ਮੁੰਬਈ(ਬਿਊਰੋ)— ਸੈਫ ਅਲੀ ਖਾਨ ਅਤੇ ਅੰਮ੍ਰਿਤਾ ਸਿੰਘ ਦੀ ਬੇਟੀ ਸਾਰਾ ਅਲੀ ਖਾਨ ਜਲਦ ਹੀ ਫਿਲਮ 'ਕੇਦਾਰਨਾਥ' ਨਾਲ ਬਾਲੀਵੁੱਡ 'ਚ ਡੈਬਿਊ ਕਰਨ ਵਾਲੀ ਹੈ। ਇਸ ਦੇ ਨਾਲ ਹੀ ਅਕਸਰ ਇਹ ਦੇਖਿਆ ਗਿਆ ਹੈ ਕਿ ਅੰਮ੍ਰਿਤਾ ਆਪਣੀ ਬੇਟੀ ਨੂੰ ਉਨ੍ਹਾਂ ਦੇ ਬਾਲੀਵੁੱਡ ਡੈਬਿਊ 'ਚ ਹਰ ਤਰੀਕੇ ਨਾਲ ਗਾਈਡ ਕਰ ਰਹੀ ਹੈ ਅਤੇ ਕਰੀਅਰ ਨਾਲ ਜੁੜੇ ਫੈਸਲੇ ਲੈਣ 'ਚ ਵੀ ਮਦਦ ਕਰ ਰਹੀ ਹੈ।
ਰਿਪੋਰਟ ਮੁਤਾਬਕ ਮਾਂ ਅੰਮ੍ਰਿਤਾ ਤੇ ਕਰਨ ਜੌਹਰ ਨੇ ਸਾਰਾ ਨੂੰ ਨਿਰਦੇਸ਼ ਦਿੱਤੇ ਹਨ ਕਿ ਬਾਲੀਵੁੱਡ 'ਚ ਡੈਬਿਊ ਕਰਨ ਤੱਕ ਉਹ ਕੋਈ ਵੀ ਬ੍ਰੈਂਡ ਇੰਡੌਰਸਮੈਂਟ ਸਾਈਨ ਨਹੀਂ ਕਰੇਗੀ। ਤੁਹਾਨੂੰ ਦੱਸ ਦੇਈਏ ਕਿ ਬਾਲੀਵੁੱਡ ਡੈਬਿਊ ਤੋਂ ਪਹਿਲਾਂ ਹੀ ਸਾਰਾ ਕਾਫੀ ਡਿਮਾਂਡ 'ਚ ਹੈ।
ਉਨ੍ਹਾਂ ਦੀ ਫਿਲਮ 'ਕੇਦਾਰਨਾਥ' ਅਜੇ ਰਿਲੀਜ਼ ਵੀ ਨਹੀਂ ਹੋਈ ਕਿ ਰੋਹਿਤ ਸ਼ੈਟੀ ਨੇ ਉਨ੍ਹਾਂ ਨੂੰ ਰਣਵੀਰ ਸਿੰਘ ਨਾਲ ਫਿਲਮ 'ਸਿੰਬਾ' 'ਚ ਕਾਸਟ ਵੀ ਕਰ ਲਿਆ ਹੈ। ਇਸ ਤਰ੍ਹਾਂ ਸਾਰਾ ਨੇ ਆਪਣੀ ਦੂਜੀ ਫਿਲਮ ਵੀ ਸਾਈਨ ਕਰ ਲਈ ਹੈ।
ਸੂਤਰਾਂ ਮੁਤਾਬਕ ਰਣਵੀਰ ਸਿੰਘ ਨਾਲ ਕੰਮ ਕਰਨ ਤੋਂ ਬਾਅਦ ਜ਼ਾਹਿਰ ਜਿਹੀ ਗੱਲ ਹੈ ਕਿ ਮਾਰਕਿਟ 'ਚ ਸਾਰਾ ਦੀ ਡਿਮਾਂਡ ਵੱਧ ਜਾਵੇਗੀ। ਇਸ ਦੇ ਨਾਲ ਹੀ ਜੇਕਰ 'ਸਿੰਬਾ' ਵੀ 'ਕੇਦਾਰਨਾਥ' ਦੇ ਕੁਝ ਦਿਨਾਂ ਬਾਅਦ ਰਿਲੀਜ਼ ਹੁੰਦੀ ਹੈ ਤਾਂ ਸਾਰਾ ਦੀ ਡਿਮਾਂਡ ਵੱਧਣਾ ਤਾਂ ਤੈਅ ਹੈ।
