ਮੁੰਬਈ (ਬਿਊਰੋ)— ਛੋਟੇ ਪਰਦੇ ਦੇ ਸ਼ੋਅ 'ਸ਼ਕਤੀ- ਅਸਤੀਤਵ ਕੇ ਅਹਿਸਾਸ ਕੀ' ਫੇਮ ਅਦਾਕਾਰਾ ਰੁਬੀਨਾ ਦਿਲੈਕ ਇਨੀਂ ਦਿਨੀਂ ਸੱਤਵੇਂ ਆਸਾਮਨ 'ਤੇ ਹੈ। ਜਿੱਥੇ ਇਕ ਪਾਸੇ ਉਨ੍ਹਾਂ ਦਾ ਸ਼ੋਅ ਟੀ.ਆਰ.ਪੀ. ਵਿਚ ਟੌਪ ਪੋਜ਼ੀਸ਼ਨ 'ਤੇ ਬਣਿਆ ਹੋਇਆ ਹੈ ਤਾਂ ਉੱਥੇ ਹੀ ਦੂਜੇ ਪਾਸੇ ਉਨ੍ਹਾਂ ਦੀ ਨਿੱਜ਼ੀ ਜ਼ਿੰਦਗੀ ਵੀ ਇਕ ਬਿਹਤਰ ਦੌਰ 'ਚੋਂ ਗੁਜ਼ਰ ਰਹੀ ਹੈ। ਦਰਅਸਲ ਰੁਬੀਨਾ ਛੇਤੀ ਹੀ ਵਿਆਹ ਦੇ ਬੰਧਨ 'ਚ ਬੱਝਣ ਜਾ ਰਹੀ ਹੈ। ਇਕ ਰਿਪੋਰਟ ਮੁਤਾਬਕ ਰੁਬੀਨਾ ਆਪਣੇ ਬੁਆਏਫ੍ਰੈਂਡ ਅਭਿਨਵ ਸ਼ੁਕਲਾ ਨਾਲ ਸੱਤ ਫੇਰੇ ਲੈ ਸਕਦੀ ਹੈ। ਰੁਬੀਨਾ ਅਤੇ ਅਭਿਨਵ ਪਿੱਛਲੇ ਚਾਰ ਸਾਲਾਂ ਤੋਂ ਇਕ-ਦੂੱਜੇ ਨੂੰ ਡੇਟ ਕਰ ਰਹੇ ਸਨ ਅਤੇ ਹੁਣ ਦੋਵਾਂ ਨੇ ਆਪਣੇ ਰਿਸ਼ਤੇ ਨੂੰ ਅੱਗੇ ਵਧਾਉਣ ਦਾ ਫੈਸਲਾ ਕੀਤਾ ਹੈ। ਤੈਅ ਹੋਈ ਡੇਟ ਅਨੁਸਾਰ ਇਹ ਕਪੱਲ ਜੂਨ ਦੇ ਦੂੱਜੇ ਹਫਤੇ ਵਿਆਹ ਕਰਵਾ ਸਕਦੇ ਹਨ। ਰੁਬੀਨਾ ਅਕਸਰ ਹੀ ਆਪਣੇ ਬੁਆਏਫ੍ਰੈਂਡ ਨਾਲ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਦੀ ਰਹਿੰਦੀ ਹੈ। ਉਥੇ ਹੀ ਅਭਿਨਵ ਵੀ ਰੁਬੀਨਾ ਨਾਲ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸਾਂਝੀਆਂ ਕਰਦੇ ਰਹਿੰਦੇ ਹਨ।
ਛੋਟੇ ਪਰਦੇ ਦੇ ਸਿਤਾਰਿਆਂ ਦਾ ਇਨੀਂ ਦਿਨੀਂ ਵਿਆਹ ਕਰਨ ਦਾ ਸਿਲਸਿਲਾ ਜਾਰੀ ਹੈ। ਹੁਣ ਹਾਲ ਹੀ 'ਚ 'ਸਸੁਰਾਲ ਸਿਮਰ ਕਾ' ਫੇਮ ਦੀਪਿਕਾ ਕੱਕੜ ਨੇ ਆਪਣੇ ਕੋਸਟਾਰ ਸ਼ੋਏਬ ਇਬਰਾਹਿਮ ਨਾਲ ਵਿਆਹ ਕੀਤਾ ਸੀ।