ਮੁੰਬਈ(ਬਿਊਰੋ)— ਬਾਲੀਵੁੱਡ ਫਿਲਮ 'ਲੱਕੀ ਨੋ ਟਾਈਮ ਫੋਰ ਲਵ' (2005) 'ਚ ਸਲਮਾਨ ਖਾਨ ਦੀ ਲੇਡੀ ਲਵ ਬਣ ਕੇ ਲਾਈਮ-ਲਾਈਟ 'ਚ ਆਉਣ ਵਾਲੀ ਸਨੇਹਾ ਉਲਾਲ 30 ਸਾਲ ਦੀ ਹੋ ਗਈ ਹੈ। ਉਸ ਦਾ ਜਨਮ 18 ਦਸੰਬਰ 1987 ਨੂੰ ਹੋਇਆ ਸੀ। ਐਸ਼ਵਰਿਆ ਰਾਏ ਬੱਚਨ ਵਾਂਗ ਦਿਖਣ ਕਾਰਨ ਸਲਮਾਨ ਸਨੇਹਾ ਨੂੰ ਇੰਡਸਟਰੀ 'ਚ ਲੈ ਆਏ।
ਦੱਸ ਦੇਈਏ ਕਿ ਸਨੇਹਾ ਲੰਬੇ ਸਮੇਂ ਤੱਕ ਬਲੱਡ ਸੰਬੰਧੀ ਬੀਮਾਰੀ ਆਟੂਮਿਊਨ ਡਿਸਾਆਰਡਰ ਨਾਲ ਪੀੜਤ ਰਹੀ। ਇਸ ਵਜ੍ਹਾ ਕਰਕੇ ਉਹ ਜ਼ਿਆਦਾ ਦੇਰ ਤੱਕ ਖੜ੍ਹੀ ਨਹੀਂ ਰਹਿ ਪਾਉਂਦੀ ਸੀ। ਇਹੀ ਵਜ੍ਹਾ ਹੈ ਕਿ ਉਹ ਲੰਬੇ ਸਮੇਂ ਤੱਕ ਫਿਲਮਾਂ ਤੋਂ ਦੂਰ ਰਹੀ। ਹਾਲਾਂਕਿ ਹੁਣ ਉਹ ਪੂਰੀ ਤਰ੍ਹਾਂ ਠੀਕ ਹੋ ਚੁੱਕੀ ਹੈ।
ਮਿਊਜ਼ਿਕ ਵੀਡੀਓ ਨਾਲ ਸਨੇਹਾ ਨੇ ਕੀਤੀ ਵਾਪਸੀ
ਬੀਮਾਰੀ ਤੋਂ ਉਭਰਨ ਤੋਂ ਬਾਅਦ ਸਨੇਹਾ ਨੇ ਰੋਮਾਂਟਿਕ ਮਿਊਜ਼ਿਕ ਵੀਡੀਓ 'ਇਸ਼ਕ ਵਾਲੀ ਬਾਰਿਸ਼' 'ਚ ਕੰਮ ਕੀਤਾ। ਇਸ ਗੀਤ ਨੂੰ ਅਲਤਾਫ ਸੈਯਦ ਨੇ ਗਾਇਆ ਹੈ। ਵੀਡੀਓ ਨੂੰ ਆਰਸ਼ੀਆ ਖਾਨ ਤੇ ਮੁਹੰਮਦ ਜਾਵੈਦ ਨੇ ਪ੍ਰੋਡਿਊਸ ਕੀਤਾ ਹੈ।
ਮਿਊਜ਼ਿਕ ਵੀਡੀਓ 'ਚ ਸਨੇਹਾ ਨਾਲ ਮੁੰਬਈ ਬੈਸਟ ਮਾਡਲ ਕੈਜ ਖਾਨ ਨੇ ਵੀ ਕੰਮ ਕੀਤਾ ਹੈ। ਕੈਜ ਆਖਰੀ ਸਮੇਂ ਸਿੰਗਰ ਅਮਾਨਤ ਅਲੀ ਦੇ ਮਿਊਜ਼ਿਕ ਵੀਡੀਓ 'ਨੈਨਾ ਲਾਗੇ' 'ਚ ਨਜ਼ਰ ਆਏ ਸੀ।
ਕਮਬੈਕ 'ਤੇ ਇਹ ਬੋਲੀ ਸਨੇਹਾ
ਫਿਲਮਾਂ 'ਚ ਕਮਬੈਕ ਨੂੰ ਲੈ ਕੇ ਸਨੇਹਾ ਨੇ ਕਿਹਾ, ''ਲੋਕ ਜਦੋਂ ਵੀ ਮੈਨੂੰ ਪੁੱਛਦੇ ਹਨ ਕਿ, ਲੰਬੇ ਸਮੇਂ ਤੋਂ ਤੁਸੀਂ ਕਿੱਥੇ ਸੀ, ਤਾਂ ਮੈਨੂੰ ਚੰਗਾ ਲੱਗਦਾ ਹੈ। ਕਿਉਂਕਿ ਇਸ ਦਾ ਮਤਲਬ ਹੈ ਕਿ ਲੋਕ ਮੈਨੂੰ ਮਿਸ ਕਰ ਰਹੇ ਹਨ।
ਸਭ ਤੋਂ ਪਹਿਲਾਂ ਮੈਂ ਦੱਸ ਦਿਆ ਕਿ ਮੈਂ ਇੰਡਸਟਰੀ ਛੱਡ ਕੇ ਕਿਤੇ ਨਹੀਂ ਗਈ। ਸਗੋਂ ਬੀਮਾਰੀ ਕਾਰਨ ਕੁਝ ਦਿਨਾਂ ਲਈ ਬ੍ਰੇਕ ਲਿਆ ਸੀ। ਇਸ ਲਈ ਕਮਬੈਕ ਵਾਲੀ ਗੱਲ ਹੀ ਨਹੀਂ ਹੈ।
ਸਲਮਾਨ ਖਾਨ ਕੋਲ ਨਹੀਂ ਜਾਵਾਂਗੀ ਕੰਮ ਮੰਗਣ
ਫਿਲਮਾਂ ਤੋਂ ਦੂਰ ਰਹਿਣ ਦੇ ਸਵਾਲ 'ਤੇ ਸਨੇਹਾ ਨੇ ਇਕ ਇੰਟਰਵਿਊ ਦੌਰਾਨ ਕਿਹਾ, ''ਮੈਂ ਸਲਮਾਨ ਖਾਨ ਕੋਲ ਕਦੇ ਕੰਮ ਮੰਗਣ ਨਹੀਂ ਜਾਵੇਗੀ। ਸ਼ਾਇਦ ਇਹੀ ਹੋਇਆ ਸਨੇਹਾ ਨੇ ਨਾ ਕਦੇ ਸਲਮਾਨ ਤੋਂ ਕੰਮ ਮੰਗਿਆ ਤੇ ਨਾ ਹੀ ਉਹ ਬਾਲੀਵੁੱਡ ਫਿਲਮਾਂ 'ਚ ਨਜ਼ਰ ਆਈ।
ਹਾਲਾਂਕੀ ਆਖਦੀ ਹੈ, ਸਲਮਾਨ ਬਹੁਤ ਚੰਗਾ ਇਨਸਾਨ ਹੈ। ਸਾਰੇ ਮੈਨੂੰ ਆਖਦੇ ਹਨ ਕਿ ਮੈਂ ਕੰਮ ਦੇ ਸਿਲਸਿਲੇ 'ਚ ਉਸ ਨਾਲ ਗੱਲ ਕਰਾਂ, ਪਰ ਮੈਂ ਕਦੇ ਅਜਿਹਾ ਨਹੀਂ ਕੀਤਾ। ਸਾਡਾ ਰਿਸ਼ਤਾ ਕੰਮ ਤੋਂ ਜ਼ਿਆਦਾ ਜ਼ਰੂਰੀ ਹੈ।''