ਮੁੰਬਈ (ਬਿਊਰੋ)— ਜਾਨਹਵੀ ਕਪੂਰ ਜਲਦ ਹੀ ਬਾਲੀਵੁੱਡ 'ਚ ਡੈਬਿਊ ਕਰਨ ਵਾਲੀ ਹੈ। ਉੱਥੇ ਹੀ ਉਸਦੀ ਚਚੇਰੀ ਭੈਣ ਸ਼ਨਾਇਆ ਕਪੂਰ ਦੇ ਡੈਬਿਊ ਦੀ ਚਰਚਾ ਹੋ ਰਹੀ ਹੈ। ਇਸ 'ਤੇ ਸ਼ਨਾਇਆ ਦੇ ਪਿਤਾ ਸੰਜੇ ਕਪੂਰ ਨੇ ਖੁੱਲ੍ਹ ਕੇ ਦੱਸਿਆ ਹੈ। ਸੰਜੇ ਕਪੂਰ ਨੇ ਕਿਹਾ, ''ਈਮਾਨਦਾਰੀ ਨਾਲ ਦੱਸਾ ਤਾਂ ਮੈਨੂੰ ਇਸ ਬਾਰੇ ਕੁਝ ਵੀ ਪਤਾ ਨਹੀਂ ਹੈ, ਪਤਾ ਨਹੀਂ ਇਹ ਕਦੋ ਹੋਵੇਗਾ, ਅਜੇ ਉਸਨੇ ਆਪਣੀ 12ਵੀਂ ਦੀ ਪੜ੍ਹਾਈ ਪੂਰੀ ਕੀਤੀ ਹੈ। ਉਹ ਇਸਦੇ ਲਈ ਕੰਮ ਕਰ ਰਹੀ ਹੈ ਪਰ ਅਜੇ ਤੱਕ ਕੁਝ ਸਾਈਨ ਨਹੀਂ ਕੀਤਾ ਹੈ। ਉਮੀਦ ਹੈ ਕਿ ਜਲਦ ਅਜਿਹਾ ਕੁਝ ਹੋਵੇਗਾ''।
ਸੰਜੇ ਨੇ ਕਿਹਾ, ''ਮੈਂ ਉਸ ਦੇ ਲਈ ਸੁਰੱਖਿਆ ਮਹਿਸੂਸ ਕਰਦਾ ਹਾਂ, ਉਸਦਾ ਇੰਸਟਾਗ੍ਰਾਮ 'ਤੇ ਵੱਖਰਾ ਅਕਾਊਂਟ ਹੈ ਪਰ ਕੁਝ ਚੀਜਾਂ ਸਾਡੇ ਕਾਬੂ ਤੋਂ ਬਾਹਰ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਰੈਸਟੋਰੈਂਟ ਜਾਂਦੀ ਹੈ, ਫਿਲਮ ਦੇਖਣ ਜਾਂਦੀ ਹੈ, ਅਸੀਂ ਉਸਨੂੰ ਘਰ 'ਚ ਬੰਦ ਨਹੀਂ ਕਰ ਸਕਦੇ ਹਾਂ ਤਾਂ ਜੋ ਉਸ ਦੀ ਕੋਈ ਤਸਵੀਰ ਕਲਿਕ ਨਾ ਕਰ ਲਵੇ। ਸ਼ਨਾਇਆ ਸੋਸ਼ਲ ਮੀਡੀਆ 'ਤੇ ਐਕਟਿਵ ਰਹਿਣ ਕਰਕੇ ਅਕਸਰ ਸੁਰਖੀਆਂ 'ਚ ਰਹਿੰਦੀ ਹੈ। ਦੱਸਿਆ ਜਾਂਦਾ ਹੈ ਕਿ ਸ਼ਨਾਇਆ, ਸ਼ਾਹਰੁਖ ਖਾਨ ਦੀ ਬੇਟੀ ਸੁਹਾਨਾ ਦੀ ਖਾਸ ਦੋਸਤ ਹੈ।
