ਮੁੰਬਈ(ਬਿਊਰੋ)— ਸੰਗਰਾਮ ਚੌਗੁਲੇ ਬਾਡੀ ਬਿਲਡਰ ਦੀ ਦੁਨੀਆ ਦਾ ਮਸ਼ਹੂਰ ਨਾਂ ਹੈ। ਉਹ 'ਬਾਡੀ ਬਿਲਡਰ ਆਫ ਡੇਕੇਡ' ਦਾ ਰਿਕਾਰਡ ਆਪਣੇ ਨਾਂ ਕਰ ਚੁੱਕੇ ਹਨ। 5 ਵਾਰ ਮਿਸਟਰ ਮਹਾਰਾਸ਼ਟਰ ਤੇ 6 ਵਾਰ ਮਿਸਟਰ ਇੰਡੀਆ ਰਹਿ ਚੁੱਕੇ ਸੰਗਰਾਮ 2012 ਤੇ 2014 'ਚ ਮਿਸਟਰ ਯੂਨੀਵਰਸ ਦਾ ਖਿਤਾਬ ਵੀ ਆਪਣੇ ਨਾਂ ਕਰ ਚੁੱਕੈ ਹਨ। 
ਫਿਲਮਾਂ 'ਚ ਸੰਗਰਾਮ ਜ਼ਿਆਦਾ ਪੁਰਾਣੇ ਨਹੀਂ ਹੈ। ਉਨ੍ਹਾਂ ਨੇ 2016 'ਚ ਫਿਲਮ 'ਦੰਭ' ਨਾਲ ਮਰਾਠੀ ਸਿਨੇਮਾ 'ਚ ਐਂਟਰੀ ਲਈ। ਫਿਲਮ ਨੂੰ ਆਲੋਚਕਾਂ ਤੇ ਦਰਸ਼ਕਾਂ ਦੀ ਕਾਫੀ ਚੰਗੀ ਪ੍ਰਤੀਕਿਰਿਆ ਮਿਲੀ ਸੀ।
ਸੰਗਰਾਮ ਚੌਗੁਲੇ ਜਦੋਂ ਇੰਜੀਨਿਅਰਿੰਗ ਕਰ ਰਹੇ ਸਨ, ਉਸ ਦੌਰਾਨ ਉਨ੍ਹਾਂ ਨੇ ਬਾਡੀ ਬਿਲਡਿੰਗ 'ਚ ਆਉਣ ਦਾ ਫੈਸਲਾ ਕੀਤਾ।
ਹਰ ਦਿਨ 3-4 ਘੰਟੇ ਵਰਕਆਊਟ ਕਰਦੇ ਹਨ ਸੰਗਰਾਮ
ਸੰਗਰਾਮ ਸਵੇਰੇ ਉੱਠਣ ਤੋਂ ਬਾਅਦ ਫੈਟ ਬਰਨਰ ਤੇ ਐਮੀਨੋ ਐਸਿਡ ਲੈਂਦੇ ਹਨ।
ਇਸ ਦੇ 15 ਮਿੰਟ ਬਾਅਦ ਉਹ 20 ਮਿੰਟ ਕਸਰਤ ਕਰਦੇ ਹਨ ਤੇ ਫਿਰ ਪ੍ਰੋਟੀਨ ਸ਼ੇਕ ਲੈਂਦੇ ਹਨ। ਇਸ ਤੋਂ ਬਾਅਦ 3-4 ਘੰਟੇ ਤੱਕ ਆਪਣੀ ਬਾਡੀ ਲਈ ਜ਼ਰੂਰੀ ਵਰਕਆਊਟ ਕਰਦੇ ਹਨ।
ਜਦੋਂ ਉਹ ਕਿਸੇ ਮੁਕਾਬਲੇਬਾਜ਼ 'ਚ ਹਿੱਸਾ ਲੈਣ ਦੇ ਕਰੀਬ ਹੁੰਦੇ ਹਨ ਤਾਂ ਵਰਕਆਊਟ ਦਾ ਸੈਸ਼ਨ ਵਧਾ ਕੇ 4-5 ਘੰਟੇ ਹੋ ਜਾਂਦਾ ਹੈ।
