ਜਲੰਧਰ— ਦੇਸ਼ਾਂ-ਵਿਦੇਸ਼ਾਂ 'ਚ ਗਾਇਕੀ ਨਾਲ ਪ੍ਰਸਿੱਧੀ ਖੱਟਣ ਵਾਲੇ ਨਾਮੀ ਗਾਇਕ ਸ਼ੈਰੀ ਮਾਨ ਅੱਜ ਆਪਣਾ ਜਨਮਦਿਨ ਮਨਾ ਰਹੇ ਹਨ। ਉਨ੍ਹਾਂ ਦਾ ਜਨਮ 12 ਸਤੰਬਰ 1982 ਨੂੰ ਮੁਹਾਲੀ 'ਚ ਸਰਦਾਰ ਬਲਬੀਰ ਸਿੰਘ ਤੇ ਸਰਦਾਰਨੀ ਹਰਮੇਲ ਕੌਰ ਦੇ ਘਰ ਹੋਇਆ। ਉਨ੍ਹਾਂ ਦੀ ਇਕ ਵੱਡੀ ਭੈਣ ਚੇ ਭਰਾ ਹੈ।
ਉਨ੍ਹਾਂ ਨੇ ਮੁਹਾਲੀ ਤੋਂ ਮੈਟਰਿਕ ਕੀਤੀ ਤੇ ਮੋਗਾ ਤੋਂ ਸਿਵਲ ਇੰਜੀਨੀਅਰਿੰਗ ਕੀਤੀ। ਪੜ੍ਹਾਈ ਖਤਮ ਕਰਨ ਦੇ ਉਪਰੰਤ ਸ਼ੈਰੀ ਮਾਨ ਵਾਪਸ ਮੁਹਾਲੀ ਪਰਤ ਆਏ ਤੇ ਸਿਵਲ ਇੰਜੀਨੀਅਰ ਦਾ ਤੌਰ 'ਤੇ ਕੰਮ ਕਰਨ ਲੱਗੇ।
ਸ਼ੈਰੀ ਮਾਨ ਨੂੰ ਹਮੇਸ਼ਾ ਸੰਗੀਤ ਦਾ ਬਹੁਤ ਸ਼ੌਕ ਸੀ ਤੇ ਉਹ ਆਪਣੇ ਵਿਹਲਾ ਸਮਾਂ ਗਾਉਣ 'ਚ ਹੀ ਬਤੀਤ ਕਰਦੇ ਸਨ।
ਇਸ ਤੋਂ ਬਾਅਦ ਹੌਲੀ-ਹੌਲੀ ਉਨ੍ਹਾਂ ਨੇ ਦੋਸਤਾਂ ਦੀਆਂ ਮਹਿਫਲਾਂ 'ਚ ਗਾਉਣਾ ਸ਼ੁਰੂ ਕੀਤਾ।
ਸ਼ੈਰੀ ਮਾਨ ਦੀ ਆਵਾਜ਼ ਨੂੰ ਦੋਸਤਾਂ ਨੇ ਖੂਬ ਪਸੰਦ ਕੀਤਾ ਤੇ ਉਨ੍ਹਾਂ ਨੂੰ ਪੇਸ਼ੇਵਰ ਗਾਇਕ ਬਣਨ ਲਈ ਉਤਸਾਹਿਤ ਕੀਤਾ। ਉਨ੍ਹਾਂ ਦੀ ਐਲਬਮ ਸਾਲ 2015 ਦੀ ਬਸੰਤ ਰੁੱਤੇ ਆਈ।
ਸ਼ੈਰੀ ਮਾਨ ਦੀ ਗਾਇਕੀ ਅਤੇ ਉਹਨਾਂ ਦੇ ਲਿਖੇ ਗੀਤਾਂ ਦਾ ਹਰ ਕੋਈ ਮੁਰੀਦ ਹੈ।
ਉਨ੍ਹਾਂ ਦੇ ਗੀਤਾਂ ਦੀ ਖਾਸ ਗੱਲ ਇਹ ਹੈ ਕੇ ਜੇ ਕੋਈ ਪਹਿਲੀ ਵਾਰ ਵੀ ਉਨ੍ਹਾਂ ਦਾ ਗੀਤ ਸੁਣਦਾ ਹੈ ਤਾਂ ਉਨ੍ਹਾਂ ਦਾ ਫੈਨ ਬਣ ਜਾਂਦਾ ਹੈ।
ਸ਼ੈਰੀ ਮਾਨ ਦਾ ਕਹਿਣਾ ਹੈ ਕਿ, ''ਮੈ ਜਿੰਨਾ ਵੀ ਕੰਮ ਕਰਦਾ ਹਾਂ ਪੂਰੀ ਇਮਾਨਦਾਰੀ ਨਾਲ ਕਰਦਾ ਹਾਂ ਅਤੇ ਇਸ ਦੇ ਨਤੀਜਿਆਂ ਨੂੰ ਮੇਰੇ ਗੀਤਾਂ ਨੂੰ ਮਿਲਦੇ ਪਿਆਰ ਵਜੋਂ ਦੇਖਿਆ ਜਾ ਸਕਦਾ ਹੈ।''
ਸ਼ੈਰੀ ਮਾਨ ਦੇ ਹਰੇਕ ਗੀਤ ਨੂੰ ਦਰਸ਼ਕਾਂ ਦਾ ਖੂਬ ਪਿਆਰ ਮਿਲਦਾ ਹੈ।