ਮੁੰਬਈ— ਅਭਿਨੇਤਰੀ ਤੇ ਗਾਇਕਾ ਸ਼ਰੂਤੀ ਹਸਨ ਆਉਣ ਵਾਲੀ ਫਿਲਮ 'ਕਾਥੀ ਸੰਦਈ' 'ਚ ਕਥਿਤ ਤੌਰ 'ਤੇ ਤਮੰਨਾ ਭਾਟੀਆ ਲਈ ਇਕ ਗੀਤ ਗਾਏਗੀ। ਫਿਲਮ 'ਚ ਵਿਸ਼ਾਲ ਵੀ ਹਨ। ਫਿਲਮ ਯੂਨਿਟ ਨਾਲ ਜੁੜੇ ਇਕ ਸੂਤਰ ਨੇ ਦੱਸਿਆ, 'ਸ਼ਰੂਤੀ ਨੂੰ ਇਸ ਗੀਤ ਲਈ ਆਫਰ ਦਿੱਤਾ ਗਿਆ, ਜਿਸ 'ਤੇ ਉਸ ਨੇ ਹਾਮੀ ਭਰ ਦਿੱਤੀ ਹੈ। ਇਸ ਦੀ ਰਿਕਾਰਡਿੰਗ ਛੇਤੀ ਹੋਵੇਗੀ। ਇਸ ਖਾਸ ਗੀਤ ਨੂੰ ਤਮੰਨਾ ਦੇ ਕਿਰਦਾਰ 'ਤੇ ਬਿਹਤਰੀਨ ਤਰੀਕੇ ਨਾਲ ਫਿਲਮਾਇਆ ਜਾਵੇਗਾ।'
ਹਿਪ ਹੌਪ ਤਮੀਜਹਾ ਦੇ ਸੰਗੀਤ ਨਾਲ ਸਜੀ ਇਸ ਫਿਲਮ ਦਾ ਨਿਰਦੇਸ਼ਨ ਸੂਰਜ ਨੇ ਕੀਤਾ ਹੈ। ਸੂਰਜ ਨੂੰ ਹੀ ਗੀਤ ਲਈ ਸ਼ਰੂਤੀ ਦੀ ਆਵਾਜ਼ ਪਰਫੈਕਟ ਲੱਗੀ। ਫਿਲਮ ਦੀਵਾਲੀ 'ਤੇ ਰਿਲੀਜ਼ ਹੋਣ ਵਾਲੀ ਹੈ। ਇਸ 'ਚ ਵੈਦੀਵੇਲੂ ਤੇ ਸੂਰੀ ਵੀ ਹਨ।