ਨਵੀਂ ਦਿੱਲੀ(ਬਿਊਰੋ)— ਬਾਲੀਵੁੱਡ ਦੇ ਸੁਪਰਸਟਾਰ ਸੰਜੇ ਦੱਤ ਦੀ ਉਤਰਾਅ-ਚੜ੍ਹਾਅ ਭਰੀ ਜ਼ਿੰਦਗੀ ਵਿਚ ਇਕ ਸਮਾਂ ਅਜਿਹਾ ਵੀ ਆਇਆ ਸੀ ਜਦੋਂ ਉਨ੍ਹਾਂ ਨੇ ਫਿਲਮੀ ਦੁਨੀਆ ਦੀ ਚਮਕ ਤੋਂ ਦੂਰ ਜਾ ਕੇ ਅਮਰੀਕਾ ਵਿਚ ਵਸਣ ਅਤੇ ਉਥੇ ਜਾਨਵਰ ਪਾਲਣ ਦਾ ਮਨ ਬਣਾ ਲਿਆ ਸੀ। ਉਨ੍ਹਾਂ ਦੇ ਮਨ ਵਿਚ ਇਹ ਖਿਆਲ ਉਸ ਸਮੇਂ ਆਇਆ ਸੀ, ਜਦੋਂ ਉਹ ਨਸ਼ੇ ਦੀ ਲਤ ਤੋਂ ਛੁਟਕਾਰਾ ਪਾਉਣ ਲਈ ਅਮਰੀਕਾ ਵਿਚ ਰਿਹੈਬ ਸੈਂਟਰ 'ਚ ਸਨ। ਉਨ੍ਹਾਂ ਨੂੰ ਮੁੰਬਈ ਦੀ ਚਮਕਦੀ ਰੌਸ਼ਨੀ ਤੋਂ ਦੂਰ ਉਥੋਂ ਦੀ ਸਕੂਨ ਭਰੀ ਦੁਨੀਆ ਵਿਚ ਮਜ਼ਾ ਆਉਣ ਲੱਗਾ ਸੀ ਅਤੇ ਉਨ੍ਹਾਂ ਦੇ ਮਨ ਵਿਚ ਅਮਰੀਕਾ ਵਿਚ ਵਸ ਜਾਣ ਅਤੇ ਉਥੇ ਜਾਨਵਰ ਪਾਲਣ ਦੀ ਇੱਛਾ ਪੈਦਾ ਹੋ ਗਈ ਸੀ। ਮੁੰਨਾ ਭਾਈ ਦੇ ਨਾਂ ਨਾਲ ਮਸ਼ਹੂਰ ਸੰਜੇ ਦੱਤ ਦੀ ਇਸ ਇੱਛਾ ਦਾ ਖੁਲਾਸਾ ਮਸ਼ਹੂਰ ਲੇਖਕ ਯਾਸਿਰ ਉਸਮਾਨ ਨੇ ਆਪਣੀ ਕਿਤਾਬ 'ਬਾਲੀਵੁੱਡ ਕਾ ਵਿਗੜਾ ਸ਼ਹਿਜ਼ਾਦਾ ਸੰਜੇ ਦੱਤ' ਵਿਚ ਕੀਤਾ ਹੈ।