ਜਲੰਧਰ (ਬਿਊਰੋ)— ਪਾਲੀਵੁੱਡ ਇੰਡਸਟਰੀ ਦੀ ਦਮਦਾਰ ਅਦਾਕਾਰਾ ਸਰਗੁਣ ਮਹਿਤਾ ਵਿਆਹ ਦੇ 5 ਸਾਲਾਂ ਬਾਅਦ ਵੀ ਪਰਿਵਾਰ ਅੱਗੇ ਵਧਾਉਣ ਦੀ ਪਲਾਨਿੰਗ ਨਹੀਂ ਕਰ ਰਹੀ।
ਇਸ ਦਾ ਖੁਲਾਸਾ ਖੁਦ ਸਰਗੁਣ ਦੇ ਪਤੀ ਰਵੀ ਦੁਬੇ ਨੇ ਕੀਤਾ ਹੈ। 'ਜਮਾਈ ਰਾਜਾ' ਫੇਮ ਐਕਟਰ ਰਵੀ ਦੁਬੇ ਜਲਦ ਹੀ ਇਕ ਗੇਮ ਸ਼ੋਅ ਲੈ ਕੇ ਆ ਰਹੇ ਹਨ।
ਸਟਾਰ ਪਲੱਸ ਦੇ ਨਵੇਂ ਸ਼ੋਅ 'ਸਭ ਸੇ ਸਮਾਰਟ ਕੌਣ?' ਦੇ ਹੋਸਟ ਰਵੀ ਨੇ ਇਸ ਸ਼ੋਅ ਦੀਆਂ ਤਸਵੀਰਾਂ ਅਤੇ ਪ੍ਰੋਮੋ ਸੋਸ਼ਲ ਮੀਡੀਆ 'ਤੇ ਰਿਲੀਜ਼ ਕੀਤੇ ਹਨ।
ਪ੍ਰੋਫੈਸ਼ਨਲ ਲਾਈਫ ਦੇ ਨਾਲ-ਨਾਲ ਰਵੀ ਆਪਣੀ ਨਿੱਜੀ ਲਾਈਫ ਨੂੰ ਲੈ ਕੇ ਵੀ ਚਰਚਾ 'ਚ ਬਣੇ ਰਹਿੰਦੇ ਹਨ। ਰਵੀ ਅਤੇ ਸਰਗੁਣ ਮਹਿਤਾ ਪਿਛਲੇ 8 ਸਾਲਾਂ ਤੋਂ ਇਕੱਠੇ ਹਨ।
2013 'ਚ ਇਨ੍ਹਾਂ ਨੇ ਵਿਆਹ ਕੀਤਾ ਸੀ ਪਰ ਹੁਣ ਤੱਕ ਇਨ੍ਹਾਂ ਨੇ ਆਪਣੇ ਪਰਿਵਾਰ ਨੂੰ ਅੱਗੇ ਨਹੀਂ ਵਧਾਇਆ। ਇਸ ਬਾਰੇ 'ਚ ਰਵੀ ਦੁਬੇ ਨੇ ਕਿਹਾ ਕਿ ਉਹ ਅਤੇ ਸਰਗੁਣ ਫਿਲਹਾਲ ਪਰਿਵਾਰ ਵਧਾਉਣ ਦੀ ਪਲਾਨਿੰਗ ਨਹੀਂ ਕਰ ਰਹੇ।
ਰਵੀ ਨੇ ਇਕ ਬਿਆਨ 'ਚ ਕਿਹਾ, ''ਅਸੀਂ ਦੋਵੇਂ ਆਪਣੇ-ਆਪਣੇ ਕਰੀਅਰ 'ਚ ਬਹੁਤ ਚੰਗਾ ਕਰ ਰਹੇ ਹਾਂ ਅਤੇ ਇਕ ਬਹੁਤ ਚੰਗੀ ਸਥਿਤੀ 'ਚ ਹਾਂ।
ਅਸੀ ਫਿਲਹਾਲ ਪਰਿਵਾਰ ਵਧਾਉਣ ਦੀ ਯੋਜਨਾ ਨਹੀਂ ਬਣਾ ਰਹੇ, ਜਦੋਂ ਇਸ ਦਾ ਸਹੀ ਸਮਾਂ ਆਵੇਗਾ ਤਾਂ ਇਹ ਹੋ ਜਾਵੇਗਾ।''
