ਲਾਸ ਏਂਜਲਸ— ਅਭਿਨੇਤਰੀ ਸਲਮਾ ਹਾਇਕ ਅੱਜ ਆਪਣਾ 51ਵਾਂ ਜਨਮਦਿਨ ਮਨਾ ਰਹੀ ਹੈ। ਬਚਪਨ 'ਚ ਡਿਸਲੇਕਸੀਆ ਵਰਗੀ ਬੀਮਾਰੀ ਦੇ ਕਾਰਨ ਉਸ ਨੂੰ ਸਕੂਲੋਂ ਕੱਢ ਦਿੱਤਾ ਗਿਆ ਸੀ। ਹਾਲਾਂਕਿ ਬਾਅਦ 'ਚ ਉਸ ਨੂੰ ਇਸ ਬੀਮਾਰੀ ਤੋਂ ਛੁਟਕਾਰਾ ਮਿਲ ਗਿਆ ਸੀ। ਉਸ ਨੇ ਹਾਲੀਵੁੱਡ ਦੀਆਂ ਕਈ ਹਿੱਟ ਫਿਲਮਾਂ 'ਚ ਕੰਮ ਕੀਤਾ ਹੈ। ਕਈ ਐਵਾਰਡਸ ਆਪਣੇ ਨਾਂ ਕਰ ਚੁੱਕੀ ਸਲਮਾ ਅੱਜ 544 ਕਰੋੜ ਦੀ ਜਾਇਦਾਦ ਦੀ ਮਾਲਕਣ ਹੈ। ਸਲਮਾ ਹਾਇਕ ਨੇ ਲੰਮੇ ਸਮੇਂ ਤਕ ਬਿਜ਼ਨੈੱਸਮੈਨ ਫ੍ਰੇਂਕੋਈਸ ਹੈਨਰੀ ਪਿਨਾਲਟ ਨੂੰ ਡੇਟ ਕੀਤਾ ਤੇ ਫਿਰ ਵਿਆਹ ਕਰਵਾਇਆ। ਦੱਸਣਯੋਗ ਹੈ ਕਿ ਸਲਮਾ ਵਿਆਹ ਤੋਂ ਪਹਿਲਾਂ ਹੀ ਗਰਭਵਤੀ ਹੋ ਗਈ ਸੀ। ਮਾਰਚ 2007 'ਚ ਉਸ ਨੇ ਆਪਣੀ ਮੰਗਣੀ ਦਾ ਖੁਲਾਸਾ ਕੀਤਾ ਸੀ। ਨਾਲ ਹੀ ਇਹ ਵੀ ਦੱਸਿਆ ਸੀ ਕਿ ਉਹ ਗਰਭਵਤੀ ਹੈ। ਉਸ ਨੇ ਸਤੰਬਰ 2007 'ਚ ਬੇਟੀ ਵੇਲੇਂਟੀਨਾ ਪਾਲੋਮਾ ਪਿਨਾਲਟ ਨੂੰ ਜਨਮ ਦਿੱਤਾ ਸੀ।