ਮੁੰਬਈ(ਬਿਊਰੋ)— ਟੀ. ਵੀ. ਅਦਾਕਾਰਾ ਰਿਧਿਮਾ ਪੰਡਿਤ ਰਿਐਲਿਟੀ ਸ਼ੋਅ 'ਖਤਰੋਂ ਕੇ ਖਿਲਾੜੀ' ਵਿਚ ਸ਼ਿਰਕਤ ਕਰਦੀ ਨਜ਼ਰ ਆ ਸਕਦੀ ਹੈ।
ਕਲਰਸ ਚੈਨਲ 'ਤੇ ਬਹੁਤ ਛੇਤੀ ਰੋਹਿਤ ਸ਼ੈੱਟੀ 'ਖਤਰੋਂ ਕੇ ਖਿਲਾੜੀ' ਸ਼ੋਅ ਲੈ ਕੇ ਆ ਰਹੇ ਹਨ। ਇਸ ਵਾਰ ਨਵੇਂ ਸੀਜ਼ਨ 'ਚ ਇਕ ਵਾਰ ਮੁੜ ਨਵੇਂ ਕਲਾਕਾਰ ਜੁੜਨ ਜਾ ਰਹੇ ਹਨ।
ਇਸ ਸ਼ੋਅ 'ਚ ਮੁਕਾਬਲੇਬਾਜ਼ ਦੇ ਤੌਰ 'ਤੇ ਇਸ ਅਦਾਕਾਰਾ ਦਾ ਨਾਂ ਸਾਹਮਣੇ ਆ ਰਿਹਾ ਹੈ। ਸ਼ੋਅ 'ਬਹੂ ਹਮਾਰੀ ਰਜਨੀਕਾਂਤ' ਵਿਚ ਰਿਧਿਮਾ ਨੇ ਸਾਰਿਆਂ ਨੂੰ ਕਾਫੀ ਪ੍ਰਭਾਵਿਤ ਕੀਤਾ ਸੀ।
ਦਰਸ਼ਕਾਂ ਨੂੰ ਉਹ ਹਮੇਸ਼ਾ ਹੀ ਪਸੰਦ ਆਉਂਦੀ ਰਹੀ ਹੈ। ਰਿਧਿਮਾ ਨੇ ਇਸ ਤੋਂ ਪਹਿਲਾਂ 'ਐਂਟਰਟੇਨਮੈਂਟ ਕੀ ਰਾਤ' ਵਿਚ ਵੀ ਕੰਮ ਕੀਤਾ ਅਤੇ ਹੁਣ ਉਹ ਇਸ ਸ਼ੋਅ 'ਚ ਵੀ ਨਜ਼ਰ ਆ ਸਕਦੀ ਹੈ।
ਹਾਲਾਂਕਿ ਹੁਣ ਤੱਕ ਇਸ ਖਬਰ ਦੀ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ।
