ਮੁੰਬਈ— ਬਾਲੀਵੁੱਡ ਅਭਿਨੇਤਰੀ ਸੋਨਾਕਸ਼ੀ ਸਿਨਹਾ, ਦਿਲਜੀਤ ਦੋਸਾਂਝ ਅਤੇ ਆਦਿਤਿਆ ਰਾਏ ਕਪੂਰ ਨਾਲ ਇਕ ਫਿਲਮ 'ਚ ਕੰਮ ਕਰੇਗੀ। ਇਸ ਨੂੰ ਵਿਜ ਫਿਲਮਸ ਅਤੇ ਵਾਸੂ ਭਗਨਾਨੀ ਮਿਲ ਕੇ ਪ੍ਰੋਡਿਊਸ ਕਰਨਗੇ। ਵਿਜਕ੍ਰਾਫਟ ਇਕ ਇਵੈਂਟ ਮੈਨੇਜਮੈਂਟ ਕੰਪਨੀ ਹੈ।
ਆਈਫਾ ਆਰਗੇਨਾਈਜ਼ਰ ਇਸ ਫਿਲਮ ਰਾਹੀਂ ਫਿਲਮ ਪ੍ਰੋਡਕਸ਼ਨ 'ਚ ਕਿਸਮਤ ਅਜ਼ਮਾਉਣ ਵਾਲੇ ਹਨ, ਜਿਨ੍ਹਾਂ ਫਿਲਮਾਂ ਨੂੰ ਇਹ ਪ੍ਰੋਡਿਊਸ ਕਰਨ ਵਾਲੇ ਹਨ, ਉਨ੍ਹਾਂ 'ਚੋਂ ਇਕ 'ਚ ਸੋਨਾਕਸ਼ੀ, ਆਦਿਤਿਆ ਰਾਏ ਕਪੂਰ ਅਤੇ ਦਿਲਜੀਤ ਦੋਸਾਂਝ ਨਜ਼ਰ ਆਉਣਗੇ। ਇਸ 'ਚ ਰੋਮਾਂਸ, ਕਾਮੇਡੀ ਅਤੇ ਡਰਾਮਾ ਵਰਗਾ ਮਸਾਲਾ ਸ਼ਾਮਲ ਹੋਵੇਗਾ । ਇਸ ਸਾਲ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋ ਜਾਵੇਗੀ, ਜਿੱਥੋਂ ਤੱਕ ਟਾਈਟਲ ਅਤੇ ਡਾਇਰੈਕਟਰ ਦੀ ਗੱਲ ਹੈ ਤਾਂ ਉਸ ਨੂੰ ਫਾਈਨਲ ਕੀਤਾ ਜਾ ਰਿਹਾ ਹੈ।
ਵਿਜਕ੍ਰਾਫਟ ਫਾਊਂਡਰ ਅਤੇ ਡਾਇਰੈਕਟਰ ਸੱਬਾਸ ਜੋਸੇਫ ਨੇ ਕਿਹਾ ਕਿ ਉਨ੍ਹਾਂ ਨੇ ਇਸ ਅਨਾਮ ਫਿਲਮ ਲਈ ਵਾਸੂ ਭਗਨਾਨੀ ਦੇ ਨਾਲ ਹੱਥ ਮਿਲਾਇਆ ਹੈ। ਇਸ ਨੂੰ ਲੈ ਕੇ ਛੇਤੀ ਹੀ ਅਧਿਕਾਰਕ ਐਲਾਨ ਕੀਤਾ ਜਾਵੇਗਾ। ਦੂਜੇ ਵੀ ਪ੍ਰੋਜੈਕਟਸ ਹਨ, ਜਿਨ੍ਹਾਂ 'ਤੇ ਅਸੀਂ ਕੰਮ ਕਰਾਂਗੇ। ਇਸ ਸਮੇਂ ਮੈਂ ਉਨ੍ਹਾਂ ਬਾਰੇ ਗੱਲ ਨਹੀਂ ਕਰ ਸਕਦਾ ਕਿਉਂਕਿ ਅਸੀਂ ਉਨ੍ਹਾਂ 'ਤੇ ਕੰਮ ਕਰ ਰਹੇ ਹਾਂ।
