ਮੁੰਬਈ— ਬਾਲੀਵੁੱਡ ਅਭਿਨੇਤਰੀ ਰੇਖਾ ਦੀ ਜ਼ਿੰਦਗੀ ਨਾਲ ਜੁੜੇ ਕਈ ਅਜਿਹੇ ਕਿੱਸੇ ਹਨ, ਜਿਨ੍ਹਾਂ ਬਾਰੇ ਜ਼ਿਆਦਾਤਰ ਲੋਕ ਨਹੀਂ ਜਾਣਦੇ। ਅਜਿਹੇ ਹੀ ਇੱਕ ਕਿੱਸੇ ਦਾ ਜ਼ਿਕਰ ਇੱਕ ਫੈਮ ਮੈਗਜ਼ੀਨ 'ਚ ਕੀਤਾ ਗਿਆ ਸੀ। ਇਹ ਕਿੱਸਾ ਉਸ ਸਮੇਂ ਦਾ ਹੈ, ਜਦੋਂ ਰੇਖਾ ਸਿਰਫ 10 ਸਾਲ ਦੀ ਸੀ। ਅਸਲ 'ਚ ਉਸ ਸਮੇਂ ਰੇਖਾ ਨਾਲ ਇੱਕ ਅਣਜਾਨ ਵਿਅਕਤੀ ਨੇ ਛੇੜਛਾੜ ਕੀਤੀ ਸੀ ਪਰ ਅਜਿਹਾ ਕਰਨ ਵਾਲੇ ਵਿਅਕਤੀ ਨੂੰ ਉਨ੍ਹਾਂ ਨੇ ਮੂੰਹ ਤੋੜ ਜਵਾਬ ਦਿੱਤਾ ਸੀ।
ਸੂਤਰਾਂ ਮੁਤਾਬਕ ਰੇਖਾ ਆਪਣੀ ਭੈਣ ਅਤੇ ਆਇਆ (ਨੈਨੀ) ਨਾਲ ਕੋਈ ਫਿਲਮ ਦੇਖ ਕੇ ਪਰਤ ਕੇ ਆ ਰਹੀ ਸੀ ਤੇ ਉਸ ਨੂੰ ਕਾਫੀ ਨੀਂਦ ਵੀ ਆ ਰਹੀ ਸੀ। ਉਥੇ ਅਚਾਨਕ ਭੀੜ 'ਚ ਰੇਖਾ ਆਪਣੀ ਭੈਣ ਤੇ ਆਇਆ ਤੋਂ ਵਿਛੜ ਗਈ ਅਤੇ ਚੱਲਦੇ-ਚੱਲਦੇ ਭੁੱਲ ਨਾਲ ਇੱਕ ਅਜਨਬੀ ਸ਼ਖਸ ਦੀ ਉਂਗਲੀ ਫੜ ਲਈ ਪਰ ਅਚਾਨਕ ਉਸ ਨੂੰ ਅਹਿਸਾਸ ਹੋਇਆ ਕਿ ਅਜਨਬੀ ਉਸ ਦੀ ਛਾਤੀ 'ਤੇ ਹੱਥ ਲਾ ਰਿਹਾ ਹੈ। ਰੇਖਾ ਨੂੰ ਸਮਝਣ 'ਚ ਦੇਰੀ ਨਹੀਂ ਲੱਗੀ ਕਿ ਉਸ ਦੇ ਇਰਾਦੇ ਉਸ ਨੂੰ ਲੈ ਕੇ ਠੀਕ ਨਹੀਂ ਹਨ।
ਉਨ੍ਹਾਂ ਨੇ ਜਲਦੀ ਨਾਲ ਹੱਥ ਛੁੱਡਿਆ ਅਤੇ ਉਸ ਵਿਅਕਤੀ ਦੇ ਮੂੰਹ 'ਤੇ ਜ਼ੋਰਦਾਰ ਥੱਪੜ ਮਾਰ ਦਿੱਤਾ। ਦੇਖਦੇ ਹੀ ਦੇਖੇ ਉਥੇ ਭੀੜ ਇਕੱਠੀ ਹੋ ਗਈ ਅਤੇ ਮੌਕਾ ਮਿਲਦੇ ਹੀ ਉਹ ਸ਼ਖਸ ਉਥੋਂ ਭੱਜ ਗਿਆ।
ਇੰਨਾ ਹੀ ਨਹੀਂ, ਇੱਕ ਵਾਰ ਤਾਂ ਰੇਖਾ ਸਿਨੇਮਾਹਾਲ 'ਚ ਫਿਮਲ ਦੇਖ ਰਹੀ ਸੀ ਤਾਂ ਪਿੱਛੇ ਬੈਠਾ ਇੱਕ ਲੜਕਾ ਵਾਰ-ਵਾਰ ਉਸ ਦੀ ਸੀਟ ਨੂੰ ਹਿੱਲਾ ਰਿਹਾ ਸੀ।
ਰੇਖਾ ਨੇ ਆਪਣੀ ਸੀਟ ਬਦਲ ਲਈ ਅਤੇ ਲੜਕੇ ਦੇ ਪਿੱਛੇ ਜਾ ਕੇ ਬੈਠ ਗਈ। ਇਸ ਤੋਂ ਬਾਅਦ ਉਸ ਨੇ ਮੂੰਹ ਤੋਂ ਚਵਿੰਗਮ ਕੱਢੀ ਅਤੇ ਰੇਖਾ ਦੇ ਵਾਲਾਂ 'ਚ ਲਾ ਦਿੱਤੀ।