਾਲੀਵੁੱਡ ਤੋਂ ਆਫਰ ਨਾ ਮਿਲਿਆ ਕਾ ਉਹ ਖੁਦ ਨੂੰ ਰੋਕ ਨਾ ਸਕੇ ਅਤੇ ਬਾਲੀਵੁੱਡ 'ਚ ਆਪਣੇ ਕਦਮ ਜਮਾਉਣ ਆ ਗਏ ਪਰ ਇਥੇ ਮਿਲੀ ਬੇਰੁੱਖੀ ਨਾਲ ਆਹਤ ਰਾਮੀ ਰੈੱਡੀ ਫਿਰ ਤੋਂ ਦੱਖਣੀ ਫਿਲਮਾਂ ਵੱਲ ਮੁੜ ਗਏ।
