ਮੁੰਬਈ(ਬਿਊਰੋ)— ਹਰਿਆਣਾ ਦੀ ਡਾਂਸਰ ਸੈਂਸੇਸ਼ਨ ਸਪਨਾ ਚੌਧਰੀ 'ਬਿੱਗ ਬੌਸ' ਤੋਂ ਨਿਕਲਣ ਤੋਂ ਬਾਅਦ ਵੀ ਲਗਾਤਾਰ ਸੁਰਖੀਆਂ 'ਚ ਛਾਈ ਹੋਈ ਹੈ। ਸਪਨਾ ਦੇ ਗੀਤ ਹੁਣ ਫਿਲਮਾਂ 'ਚ ਵੀ ਸੁਣਾਈ ਦੇ ਰਹੇ ਹਨ ਪਰ ਇੰਨੀ ਦਿਨੀਂ ਸਪਨਾ ਚੌਧਰੀ ਦਾ ਗਲੈਮਰਸ ਲੁੱਕ ਇੰਟਰਨੈੱਟ ਵਾਇਰਲ ਹੋ ਰਿਹਾ ਹੈ। ਸਪਨਾ ਦਾ ਮੇਕਓਵਰ ਦੇਖ ਕੇ ਉਸ ਨੂੰ ਪਛਾਣਨਾ ਥੋੜ੍ਹਾ ਮੁਸ਼ਕਿਲ ਹੈ। ਸਪਨਾ ਚੌਧਰੀ ਨੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਸਪਨਾ ਦੇਸੀ ਲੁੱਕ ਛੱਡ ਗਲੈਮਰਸ ਅੰਦਾਜ਼ 'ਚ ਦਿਖਾਈ ਦੇ ਰਹੀ ਹੈ। ਸਪਨਾ ਦਾ ਇਹ ਬਦਲਿਆ ਲੁੱਕ ਫੈਨਜ਼ ਨੂੰ ਵੀ ਕਾਫੀ ਪਸੰਦ ਆ ਰਿਹਾ ਹੈ। ਅਕਸਰ ਹੀ ਸਲਵਾਰ ਕੁੜਤੇ 'ਚ ਨਜ਼ਰ ਆਉਣ ਵਾਲੀ ਸਪਨਾ ਚੌਧਰੀ ਨੇ ਨਵੀਆਂ ਤਸਵੀਰਾਂ 'ਚ ਮੈਕਸੀ ਡਰੈੱਸ ਪਾਈ ਹੋਈ ਹੈ, ਜਿਸ 'ਚ ਉਹ ਕਾਫੀ ਸ਼ਾਨਦਾਰ ਲੱਗ ਰਹੀ ਹੈ। ਸਪਨਾ ਚੌਧਰੀ ਹਾਲ ਹੀ 'ਚ ਕਈ ਬਾਲੀਵੁੱਡ ਫਿਲਮਾਂ 'ਚ ਪਰਫਾਰਮੈਂਸ ਦਿੰਦੇ ਦਿਖੀ ਸੀ। ਪਿਛਲੇ ਦਿਨੀਂ ਸਪਨਾ ਚੌਧਰੀ ਨੇ ਅਰਸ਼ੀ ਖਾਨ ਤੇ ਰਾਖੀ ਸਾਵੰਤ ਨਾਲ ਬਨਾਰਸ 'ਚ ਸਪਾ ਨੇਤਾ ਡਾਕਟਰ ਬਹਾਦੁਰ ਸਿੰਘ ਯਾਦਵ ਦੇ ਬੇਟੇ ਦੇ ਵਿਆਹ ਸਮਾਰੋਹ 'ਚ ਹਿੱਸਾ ਲਿਆ ਸੀ। ਇੰਨੀ ਦਿਨੀਂ ਸਪਨਾ ਚੌਧਰੀ ਪਹਿਲਾਂ ਤੋਂ ਜ਼ਿਆਦਾ ਫਿੱਟ ਤੇ ਗਲੈਮਰਸ ਨਜ਼ਰ ਆ ਰਹੀ ਹੈ। ਸਪਨਾ ਚੌਧਰੀ ਨੇ ਆਪਣਾ ਵਜ਼ਨ ਵੀ ਘੱਟ ਕਰ ਲਿਆ ਹੈ। ਦੱਸ ਦੇਈਏ ਕਿ ਸਪਨਾ ਚੌਧਰੀ ਸਲਮਾਨ ਖਾਨ ਦੇ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 11' 'ਚ ਨਜ਼ਰ ਆਈ ਸੀ। ਸਪਨਾ ਦੀ ਫੈਨ ਫਾਲੋਇੰਗ ਪਹਿਲਾਂ ਨਾਲੋਂ ਬਹੁਤ ਜ਼ਿਆਦਾ ਵਧ ਗਈ ਹੈ।