ਮੁੰਬਈ(ਬਿਊਰੋ)— ਸ਼ਿਲਪਾ ਸ਼ੈੱਟੀ, ਸ਼ਾਹਿਦ ਕਪੂਰ, ਕ੍ਰਿਤੀ ਸੇਨਨ, ਰਾਜਕੁਮਾਰ ਰਾਵ ਤੇ ਕਰਨ ਜੌਹਰ ਸਮੇਤ ਹੋਰ ਕਈ ਹਸਤੀਆਂ ਨੇ ਕੱਲ 'ਦਾਦਾ ਸਾਹਿਬ ਫਾਲਕੇ ਐਕਸੀਲੈਂਸ ਪੁਰਸਕਾਰ 2018' 'ਚ ਸ਼ਿਰਕਤ ਕੀਤੀ। ਰਣਵੀਰ ਸਿੰਘ ਤੇ ਸ਼ਾਹਿਦ ਕਪੂਰ ਵਰਗੇ ਬਾਲੀਵੁੱਡ ਸਿਤਾਰਿਆਂ ਨੂੰ ਫਿਲਮ 'ਪਦਮਾਵਤ' ਲਈ ਸਨਮਾਨਿਤ ਕੀਤਾ ਗਿਆ ਤੇ ਅਨੁਸ਼ਕਾ ਸ਼ਰਮਾ ਨੂੰ 'ਪਰੀ', 'ਫਿਲੌਰੀ' ਤੇ 'ਐੱਨ. ਐੱਚ. 10' ਵਰਗੀਆਂ ਫਿਲਮਾਂ ਦਾ ਨਿਰਮਾਣ ਕਰਨ ਲਈ ਪੁਰਸਕਾਰ ਦਿੱਤਾ ਗਿਆ। ਗੱਲ ਕੀਤੀ ਜਾਵੇ ਰਾਜਕੁਮਾਰ ਦੀ ਤਾਂ ਉਨ੍ਹਾਂ ਨੂੰ ਫਿਲਮ 'ਨਿਊਟਨ' ਲਈ ਸਰਵਸ਼੍ਰੇਸ਼ਠ ਅਭਿਨੇਤਾ ਦਾ ਪੁਰਸਕਾਰ ਦਿੱਤਾ ਗਿਆ। 'ਬਾਹੂਬਲੀ' 'ਚ ਸ਼ਾਨਦਾਰ ਪ੍ਰਦਸ਼ਨ ਲਈ ਤਮੰਨਾ ਨੂੰ ਵੀ ਇਸ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ। ਪਿਛਲੇ ਸਾਲ ਰਿਲੀਜ਼ ਹੋਈ ਫਿਲਮ 'ਬਰੇਲੀ ਕੀ ਬਰਫੀ' ਨੇ ਬਾਕਸ ਆਫਿਸ 'ਤੇ ਖੂਬ ਕਾਰੋਬਾਰ ਕੀਤਾ ਸੀ ਤੇ ਇਸ ਫਿਲਮ 'ਚ ਕ੍ਰਿਤੀ ਸੇਨਨ ਦੇ ਅਭਿਨੈ ਦੀ ਖੂਬ ਤਾਰੀਫ ਹੋਈ ਸੀ। ਇਸ ਫਿਲਮ ਲਈ ਕ੍ਰਿਤੀ ਨੂੰ ਵੀ ਸਰਵਸ਼੍ਰੇਸ਼ਠ ਅਦਾਕਾਰਾ ਦਾ ਪੁਰਸਕਾਰ ਦਿੱਤਾ ਗਿਆ। ਕ੍ਰਿਤੀ ਨੇ ਇਸ ਐਵਾਰਡਜ਼ ਸ਼ੋਅ ਦੌਰਾਨ ਕਾਲੇ ਤੇ ਲਾਲ ਰੰਗ ਦੀ ਡਰੈੱਸ ਪਾਈ ਸੀ, ਜਿਸ 'ਚ ਉਹ ਕਾਫੀ ਸ਼ਾਨਦਾਰਕ ਲੱਗ ਰਹੀ ਹੈ। ਰਾਜਕੁਮਾਰ ਰਾਵ ਨੂੰ ਲੈ ਕੇ ਕਰਨ ਜੌਹਰ ਤੇ ਸ਼ਿਲਪਾ ਸ਼ੈੱਟੀ ਵੀ ਕਾਫੀ ਖੂਬਸੂਰਤ ਲੱਗ ਰਹੀ ਸੀ। ਇਸ ਤੋਂ ਇਲਾਵਾ ਕਈ ਹੋਰ ਹਸਤੀਆਂ ਵੀ ਐਵਾਰਡਜ਼ ਸ਼ੋਅ ਦੌਰਾਨ ਕਾਤਿਲਾਨਾ ਅੰਦਾਜ਼ 'ਚ ਦਿਖੀਆਂ।