ਮੁੰਬਈ/ਬੰਗਲੌਰ— ਕੰਨੜ ਫਿਲਮ 'ਦੰਡੂਪਾਲਿਆ 2' ਦਾ ਇਕ ਸੀਨ ਹਾਲ ਹੀ 'ਚ ਲੀਕ ਹੋ ਗਿਆ, ਜਿਸ 'ਚ ਅਭਿਨੇਤਰੀ ਸੰਜਨਾ ਗਲਰਾਨੀ ਨਿਊਡ ਨਜ਼ਰ ਆ ਰਹੀ ਹੈ। ਪਹਿਲਾਂ ਇਹ ਸੀਨ ਫਿਲਮ ਲਈ ਸ਼ੂਟ ਕੀਤਾ ਗਿਆ ਸੀ ਪਰ ਬਾਅਦ 'ਚ ਰੀਜਨਲ ਸੈਂਸਰ ਬੋਰਡ ਦੇ ਇਤਰਾਜ਼ ਤੋਂ ਬਾਅਦ ਇਸ ਸੀਨ ਨੂੰ ਹਟਾ ਦਿੱਤਾ ਗਿਆ ਸੀ। ਅਭਿਨੇਤਰੀ ਸੰਜਨਾ ਦਾ ਕਹਿਣਾ ਹੈ ਕਿ ਇਹ ਕੋਈ ਪਬਲੀਸਿਟੀ ਸਟੰਟ ਨਹੀਂ ਹੈ। ਉਸ ਨੇ ਕਿਹਾ ਕਿ ਡਾਇਰੈਕਟਰ ਸ਼੍ਰੀਨਿਵਾਸ ਰਾਜੂ ਫਿਲਹਾਲ ਬਾਹਰ ਹਨ ਤੇ ਉਹ ਜਿਵੇਂ ਹੀ ਪਰਤਣਗੇ, ਅਸੀਂ ਇਸ ਮਾਮਲੇ 'ਤੇ ਬੈਠ ਕੇ ਗੱਲ ਕਰਾਂਗੇ। ਫਿਲਮ ਦੀ ਆਨਲਾਈਨ ਲੀਕ ਵੀਡੀਓ 'ਚ ਜੇਲ ਦੇ ਅੰਦਰ ਕੁਝ ਪੁਲਸ ਵਾਲੇ ਸੰਜਨਾ ਨੂੰ ਸਰੀਰਕ ਤੌਰ 'ਤੇ ਟਾਰਚਰ ਕਰਦੇ ਹਨ। ਇਸ ਦੌਰਾਨ ਸੰਜਨਾ ਨਿਊਡ ਨਜ਼ਰ ਆਉਂਦੀ ਹੈ। ਫਿਲਮ 'ਦੰਡੂਪਾਲਿਆ 2' ਇਕ ਅਜਿਹੀ ਗੈਂਗ ਦੀ ਕਹਾਣੀ ਹੈ, ਜੋ ਦੰਡੂਪਾਲਿਆ (ਬੰਗਲੌਰ ਦਾ ਇਕ ਪੇਂਡੂ ਇਲਾਕਾ) 'ਚ ਰਹਿੰਦਾ ਹੈ ਤੇ ਖਤਰਨਾਕ ਜੁਰਮ 'ਚ ਲਿਪਤ ਹੈ। ਦੰਡੂਪਾਲਿਆ ਦੀ ਗੈਂਗ ਦੇ ਕੁਝ ਲੋਕਾਂ ਨੇ ਫਿਲਮ ਦਾ ਨਾਂ ਬਦਲਣ ਲਈ ਫਿਲਮਕਾਰ 'ਤੇ ਵੀ ਦਬਾਅ ਬਣਾਇਆ ਸੀ।