ਜਲੰਧਰ (ਬਿਊਰੋ)— ਰੋਸ਼ਨ ਪ੍ਰਿੰਸ ਨੇ ਆਪਣੇ ਅਗਲੇ ਗੀਤ 'ਪੇਕਿਆਂ ਨੂੰ' ਦਾ ਪੋਸਟਰ ਸ਼ੇਅਰ ਕਰ ਦਿੱਤਾ ਹੈ। 'ਪੇਕਿਆਂ ਨੂੰ' ਗੀਤ ਲਈ ਰੋਸ਼ਨ ਪ੍ਰਿੰਸ ਲਾੜਾ ਬਣੇ ਹਨ ਤੇ ਲਾੜੀ ਦੇ ਰੂਪ 'ਚ ਖੂਬਸੂਰਤ ਪੰਜਾਬੀ ਮਾਡਲ ਆਕਾਂਕਸ਼ਾ ਸਰੀਨ ਨਜ਼ਰ ਆਉਣ ਵਾਲੀ ਹੈ। ਪੋਸਟਰ 'ਚ ਦੋਵੇਂ ਇਕੱਠੇ ਬੇਹੱਦ ਕਿਊਟ ਨਜ਼ਰ ਆ ਰਹੇ ਹਨ। ਪੋਸਟਰ ਸ਼ੇਅਰ ਕਰਦਿਆਂ ਰੋਸ਼ਨ ਪ੍ਰਿੰਸ ਨੇ ਲਿਖਿਆ, 'Presenting The First Poster of "The Wedding Song of this Season" "PEKEYAN NU"Releasing on 6thDec 6:00PM'। ਦੱਸਣਯੋਗ ਹੈ ਕਿ ਰੋਸ਼ਨ ਪ੍ਰਿੰਸ ਦੇ ਗੀਤ ਦਾ ਸੰਗੀਤ ਦੇਸੀ ਰੂਟਜ਼ ਨੇ ਦਿੱਤਾ ਹੈ, ਜਦਕਿ ਇਸ ਦੇ ਬੋਲ ਮਨਿੰਦਰ ਕੈਲੇ ਨੇ ਲਿਖੇ ਹਨ। ਵੀਡੀਓ ਦਾ ਨਿਰਮਾਣ ਵੀ. ਕੇ. ਫਿਲਮਜ਼ ਵਲੋਂ ਕੀਤਾ ਗਿਆ ਹੈ। ਇਹੀ ਨਹੀਂ ਗੀਤ 'ਚ ਸਾਨੂੰ ਸ਼ਵਿੰਦਰ ਮਾਹਲ ਰੋਸ਼ਨ ਪ੍ਰਿੰਸ ਦੇ ਬਾਪੂ ਤੇ ਸੀਮਾ ਕੌਸ਼ਲ ਬੇਬੇ ਦੇ ਰੂਪ 'ਚ ਦੇਖਣ ਨੂੰ ਮਿਲਣਗੇ। ਟੀ-ਸੀਰੀਜ਼ ਦੇ ਬੈਨਰ ਹੇਠ ਇਹ ਗੀਤ 6 ਦਸੰਬਰ ਨੂੰ ਠੀਕ ਸ਼ਾਮ 6 ਵਜੇ ਰਿਲੀਜ਼ ਹੋਵੇਗਾ, ਜਿਸ ਦੀ ਸਾਨੂੰ ਬੇਸਬਰੀ ਨਾਲ ਉਡੀਕ ਹੈ।