ਮੁੰਬਈ— ਬੀਤੇ ਜ਼ਮਾਨੇ ਦੀ ਅਭਿਨੇਤਰੀ ਸੋਨਮ ਅੱਜ ਆਪਣਾ 45ਵਾਂ ਜਨਮਦਿਨ ਮਨਾ ਰਹੀ ਹੈ। ਬਾਲੀਵੁੱਡ ਫਿਲਮਾਂ 'ਚ ਸੈਕਸ ਸਿੰਬਲ ਦੇ ਨਾਂ ਨਾਲ ਮਸ਼ਹੂਰ ਸੋਨਮ ਨੇ ਆਪਣੇ ਕਰੀਅਰ ਦੇ ਸਫਲ ਮੁਕਾਮ ਤਕ ਪਹੁੰਚਣ ਤੋਂ ਬਾਅਦ ਐਕਟਿੰਗ ਛੱਡਣ ਦਾ ਫੈਸਲਾ ਲਿਆ ਸੀ। ਐਕਟਿੰਗ ਛੱਡ ਕੇ ਉਸ ਨੇ ਡਾਇਰੈਕਟਰ ਰਾਜੀਵ ਰਾਵ ਨਾਲ ਵਿਆਹ ਕਰਵਾਇਆ ਸੀ। ਵਿਆਹ ਤੋਂ ਬਾਅਦ ਦੋਵੇਂ 10 ਸਾਲ ਤਕ ਇਕੱਠੇ ਰਹੇ, ਫਿਰ ਅਲੱਗ ਹੋਣ ਦਾ ਫੈਸਲਾ ਲਿਆ। 15 ਸਾਲ ਅਲੱਗ ਰਹਿਣ ਤੋਂ ਬਾਅਦ ਆਖਿਰਕਾਰ 2017 'ਚ ਦੋਵਾਂ ਨੇ ਤਲਾਕ ਲਿਆ। ਇਸੇ ਸਾਲ ਅਪ੍ਰੈਲ 'ਚ ਸੋਨਮ ਨੇ ਮੁਰਲੀ ਪੋਡੁਵਲ ਨਾਲ ਦੂਜਾ ਵਿਆਹ ਕਰਵਾਇਆ। ਰਾਜੀਵ ਤੇ ਸੋਨਮ ਦੀ ਪ੍ਰੇਮ ਕਹਾਣੀ 1989 'ਚ ਫਿਲਮ 'ਤ੍ਰਿਦੇਵ' ਦੀ ਸ਼ੂਟਿੰਗ ਦੌਰਾਨ ਸ਼ੁਰੂ ਹੋਈ ਸੀ। ਦੋਵਾਂ ਨੇ ਇਕ-ਦੂਜੇ ਨੂੰ ਤਿੰਨ ਸਾਲ ਤਕ ਡੇਟ ਕੀਤਾ ਤੇ 1991 'ਚ ਵਿਆਹ ਕਰਵਾ ਲਿਆ। ਵਿਆਹ ਸਮੇਂ ਸੋਨਮ ਦੀ ਉਮਰ 18 ਸਾਲ ਸੀ। ਉਹ ਆਖਰੀ ਵਾਰ 1994 'ਚ ਆਈ ਫਿਲਮ 'ਇਨਸਾਨੀਅਤ' 'ਚ ਨਜ਼ਰ ਆਈ ਸੀ। ਦੱਸਣਯੋਗ ਹੈ ਕਿ ਸੋਨਮ ਨੇ ਆਪਣੇ 6 ਸਾਲ ਦੇ ਕਰੀਅਰ 'ਚ ਲਗਭਗ 30 ਫਿਲਮਾਂ 'ਚ ਕੰਮ ਕੀਤਾ। ਸੋਨਮ ਨੇ ਜ਼ਿਆਦਾਤਰ ਫਿਲਮਾਂ 'ਚ ਖੁਦ ਨੂੰ ਰੱਜ ਕੇ ਐਕਸਪੋਜ਼ ਕੀਤਾ। ਉਸ ਨੇ ਆਪਣੇ ਤੋਂ ਦੁੱਗਣੀ ਉਮਰ ਦੇ ਹੀਰੋ ਨਾਲ ਵੀ ਸਕ੍ਰੀਨ ਸ਼ੇਅਰ ਕੀਤੀ।