ਨਵੀਂ ਦਿੱਲੀ(ਬਿਊਰੋ)— ਅੱਜ ਵੀ ਦੱਖਣੀ ਫਿਲਮਾਂ ਦੀ ਸੈਕਸੀ ਸਾਇਰਨ ਕਹੀ ਜਾਨ ਵਾਲੀ ਸਿਲਕ ਸਮਿਤਾ ਨੂੰ ਯਾਦ ਕੀਤਾ ਜਾਂਦਾ ਹੈ। ਦੱਸ ਦੇਈਏ ਸਿਲਕ ਸਮਿਤਾ ਇੱਕ ਅਜਿਹੀ ਹੀਰੋਇਨ ਸੀ, ਜਿਸ ਨੇ ਸਿਰਫ ਚਾਰ ਸਾਲ 'ਚ ਲਗਭਗ 200 ਫਿਲਮਾਂ 'ਚ ਕੰਮ ਕੀਤਾ ਸੀ ਪਰ ਉਨ੍ਹਾਂ ਨੂੰ ਹਮੇਸ਼ਾ ਤੋਂ ਅਫਸੋਸ ਰਿਹਾ ਸੀ ਕਿ ਉਨ੍ਹਾਂ ਨੂੰ ਗਲੈਮਰਸ ਰੋਲ ਹੀ ਦਿੱਤੇ ਜਾਂਦੇ ਸਨ ਹਾਲਾਂਕਿ ਉਹ ਚੁੱਪਚਾਪ ਉਨ੍ਹਾਂ ਹੀ ਫਿਲਮਾਂ 'ਚ ਕੰਮ ਕਰਦੀ ਰਹੀ।
ਸਿਲਕ ਸਮਿਤਾ ਜਿਸ ਤਰਾਂ ਤਰੱਕੀ ਦੇ ਬੁਲੰਦੀ 'ਤੇ ਚੜ੍ਹ ਰਹੀ ਸੀ ਉੱਥੇ ਫੈਨਸ ਉਨ੍ਹਾਂ ਦੇ ਦੀਵਾਨੇ ਹੁੰਦੇ ਜਾ ਰਹੇ ਸਨ। ਉੱਥੇ ਹੀ ਕੁਝ ਇੰਡਸਟਰੀ ਦੇ ਲੋਕ ਉਨ੍ਹਾਂ ਦੀ ਇਸ ਤਰੱਕੀ ਨਾਲ ਜਲਣ ਲੱਗੇ ਸੀ। ਇਸ ਤੋਂ ਬਾਅਦ ਆਇਆ ਉਹ ਦੌਰ ਜਦੋਂ ਸਿਲਕ ਸਮਿਤਾ ਨੇ ਜ਼ਿੰਦਗੀ ਤੋਂ ਹਾਰ ਮੰਨ ਲਈ।
ਕੋਈ ਨਹੀਂ ਜਾਣਦਾ ਕਿ ਉਨ੍ਹਾਂ ਨਾਲ ਅਜਿਹਾ ਕੀ ਹੋਇਆ ਸੀ, ਜਿਸ ਦੀ ਵਜ੍ਹਾ ਕਰਕੇ ਉਨ੍ਹਾਂ ਨੇ ਆਤਮਹੱਤਿਆ ਵਰਗਾ ਵੱਡਾ ਕਦਮ ਚੁੱਕਿਆ। ਸਾਰਿਆਂ ਲਈ ਇਹ ਅਫਸੋਸ ਦੀ ਗੱਲ ਸੀ ਪਰ ਜੇਕਰ ਇਸ ਗੱਲ ਤੋਂ ਕੋਈ ਸਭ ਤੋਂ ਜ਼ਿਆਦਾ ਨਿਰਾਸ਼ ਸੀ ਤਾਂ ਉਹ ਸੀ ਉਨ੍ਹਾਂ ਦੇ ਖਾਸ ਦੋਸਤ ਰਵੀਚੰਦਰਨ।
ਜੀ ਹਾਂ ਆਪਣੀ ਮੌਤ ਤੋਂ ਪਹਿਲਾ ਸਿਲਕ ਸਮਿਤਾ ਨੇ ਰਵੀਚੰਦਰਨ ਨੂੰ ਕਈ ਵਾਰ ਫੋਨ ਕੀਤਾ ਸੀ ਪਰ…ਇਸ ਤੋਂ ਇਲਾਵਾ ਸੁਸਾਈਡ ਕਰਨ ਤੋਂ ਕੁਝ ਘੰਟੇ ਪਹਿਲਾਂ ਸਮਿਤਾ ਨੇ ਕੰਨੜ ਅਦਾਕਾਰ ਨੂੰ ਵੀ ਫੋਨ ਕੀਤਾ ਸੀ। ਇਸ ਫੋਨ ਦੇ ਕੁਝ ਘੰਟੇ ਬਾਅਦ ਹੀ ਪਤਾ ਚੱਲਿਆ ਕਿ ਸਿਲਕ ਸਮਿਤਾ ਨੇ ਸੁਸਾਈਡ ਕਰ ਲਿਆ ਹੈ।
ਦੱਸ ਦੇਈਏ ਸਾਲ 2014 'ਚ ਰਵੀਚੰਦਰਨ ਨੇ ਇਕ ਕੰਨੜ ਚੈਨਲ ਨੂੰ ਇੰਟਰਵਿਊ ਦੇ ਦੌਰਾਨ ਪੂਰਾ ਕਿੱਸਾ ਸੁਣਾਇਆ ਸੀ। ਉਨ੍ਹਾਂ ਨੇ ਦੱਸਿਆ ਕਿ, ''23 ਸਤੰਬਰ 1996 ਦੀ ਗੱਲ ਹੈ। ਉਸ ਦਿਨ ਮੈਂ ਸ਼ੂਟਿੰਗ ਚ ਰੁੱਝਾ ਹੋਇਆ ਸੀ। ਮੈਂ ਇਹ ਦੇਖ ਕੇ ਹੈਰਾਨ ਹੋ ਗਿਆ ਕਿ ਸਮਿਤਾ ਨੇ ਮੈਨੂੰ ਕਈ ਬਾਰ ਫੋਨ ਕਰਕੇ ਗੱਲ ਕਰਨ ਦੀ ਕੋਸ਼ਿਸ਼ ਕੀਤੀ।
ਮੈਂ ਉਸ ਨਾਲ ਗੱਲ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਖਰਾਬ ਨੈੱਟਵਰਕ ਕਰਕੇ ਸਿਲਕ ਨਾਲ ਗੱਲਬਾਤ ਨਾ ਹੋ ਸਕੀ। ਮੈਨੂੰ ਲੱਗਾ ਸਿਲਕ ਰੋਜ਼ਾਨਾ ਵਾਂਗ ਫੋਨ ਕਰ ਰਹੀ ਹੋਵੇਗੀ ਪਰ ਅਗਲੇ ਦਿਨ ਮੈਨੂੰ ਖ਼ਬਰ ਮਿਲੀ ਕਿ ਸਿਲਕ ਸਮਿਤਾ ਨੇ ਸੁਸਾਈਡ ਕਰ ਲਿਆ ਹੈ। ਇਹ ਮੇਰੇ ਲਈ ਬਹੁਤ ਭਿਆਨਕ ਸੀ।''
