ਮੁੰਬਈ(ਬਿਊਰੋ)— ਬਾਲੀਵੁੱਡ ਐਕਟਰ ਰਣਬੀਰ ਕਪੂਰ ਨੇ ਆਪਣੇ ਭਾਣਜੇ ਤੈਮੂਰ ਅਲੀ ਖਾਨ ਨੂੰ ਲੈ ਕੇ ਨਵੀਂ ਗੱਲ ਦੱਸੀ ਹੈ। ਰਣਬੀਰ ਨੇ ਇਕ ਇੰਟਰਵਿਊ ਦੌਰਾਨ ਦੱਸਿਆ ਕਿ, ਉਹ ਖੁਦ ਵੀ ਕਰੀਨਾ ਕਪੂਰ ਖਾਨ ਦੇ ਨੰਨ੍ਹੇ ਤੈਮੂਰ ਅਲੀ ਖਾਨ ਦਾ ਫੈਨ ਹੈ ਤੇ ਅਕਸਰ ਹੀ ਸੋਸ਼ਲ ਮੀਡੀਆ 'ਤੇ ਉਸ ਦੀਆਂ ਤਸਵੀਰਾਂ ਚੋਰੀ-ਚੋਰੀ ਦੇਖਦਾ ਹੈ।'' ਅੱਗੇ ਰਣਬੀਰ ਨੇ ਕਿਹਾ, ''ਸੱਚ ਦੱਸਾਂ ਤਾਂ ਮੈਂ ਉਸ ਦੀਆਂ ਤਸਵੀਰਾਂ ਨੂੰ ਕਈ ਵਾਰ ਲੁਕਾ ਕੇ ਦੇਖਦਾ ਹਾਂ ਕਿਉਂਕਿ ਮੈਂ ਉਸ ਨੂੰ ਲੈ ਕੇ ਮੇਰੇ 'ਤੇ ਕਾਫੀ ਜਾਨੂੰਨ ਸਵਾਰ ਰਹਿੰਦਾ ਹੈ। ਮੇਰੇ ਕੋਲ ਇਹ ਮੌਕਾ ਤੇ ਚੰਗੀ ਕਿਸਮਤ ਹੈ ਕਿ ਮੈਂ ਉਸ ਨੂੰ ਮੈਂ ਗੋਦ 'ਚ ਚੁੱਕ ਸਕਦਾ ਹਾਂ। ਇਹ ਇਕ ਬੇਹੱਦ ਅਨੌਖਾ ਅਨੁਭਵ ਹੈ। ਮੈਨੂੰ ਅਜਿਹਾ ਲੱਗਦਾ ਹੈ ਕਿ ਮੈਂ ਕਿਸੇ ਰਾਇਲ (ਸ਼ਾਹੀ) ਚੀਜ਼ ਫੜ ਰਿਹਾ ਹਾਂ। ਜਦੋਂ ਤੁਸੀਂ ਉਸ ਨੂੰ ਦੇਖਦੇ ਹੋਵੋਗੇ ਤਾਂ ਬੇਹਿਤਰ ਮਹਿਸੂਸ ਹੁੰਦਾ ਹੋਵੇਗਾ। ਮੈਂ ਖੁਦ ਵੀ ਤੈਮੂਰ ਦਾ ਵੱਡਾ ਫੈਨ ਹਾਂ।'' ਦੱਸਣਯੋਗ ਹੈ ਕਿ ਰਣਬੀਰ ਨੇ ਇਹ ਵੀ ਕਿਹਾ ਹੈ ਕਿ, ''ਮੈਂ ਤੇ ਮੇਰੀ ਭੈਣ ਰਿਧਿਮਾ ਛੋਟੇ ਸਨ ਉਦੋਂ ਇਸ ਪ੍ਰਕਾਰ ਦਾ ਮੀਡੀਆ ਅਟੇਂਸ਼ਨ ਉਨ੍ਹਾਂ ਨੂੰ ਨਹੀਂ ਮਿਲਿਆ। ਉਸ ਸਮੇਂ ਕੈਮਰਾ, ਫੋਨ ਨਹੀਂ ਹੁੰਦੇ ਸੀ ਤੇ ਨਾ ਪਾਪਾਰਾਜੀ ਸੀ ਪਰ ਸਾਨੂੰ ਵੀ ਵੱਖਰੇ ਤਰ੍ਹਾਂ ਦਾ ਅਟੇਂਸ਼ਨ ਮਿਲਦਾ ਸੀ। ਜਦੋਂ ਕਦੇ ਵੀ ਮੈਂ ਤੇ ਮੇਰੀ ਭੈਣ ਸਕੂਲ ਜਾਂ ਫਿਰ ਕਿਤੇ ਬਾਹਕ ਜਾਂਦੇ ਸਨ ਤਾਂ ਲੋਕ ਜਾਣਦੇ ਸਨ ਕਿ ਅਸੀਂ ਰਿਸ਼ੀ ਕਪੂਰ ਦੇ ਬੱਚੇ ਹਾਂ ਤੇ ਉਹ ਸਾਨੂੰ ਚੰਗੇ ਰੂਪ 'ਚ ਦੇਖਦੇ ਸਨ। ਇਹ ਬੇਹੱਦ ਅਨੋਖਾ ਅਨੁਭਵ ਸੀ। ਆਪਣੇ ਮਾਤਾ-ਪਿਤਾ ਦੇ ਨਾਂ ਨਾਲ ਚੱਲਣ 'ਚ ਬਹੁਤ ਗਰਵ ਮਹਿਸੂਸ ਹੁੰਦਾ ਹੈ।''