ਮੁੰਬਈ— ਬਾਲੀਵੁੱਡ ਦੇ ਮਸ਼ਹੂਰ ਅਭਿਨੇਤਾ ਸੈਫ ਅਲੀ ਖਾਨ ਦਾ ਅੱਜ ਜਨਮਦਿਨ ਹੈ। ਜਨਮਦਿਨ 'ਤੇ ਸੈਫ ਨੂੰ ਇਕ ਵੱਡਾ ਝਟਕਾ ਮਿਲਿਆ ਹੈ। ਅਸਲ 'ਚ 'ਰੇਸ' ਸੀਰੀਜ਼ ਦੀ ਅਗਲੀ ਫਿਲਮ 'ਰੇਸ 3' 'ਚ ਹੁਣ ਤੁਹਾਨੂੰ ਸੈਫ ਅਲੀ ਖਾਨ ਦੇਖਣ ਨੂੰ ਨਹੀਂ ਮਿਲਣਗੇ।
ਦੱਸ ਦਈਏ ਕਿ ਹੁਣ ਇਸ ਫਿਲਮ ਲਈ ਸਲਮਾਨ ਖਾਨ ਨੂੰ ਅਪ੍ਰੋਚ ਕਰ ਲਿਆ ਗਿਆ ਹੈ ਅਤੇ ਸਲਮਾਨ ਨੇ ਹਾਂ ਵੀ ਕਰ ਦਿੱਤੀ ਹੈ। ਹਾਲਾਂਕਿ ਇਸ ਫਿਲਮ ਨੂੰ ਸਲਮਾਨ ਖਾਨ ਨੇ ਇਕ ਸ਼ਰਤ 'ਤੇ ਸਿਲੈਕਟ ਕੀਤਾ ਹੈ। ਅਸਲ 'ਚ ਸਲਮਾਨ ਨੇ ਸ਼ਰਤ ਰੱਖੀ ਸੀ ਕਿ ਇਸ ਫਿਲਮ ਦਾ ਨਿਰਦੇਸ਼ਨ ਰੇਮੋ ਡਿਸੂਜਾ ਕਰਨਗੇ, ਜਿਸ ਨੂੰ ਮੰਨ ਲਿਆ ਗਿਆ ਹੈ।
ਦੱਸਣਯੋਗ ਹੈ ਕਿ 'ਰੇਸ 3' ਲਈ ਰੇਮੋ ਸਲਮਾਨ ਨਾਲ ਆਪਣੀ ਫਿਲਮ 'ਗੋ ਡੈਡੀ' ਨੂੰ ਵੀ ਪਿੱਠੇ ਛੱਡਣ ਲਈ ਤਿਆਰ ਹੋ ਗਏ ਹਨ। ਜਿਸ 'ਚ ਸਲਮਾਨ ਨਾਲ ਜੈਕਲੀਨ ਫਰਨਾਂਡਿਜ਼ ਵੀ ਨਜ਼ਰ ਆਵੇਗੀ। ਫਿਲਹਾਲ ਉਹ 'ਟਾਈਗਰ ਜ਼ਿੰਦਾ ਹੈ' ਦੇ ਆਖਿਰੀ ਸ਼ੈਡਿਊਲ ਦੀ ਸ਼ੂਟਿੰਗ ਕਰ ਰਹੇ ਹਨ ਤੇ ਹੋ ਸਕਦਾ ਹੈ ਕਿ ਉਹ ਅਕਤੂਬਰ ਤੋਂ 'ਰੇਸ 3' ਦੀ ਸ਼ਟਿੰਗ ਸ਼ੁਰੂ ਕਰ ਦੇਣ।
ਇਸ ਦੇ ਨਾਲ ਹੀ ਜਾਣਕਾਰੀ ਮੁਤਾਬਕ ਪ੍ਰੋਡਿਊਸਰ ਰਮੇਸ਼ ਤੌਰਾਨੀ ਇਸ ਫਿਲਮ ਨੂੰ 3 ਡੀ 'ਚ ਬਣਾਉਣਾ ਚਾਹੁੰਦੇ ਹਨ। ਜੇਕਰ ਅਜਿਹਾ ਹੁੰਦਾ ਹੈ ਕਿ ਇਹ ਸ਼ਾਇਦ ਪਹਿਲਾ ਮੌਕਾ ਹੋਵੇਗਾ, ਜੋ ਕਿਸੇ ਇੰਨੇ ਵੱਡੇ ਸਿਤਾਰਿਆਂ ਨੂੰ ਲੈ ਕੇ 3 ਡੀ ਫਾਰਮੇਟ 'ਚ ਫਿਲਮ ਬਣਾਈ ਜਾਵੇਗੀ।