ਨਵੀਂ ਦਿੱਲੀ(ਬਿਊਰੋ)— 'ਸੁਪਰ ਡਾਂਸਰ ਚੈਪਟਰ 2' 'ਚ ਇਨੀਂ ਦਿਨੀਂ ਸ਼ਿਲਪਾ ਸ਼ੈੱਟੀ ਬਤੌਰ ਜੱਜ ਦੀ ਭੂਮਿਕਾ ਨਿਭਾ ਰਹੀ ਹੈ। ਸ਼ਿਲਪਾ ਇਕ ਬੇਹਤਰੀਨ ਅਦਾਕਾਰਾ ਹੈ, ਡਾਂਸਰ ਅਤੇ ਯੋਗਾ ਮਾਸਟਰ ਵੀ ਹੈ ਪਰ ਆਪਣੀ ਨਿੱਜੀ ਜ਼ਿੰਦਗੀ 'ਚ ਨੂੰਹ ਦੇ ਕਿਰਦਾਰ 'ਚ ਸ਼ਿਲਪਾ ਕਿਸ ਤਰ੍ਹਾਂ ਦੀ ਨੂੰਹ ਹੈ, ਇਹ ਗੱਲ ਬਹੁਤ ਘੱਟ ਲੋਕ ਹੀ ਜਾਣਦੇ ਹਨ। ਪਿਛਲੇ ਦਿਨੀਂ ਸ਼ੋਅ ਦੌਰਾਨ ਬਿਜ਼ਨੈੱਸਮੈਨ ਰਾਜ ਕੁੰਦਰਾ ਦੀ ਮਾਂ ਅਤੇ ਸ਼ਿਲਪਾ ਦੀ ਸੱਸ ਉਸ਼ਾ ਕੁੰਦਰਾ ਨੇ ਦੱਸਿਆ ਕਿ ਉਹ ਬਤੌਰ ਨੂੰਹ ਕਿਸ ਤਰ੍ਹਾਂ ਦੀ ਹੈ।
ਸ਼ਿਲਪਾ ਦੀ ਸੱਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਬੇਟਾ ਰਾਜ ਕੁੰਦਰਾ ਬਹੁਤ ਲੱਕੀ ਹੈ, ਜੋ ਉਨ੍ਹਾਂ ਨੂੰ ਸ਼ਿਲਪਾ ਵਰਗੀ ਪਾਰਟਨਰ ਮਿਲੀ। ਉਹ ਮੇਰੀ ਬੈਸਟ ਬੇਟੀ ਹੈ ਅਤੇ ਸਭ ਨਾਲ ਬਹੁਤ ਪਿਆਰ ਨਾਲ ਬੋਲਦੀ ਹੈ। ਮੈਂ ਸ਼ੁਰੂ ਤੋਂ ਉਸ ਦੀਆਂ ਫਿਲਮਾਂ ਦੇਖਦੀ ਸਨ। ਮੇਰੀ ਸਭ ਤੋਂ ਪਸੰਦੀਦਾ ਫਿਲਮ 'ਧੜਕਨ' ਹੈ, ਉਸ 'ਚ ਸ਼ਿਲਪਾ ਬਹੁਤ ਪਿਆਰੀ ਲੱਗੀ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਜਦੋਂ ਮੈਂ ਮੁੰਬਈ ਜਾਂਦੀ ਹਾਂ ਤਾਂ ਉਸ ਤੋਂ ਯੋਗਾ ਸਿਖਦੀ ਹਾਂ। ਮੈਨੂੰ ਬਹੁਤ ਚੰਗਾ ਲੱਗਦਾ ਹੈ।
ਘਰ ਵਾਪਸ ਆਉਣ ਤੋਂ ਬਾਅਦ ਮੈਂ ਉਸ ਨੂੰ ਫੋਲੋ ਵੀ ਕਰਦੀ ਹਾਂ। ਜਦੋਂ ਵੀ ਮੈਂ ਖਾਣਾ ਖਾਣ ਬੈਠਦੀ ਹਾਂ, ਸ਼ਿਲਪਾ ਮੇਰੀ ਪਲੇਟ ਦੇਖਦੀ ਰਹਿੰਦੀ ਹੈ। ਉਹ ਮੈਨੂੰ ਦੱਸਦੀ ਹੈ ਕੀ ਖਾਣਾ ਹੈ ਅਤੇ ਕੀ ਨਹੀਂ। ਮੈਂ ਬਸ ਇੰਨਾ ਕਹਿਣਾ ਚਾਵਾਂਗੀ ਕਿ ਉਹ ਮੈਨੂੰ ਥੋੜਾ ਮਿੱਠਾ ਖਾਣ ਦਿਆ ਕਰੇ।''
ਉਨ੍ਹਾਂ ਨੇ ਦੱਸਿਆ ਕਿ ਸ਼ਿਲਪਾ ਇਕ ਚੰਗੀ ਪਤਨੀ ਹੈ, ਇਕ ਚੰਗੀ ਬੇਟੀ ਹੈ। ਉਹ ਆਪਣੇ ਸਾਰੇ ਕਿਰਦਾਰ ਬਹੁਤ ਚੰਗੀ ਤਰ੍ਹਾਂ ਨਿਭਾਉਂਦੀ ਹੈ। ਇਹ ਸਭ ਸੁਣਨ ਤੋਂ ਬਾਅਦ ਸ਼ਿਲਪਾ ਨੇ ਕਿਹਾ ਕਿ ਮੇਰੇ ਨਸੀਬ 'ਚ ਦੋ ਮਾਵਾਂ ਹਨ। ਇਕ ਉਹ ਜਿਨ੍ਹਾਂ ਨੇ ਮੈਨੂੰ ਜਨਮ ਦਿੱਤਾ, ਦੂਜੀ ਮੇਰੇ ਪਤੀ ਰਾਜ ਕੁੰਦਰਾ ਦੀ ਮਾਂ, ਜਿਨ੍ਹਾਂ ਨੂੰ ਮੈਂ ਕਦੇ ਸੱਸ ਬੋਲ ਕੇ ਨਹੀਂ ਬੁਲਾਉਂਦੀ, ਉਹ ਮੇਰੀ ਮਾਂ ਹੈ।
ਸ਼ਿਲਪਾ ਨੇ ਦੱਸਿਆ ਜਦੋਂ ਵੀ ਮੈਂ ਕੋਈ ਚੀਜ਼ ਅਚੀਵ ਕਰਦੀ ਹਾਂ ਤਾਂ ਉਨ੍ਹਾਂ ਨੂੰ ਬਹੁਤ ਮਾਣ ਹੁੰਦਾ ਹੈ। ਉਹ ਹਮੇਸ਼ਾ ਕਹਿੰਦੀ ਹੈ ਕਿ ਸਾਡੀ ਬੇਟੀ ਨੇ ਕਰ ਦਿਖਾਇਆ। ਪਿਛਲੇ ਦਿਨੀਂ ਸ਼ਿਲਪਾ ਸ਼ੈੱਟੀ ਨੇ 'ਲੈਕਮੇ ਫੈਸ਼ਨ ਵੀਕ 2018' ਦੇ ਆਖਿਰੀ ਦਿਨ ਡਿਜ਼ਾਈਨਰ ਜਯੰਤੀ ਰੈੱਡੀ ਦੇ ਡਿਜ਼ਾਈਨ ਕੀਤੇ ਹੋਏ ਕਢਾਈ ਵਾਲੇ ਸੁਨਿਹਰੇ ਲਹਿੰਗੇ 'ਚ ਰੈਂਪ 'ਤੇ ਵਾਕ ਕੀਤਾ।