ਸੈਕਸ ਰੈਕੇਟ 'ਚ ਜਦੋਂ ਹੋਟਲ ਤੇ ਆਪਣੇ ਘਰ 'ਚੋਂ ਫੜੀਆਂ ਗਈਆਂ ਇਹ ਅਭਿਨੇਤਰੀਆਂ (ਦੇਖੋ ਤਸਵੀਰਾਂ)

ਮੁੰਬਈ— ਹਾਲ ਹੀ 'ਚ ਵਿਦਿਆ ਬਾਲਨ ਦੀ ਅਗਾਮੀ ਫਿਲਮ 'ਬੇਗਮ ਜਾਨ' ਦਾ ਟਰੇਲਰ ਰਿਲੀਜ਼ ਹੋਇਆ ਹੈ। ਟਰੇਲਰ ਮੁਤਾਬਕ ਫਿਲਮ 'ਚ ਗੌਹਰ ਖਾਨ, ਪੱਲਵੀ ਸ਼ਾਰਦਾ ਤੇ ਮਿਸ਼ਟੀ (ਇੰਦਰਾਣੀ ਚੱਕਰਵਰਤੀ) ਸਮੇਤ ਕਈ ਅਭਿਨੇਤਰੀਆਂ ਵੇਸਵਾ ਬਣੀਆਂ ਹੋਈਆਂ ਹਨ, ਜਦਕਿ ਵਿਦਿਆ ਬਾਲਨ ਕੋਠਾ ਚਲਾਉਣ ਵਾਲੀ ਮਾਲਕਣ ਦਾ ਕਿਰਦਾਰ ਨਿਭਾਅ ਰਹੀ ਹੈ। ਉਂਝ ਅਸਲ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਬਾਲੀਵੁੱਡ ਤੇ ਰੀਜਨਲ ਸਿਨੇਮਾ ਦੀਆਂ ਕਈ ਅਭਿਨੇਤਰੀਆਂ ਸੈਕਸ ਰੈਕੇਟ 'ਚ ਫਸ ਚੁੱਕੀਆਂ ਹਨ।

ਕਈ ਤਾਮਿਲ ਫਿਲਮਾਂ ਤੇ ਸੀਰੀਅਲਾਂ 'ਚ ਕੰਮ ਕਰਕੇ ਚੰਗਾ ਪੈਸਾ ਕਮਾਉਣ ਦੇ ਬਾਵਜੂਦ ਭੁਵਨੇਸ਼ਵਰੀ ਨੇ ਜਿਸਮਫਰੋਸ਼ੀ ਦਾ ਰਸਤਾ ਚੁਣਿਆ। 2009 'ਚ ਭੁਵਨੇਸ਼ਵਰੀ ਨੂੰ ਚੇਨਈ 'ਚ ਮੁੰਬਈ ਦੀਆਂ ਦੋ ਲੜਕੀਆਂ ਸਮੇਤ ਜਿਸਮਫਰੋਸ਼ੀ ਕਰਦੇ ਫੜਿਆ ਗਿਆ।

ਸਾਲ 2014 'ਚ ਹੈਦਰਾਬਾਦ ਦੇ ਬੰਜਾਰਾ ਹਿਲਸ 'ਚ ਇਕ ਸੈਕਸ ਸਕੈਂਡਲ 'ਚ ਸ਼ਵੇਤਾ ਬਾਸੂ ਦਾ ਨਾਂ ਆਇਆ ਸੀ। ਦੋ ਮਹੀਨੇ ਤਕ ਰੈਸਕਿਊ ਹੋਮ 'ਚ ਬਤੀਤ ਕਰਨ ਤੋਂ ਬਾਅਦ ਉਹ ਘਰ ਪਰਤੀ। ਹਾਲਾਂਕਿ ਬਾਅਦ 'ਚ ਸ਼ਵੇਤਾ ਨੂੰ ਹੈਦਰਾਬਾਦ ਸੈਸ਼ਨ ਕੋਰਟ ਨੇ ਇਸ ਮਾਮਲੇ 'ਚ ਕਲੀਨ ਚਿੱਟ ਦੇ ਦਿੱਤੀ ਸੀ। ਇਸ ਤੋਂ ਬਾਅਦ ਉਸ ਨੇ ਸਾਊਥ ਅਭਿਨੇਤਰੀ ਦੇ ਤੌਰ 'ਤੇ ਆਪਣੀ ਪਛਾਣ ਬਣਾਈ। ਫਿਲਹਾਲ ਉਹ ਟੀ. ਵੀ. ਸੀਰੀਅਲ 'ਚੰਦਰਨੰਦਿਨੀ' 'ਚ ਨਜ਼ਰ ਆ ਰਹੀ ਹੈ।

9 ਜਨਵਰੀ 2014 ਨੂੰ ਮੁੰਬਈ 'ਚ ਇਕ ਆਈ. ਏ. ਐੱਸ. ਗੁਪਤਾ ਦੇ ਘਰ ਛਾਪੇਮਾਰੀ ਦੌਰਾਨ ਹਾਈ ਪ੍ਰੋਫਾਈਲ ਸੈਕਸ ਰੈਕੇਟ ਦਾ ਪਰਦਾਫਾਸ਼ ਹੋਇਆ ਸੀ। ਹੈਰਾਨ ਕਰਨ ਵਾਲੀ ਗੱਲ ਇਹ ਸੀ ਕਿ ਰੈਕੇਟ ਕੋਈ ਹੋਰ ਨਹੀਂ, ਸਗੋਂ ਬਾਲੀਵੁੱਡ ਅਭਿਨੇਤਰੀ ਮਿਸ਼ਟੀ ਮੁਖਰਜੀ ਚਲਾ ਰਹੀ ਸੀ।

ਤਾਮਿਲ, ਤੇਲਗੂ ਤੇ ਮਲਿਆਲਮ ਫਿਲਮਾਂ ਦੀ ਅਭਿਨੇਤਰੀ ਤੇ ਪ੍ਰੋਫੈਸ਼ਨਲ ਭਰਤਨਾਟਿਅਮ ਡਾਂਸਰ ਸੁਕਨਿਆ ਨੂੰ ਚੇਨਈ ਦੇ ਇਕ ਹੋਟਲ ਤੋਂ ਦੇਹ ਵਪਾਰ ਦੇ ਦੋਸ਼ 'ਚ ਗ੍ਰਿਫਤਾਰ ਕੀਤਾ ਗਿਆ ਸੀ।

ਦੱਖਣ ਭਾਰਤੀ ਅਭਿਨੇਤਰੀ ਕਿੰਨਰਾ ਨੂੰ ਸੈਕਸ ਦਲਾਲ ਦੀ ਭੂਮਿਕਾ ਲਈ ਦੋਸ਼ੀ ਪਾਇਆ ਗਿਆ ਸੀ। ਇਸ ਦਾ ਖੁਲਾਸਾ ਇਕ ਅਖਬਾਰ ਚੈਨਲ ਦੇ ਸਟਿੰਗ 'ਚ ਕੀਤਾ ਗਿਆ।

'ਚਲਤੇ ਚਲਤੇ' ਤੇ 'ਓਮ ਸ਼ਾਂਤੀ ਓਮ' ਵਰਗੀਆਂ ਵੱਡੀਆਂ ਫਿਲਮਾਂ 'ਚ ਕੰਮ ਕਰ ਚੁੱਕੀ ਦੱਖਣ ਭਾਰਤੀ ਅਭਿਨੇਤਰੀ ਐਸ਼ ਅੰਸਾਰੀ ਨੂੰ 5 ਨਵੰਬਰ 2013 ਨੂੰ ਰੰਗੇ ਹੱਥੀਂ ਜਿਸਮਫਰੋਸ਼ੀ ਕਰਦੇ ਫੜਿਆ ਗਿਆ। ਜੋਧਪੁਰ ਦੇ ਰਾਈਕਾਬਾਗ ਰੋਡ ਸਥਿਤ ਇਕ ਹੋਟਲ 'ਚ ਤਿੰਨ ਹੋਰ ਮਹਿਲਾਵਾਂ ਨਾਲ ਇਸ ਅਭਿਨੇਤਰੀ ਨੂੰ ਕਾਬੂ ਕੀਤਾ ਗਿਆ।