ਮੁੰਬਈ (ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈਟੀ ਨੂੰ ਫਿਟਨੈੱਸ ਕੁਈਨ ਦੇ ਰੂਪ 'ਚ ਜਾਣਿਆ ਜਾਂਦਾ ਹੈ। ਵੱਧਦੀ ਉਮਰ ਦਾ ਉਨ੍ਹਾਂ 'ਤੇ ਕੋਈ ਅਸਰ ਵੀ ਦਿਖਾਈ ਨਹੀਂ ਦਿੰਦਾ। ਸ਼ਿਲਪਾ ਸ਼ੈਟੀ ਦਾ ਜਨਮ 8 ਜੂਨ, 1975 ਨੂੰ ਮੈਂਗਲੌਰ 'ਚ ਹੋਇਆ ਸੀ।
'ਬਾਜੀਗਰ' ਫਿਲਮ ਨਾਲ ਡੈਬਿਊ ਕਰਨ ਵਾਲੀ ਸ਼ਿਲਪਾ ਨੇ ਕਈ ਫਿਲਮਾਂ 'ਚ ਕੰਮ ਕੀਤਾ ਅਤੇ ਆਈਟਮ ਸਾਂਗ ਕਰਦੀ ਵੀ ਨਜ਼ਰ ਆ ਚੁੱਕੀ ਹੈ।
2007 ਤੋਂ ਬਾਅਦ ਉਹ ਕਿਸੇ ਵੀ ਫਿਲਮ 'ਚ ਕੰਮ ਕਰਦੀ ਨਹੀਂ ਦਿਖੀ। ਇਸ ਤੋਂ ਬਾਅਦ ਕੁਝ ਮੌਕਿਆਂ 'ਤੇ ਉਹ ਕੈਮਿਓ ਰੋਲ 'ਚ ਵੀ ਨਜ਼ਰ ਆਈ।
ਉਨ੍ਹਾਂ ਦੀ ਪਿਛਲੀ ਫਿਲਮ 'ਅਪਨੇ' ਅਤੇ 'ਲਾਈਫ ਇਨ ਅ ਮੈਟਰੋ' ਸੀ, ਜੋ 2007 'ਚ ਰਿਲੀਜ਼ ਹੋਈਆਂ ਸਨ।
ਸਾਲ 2009 'ਚ ਬਿਜ਼ਨੈੱਸਮੈਨ ਰਾਜ ਕੁੰਦਰਾ ਨਾਲ ਵਿਆਹ ਤੋਂ ਬਾਅਦ ਭਾਵੇਂ ਸ਼ਿਲਪਾ ਫਿਲਮਾਂ 'ਚ ਨਾ ਦਿਖੀ ਹੋਵੇ ਪਰ ਆਪਣੀ ਫਿਟਨੈੱਸ ਨੂੰ ਲੈ ਕੇ ਉਹ ਹਮੇਸ਼ਾ ਸੁਰਖੀਆਂ 'ਚ ਰਹਿੰਦੀ ਹੈ।
ਇਸ ਤੋਂ ਇਲਾਵਾ ਸ਼ਿਲਪਾ ਖਾਣ ਦੀ ਬਹੁਤ ਸ਼ੌਕੀਣ ਹੈ। ਸਵਾਦ ਨਾਲ ਉਹ ਇਸ ਗੱਲ ਦਾ ਵੀ ਵਿਸ਼ੇਸ਼ ਧਿਆਨ ਰੱਖਦੀ ਹੈ ਕਿ ਉਨ੍ਹਾਂ ਦੀ ਡਾਈਟ ਨਾਲ ਉਨ੍ਹਾਂ ਦੀ ਫਿਟਨੈੱਸ 'ਤੇ ਜ਼ਰਾ ਵੀ ਅਸਰ ਨਾ ਪਵੇ।
ਸ਼ਿਲਪਾ ਸਮੇਂ-ਸਮੇਂ 'ਤੇ ਸਾਰਿਆਂ ਨੂੰ ਫਿੱਟ ਰਹਿਣ ਲਈ ਨਿਯਮਤ ਰੂਪ ਨਾਲ ਚੰਗੀ ਡਾਈਟ ਲੈਣ ਦੀ ਸਲਾਹ ਦਿੰਦੀ ਹੈ।
ਖੁਦ ਸ਼ਿਲਪਾ ਦੀ ਜੇਕਰ ਗੱਲ ਕਰੀਏ ਤਾਂ ਉਹ ਇਕ ਦਹਾਕੇ ਤੋਂ ਵੀ ਵੱਧ ਸਮੇਂ ਤੋਂ ਆਪਣੇ ਲੰਚ 'ਚ ਸ਼ੁੱਧ ਘਿਓ 'ਚ ਬਣੇ ਦਾਲ-ਚਾਵਲ, ਇਕ ਫਿਸ਼ ਦਾ ਟੁੱਕੜਾ ਅਤੇ ਸਬਜ਼ੀ ਖਾਂਦੀ ਹੈ।
ਇਸ ਤੋਂ ਇਲਾਵਾ ਉਹ ਯੋਗ 'ਚ ਵੀ ਵਿਸ਼ਵਾਸ ਰੱਖਦੀ ਹੈ। ਸ਼ਿਲਪਾ ਫਿਜ਼ੀਕਲ ਫਿੱਟਨੈੱਸ ਦੇ ਨਾਲ-ਨਾਲ ਮਾਨਸਿਕ ਰੂਪ ਤੋਂ ਤਣਾਅਪੂਰਨ ਹੋਣ ਲਈ ਯੋਗ ਨੂੰ ਆਪਣੀ ਰੋਜ਼ਾਨਾ ਦੀ ਜੀਵਨਸ਼ੈਲੀ 'ਚ ਸ਼ਾਮਲ ਕਰਨਾ ਨਹੀਂ ਭੁੱਲਦੀ।