ਮੁੰਬਈ(ਬਿਊਰੋ)— ਟੀ. ਵੀ. ਸੀਰੀਅਲ 'ਭਾਬੀ ਘਰ ਪਰ ਹੈਂ' 'ਚ ਅੰਗੂਰੀ ਭਾਬੀ ਦਾ ਕਿਰਦਾਰ ਨਿਭਾਉਣ ਵਾਲੀ ਅਦਾਕਾਰਾ ਸ਼ਿਲਪਾ ਸ਼ਿੰਦੇ ਨੇ ਹਾਲ ਹੀ 'ਚ 'ਬਿੱਗ ਬੌਸ 11' ਦਾ ਖਿਤਾਬ ਆਪਣੇ ਨਾਂ ਕੀਤਾ ਹੈ। ਸ਼ੋਅ ਜਿੱਤਣ ਤੋਂ ਬਾਅਦ ਹੁਣ ਚਾਰੇ ਪਾਸੇ ਸ਼ਿਲਪਾ ਤੇ ਸਲਮਾਨ ਖਾਨ 'ਚ ਬੇਹਿਤਰੀਨ ਟਿਊਨਿੰਗ (ਕੈਮਿਸਟਰੀ) ਦੇ ਚਰਚੇ ਚਾਰੇ ਪਾਸੇ ਹਨ। ਇਕ ਇੰਟਰਵਿਊ ਦੌਰਾਨ ਸ਼ਿਲਪਾ ਨੇ ਇਹ ਸਾਫ ਕਰ ਦਿੱਤਾ ਹੈ ਕਿ ਉਹ ਹੁਣ ਟੀ. ਵੀ. ਦੇ ਬਜਾਏ ਫਿਲਮਾਂ 'ਚ ਕੰਮ ਕਰਨਾ ਪਸੰਦ ਕਰੇਗੀ। ਜਦੋਂ ਸ਼ਿਲਪਾ ਤੋਂ ਪੁੱਛਿਆ ਗਿਆ ਕਿ ਉਹ ਸਲਮਾਨ ਖਾਨ ਦੀ ਭਾਬੀ ਦਾ ਕਿਰਦਾਰ ਨਿਭਾਉਣਾ ਪਸੰਦ ਕਰੇਗੀ? ਸਵਾਲ ਸੁਣ ਕੇ ਪਹਿਲਾਂ ਤਾਂ ਸ਼ਿਲਪਾ ਥੋੜ੍ਹਾ ਸ਼ਰਮਾਈ ਫਿਰ ਜੋ ਜਵਾਬ ਉਸ ਨੇ ਦਿੱਤਾ ਉਹ ਤੁਹਾਡੇ ਚਿਹਰੇ 'ਤੇ ਮੁਸਕਾਨ (ਹਾਸਾ) ਲਿਆਉਣ ਲਈ ਕਾਫੀ ਹੈ। ਸ਼ਿਲਪਾ ਨੇ ਦੱਸਿਆ ਕਿ 'ਸਲਮਾਨ ਜੀ ਲਈ ਕੁਝ ਵੀ ਕਰਾਂਗੀ, ਐਨੀਥਿੰਗ।'
ਆਪਣੇ ਕੰਮ ਨੂੰ ਲੈ ਕੇ ਸ਼ਿਲਪਾ ਨੇ ਸਾਫ ਕਰ ਦਿੱਤਾ ਕਿ ਉਸ ਦੇ ਕੋਲ ਹੁਣ ਤੱਕ ਕੋਈ ਆਫਰ ਨਹੀਂ ਹੈ। ਮੈਂ ਅੱਜ ਤੱਕ ਖੁਦ ਕਿਸੇ ਤੋਂ ਕੰਮ ਨਹੀਂ ਮੰਗਿਆ। ਮੈਂ ਸਲਮਾਨ ਤੋਂ ਮਿਲਣ ਵਾਲੇ ਸਮਰਥਨ ਤੋਂ ਹੀ ਖੁਸ਼ ਹਾਂ। ਕਿਚਨ ਵਾਲੇ ਸਵਾਲ 'ਤੇ ਗੱਲ ਕਰਦੇ ਸ਼ਿਲਪਾ ਨੇ ਦੱਸਿਆ ਕਿ ਮੈਂ ਰੋਸਈ ਦਾ ਕੰਮ ਚੰਗੇ ਤਰੀਕੇ ਨਾਲ ਸੰਭਾਲਿਆ, ਜਦੋਂ ਘਰ 'ਚ ਖਾਣਾ ਨਹੀਂ ਹੁੰਦਾ ਤਾਂ ਮੈਂ ਖੁਦ ਭੁੱਖੀ ਰਹਿ ਕੇ ਦੂਜਿਆਂ ਨੂੰ ਖੁਵਾਇਆ। ਕਈ ਵਾਰ ਦੁਬਾਰਾ ਵੀ ਖਾਣਾ ਬਣਾਇਆ। ਆਕਾਸ਼ ਦਦਲਾਨੀ ਤੇ ਅਰਸ਼ੀ ਖਾਨ ਮੈਨੂੰ ਮਾਂ ਆਖ ਕੇ ਬੁਲਾਉਂਦੇ ਸਨ। ਆਕਾਸ਼ ਨੂੰ ਆਪਣਾ ਬੇਟਾ ਬਣਾਉਣ ਵਾਲੀ ਸ਼ਿਲਪਾ ਨੇ ਉਸ ਨੂੰ ਖੂਬ ਟਾਲਰੇਟ ਵੀ ਕੀਤਾ। ਆਪਣੇ ਨਿਕਨੇਮ ਬਾਰੇ ਸ਼ਿਲਪਾ ਨੇ ਕਿਹਾ ਕਿ, 'ਮੈਨੂੰ ਮੇਰੀ ਈਮਾਨਦਾਰੀ ਲਈ ਇਨਾਮ ਮਿਲਿਆ। ਮੈਨੂੰ ਨਹੀਂ ਪਤਾ ਇਸ ਦਾ ਇਸਤੇਮਾਲ ਕਰਕੇ ਕਿਉਂ ਦੂਜੇ ਮੁਕਾਬਲੇਬਾਜ਼ ਮੈਨੂੰ ਮੇਰੀ ਉਮਰ ਦਾ ਅਹਿਸਾਸ ਕਰਵਾਉਣਾ ਚਾਹੁੰਦੇ ਸਨ। ਦੁਨੀਆ ਦਾ ਦਸਤੂਰ ਹੈ ਕਿ ਨੇਕੀ ਕਰ ਦਰਿਆ 'ਚ ਡਾਲ'। ਅੰਗੂਰੀ ਭਾਬੀ ਦੇ ਨਾਂ ਨਾਲ ਮਸ਼ਹੂਰ ਸ਼ਿਲਪਾ ਨੇ ਘਰ 'ਚ ਜਗਤ ਮਾਂ ਵਰਗੀ ਇਮੇਜ਼ ਬਣਾਈ। 'ਬਿੱਗ ਬੌਸ 11' ਦੇ ਘਰ 'ਚ ਉਸ ਨੂੰ 'ਸ਼ਿਲਮਾਂ' ਵੀ ਆਖਦੇ ਸਨ।