ਮੁੰਬਈ (ਬਿਊਰੋ)— ਬਾਲੀਵੁੱਡ 'ਚ ਦਮਦਾਰ ਐਂਟਰੀ ਕਰਨ ਵਾਲੇ ਸ਼ਾਈਨੀ ਆਹੂਜਾ ਦਾ ਜਨਮ ਅੱਜ ਹੀ ਦੇ ਦਿਨ ਭਾਵ 15 ਮਈ 1975 ਨੂੰ ਦੇਹਰਾਦੂਨ 'ਚ ਹੋਇਆ ਸੀ। ਪਹਿਲੀ ਹੀ ਫਿਲਮ ਲਈ ਉਨ੍ਹਾਂ ਨੂੰ ਬੈਸਟ ਡੈਬਿਊ ਦਾ ਐਵਾਰਡ ਮਿਲਿਆ, ਜਿਸ ਤੋਂ ਬਾਅਦ ਸ਼ਾਈਨੀ ਦੇ ਖਾਤੇ 'ਚ ਹਿੱਟ ਫਿਲਮਾਂ ਦੀ ਅਜਿਹੀ ਲਾਈਨ ਲੱਗ ਗਈ ਕਿ ਸਾਰੇ ਦੇਖਦੇ ਰਹਿ ਗਏ। ਲੋਕਾਂ ਨੂੰ ਲੱਗਾ ਕਿ ਬਾਲੀਵੁੱਡ ਨੂੰ ਨਵਾਂ ਸਟਾਰ ਮਿਲ ਗਿਆ ਹੈ।
ਕਹਿੰਦੇ ਹਨ ਬਾਲੀਵੁੱਡ 'ਚ ਸਫਲਤਾ ਤਾਂ ਕਈ ਲੋਕਾਂ ਨੂੰ ਮਿਲ ਜਾਂਦੀ ਹੈ ਪਰ ਉਸ ਨੂੰ ਕਾਇਮ ਸਾਰੇ ਨਹੀਂ ਰੱਖ ਪਾਉਂਦੇ। ਸ਼ਾਈਨੀ ਦੀ ਇਕ ਗਲਤੀ ਨੇ ਉਨ੍ਹਾਂ ਤੋਂ ਸਾਰਾ ਸਟਾਰਡਮ ਖੋਹ ਲਿਆ, ਜਿਸ ਤੋਂ ਬਾਅਦ ਨਾ ਤਾਂ ਉਨ੍ਹਾਂ ਨੂੰ ਫਿਲਮਾਂ ਮਿਲੀਆਂ ਅਤੇ ਨਾ ਹੀ ਇੰਡਸਟਰੀ 'ਚ ਉਨ੍ਹਾਂ ਨੂੰ ਅੱਜ ਤੱਕ ਕਿਸੇ ਨੇ ਪੁੱਛਿਆ।
ਸ਼ਾਈਨੀ ਆਹੂਜਾ ਨੇ ਆਪਣੀ ਪਹਿਲੀ ਹੀ ਫਿਲਮ ਨਾਲ ਲੋਕਾਂ ਨੂੰ ਦਿਖਾ ਦਿੱਤਾ ਸੀ ਕਿ ਉਹ ਲੰਬੇ ਰੇਸ ਦੇ ਘੋੜੇ ਹਨ ਅਤੇ ਫਿਰ ਇਕ ਤੋਂ ਬਾਅਦ ਇਕ ਹਿੱਟ ਫਿਲਮਾਂ ਦੇਣ ਤੋਂ ਬਾਅਦ ਨਿਰਦੇਸ਼ਕ-ਨਿਰਮਾਤਾਵਾਂ ਲਈ ਸ਼ਾਈਨੀ ਪਹਿਲੀ ਪਸੰਦ ਬਣ ਗਏ ਪਰ ਇਕ ਘਟਨਾ ਨੇ ਉਨ੍ਹਾਂ ਦੀ ਪੂਰੀ ਜ਼ਿੰਦਗੀ ਹੀ ਬਦਲ ਦਿੱਤੀ। ਡੈਬਿਊ ਨਾਲ ਸ਼ਾਈਨੀ ਆਹੂਜਾ ਦੀ ਸਫਲਤਾ ਦਾ ਜੋ ਜਲਵਾ ਚੱਲਿਆ, ਉਹ 2009 'ਚ ਉਸ ਸਮੇਂ ਆ ਕੇ ਰੁੱਕ ਗਿਆ ਜਦੋਂ ਉਨ੍ਹਾਂ ਦੀ ਘਰੇਲੂ ਨੌਕਰਾਣੀ ਨੇ ਉਨ੍ਹਾਂ 'ਤੇ ਰੇਪ ਦਾ ਦੋਸ਼ ਲਗਾਇਆ ਅਤੇ ਕਈ ਹੈਰਾਨ ਕਰਨ ਵਾਲੇ ਖੁਲਾਸੇ ਕੀਤੇ।
ਇਹ ਮਾਮਲਾ ਇੰਨਾ ਵਧਿਆ ਕਿ ਪੂਰੀ ਫਿਲਮ ਇੰਡਸਟਰੀ ਸ਼ਰਮਸਾਰ ਹੋ ਗਈ। ਰੇਪ ਕੇਸ 'ਚ ਸ਼ਾਈਨੀ ਆਹੂਜਾ ਨੂੰ 7 ਸਾਲ ਦੀ ਸਜ਼ਾ ਸੁਣਾਈ ਗਈ ਹਾਲਾਂਕਿ 2011 'ਚ ਉਹ ਜ਼ਮਾਨਤ 'ਤੇ ਬਰੀ ਵੀ ਹੋ ਗਏ। ਰੇਪ ਕੇਸ ਕਾਰਨ ਸ਼ਾਈਨੀ ਦਾ ਕਰੀਅਰ ਬਰਬਾਦ ਹੀ ਹੋ ਗਿਆ। ਅੱਜ ਉਨ੍ਹਾਂ ਨੂੰ ਫਿਲਮਾਂ ਦੇ ਲਾਲੇ ਪੈ ਗਏ ਹਨ ਅਤੇ ਕੋਈ ਵੀ ਉਨ੍ਹਾਂ ਨੂੰ ਕੰਮ ਦੇਣ ਲਈ ਤਿਆਰ ਨਹੀਂ।
