ਮੁੰਬਈ— ਬਾਲੀਵੁੱਡ ਦੀ ਆਈਕਾਨ ਆਖੀ ਜਾਣ ਵਾਲੀ ਬਾਲੀਵੁੱਡ ਅਭਿਨੇਤਰੀ ਸੋਨਮ ਕਪੂਰ ਨੇ ਕਾਨਸ 2017 'ਚ ਪੀਚ ਅਤੇ ਰੋਜ਼ ਕਲਰ ਦੇ ਗਾਊਨ 'ਚ ਸ਼ਿਰਕਤ ਕੀਤੀ।
ਇਸ ਦੌਰਾਨ ਸੋਨਮ ਲੰਬੇ ਇਅਰਿੰਗਸ ਅਤੇ ਹਲਕੇ ਮੇਕਅੱਪ ਨਾਲ ਗਲੈਮਰਸ ਲੁੱਕ 'ਚ ਨਜ਼ਰ ਆਈ। ਸੋਨਮ ਨੇ ਕਿਹਾ ਸੀ ਕਿ, ''ਮੈਂ ਕਾਨਸ ਫਿਲਮ ਫੈਸਟੀਵਲ ਲਈ ਕੋਈ ਖਾਸ ਤਿਆਰੀ ਨਹੀਂ ਕੀਤੀ, ਕਿਉਂ ਕਿ ਮੈਂ ਆਪਣੇ ਕੰਮ 'ਚ ਜ਼ਿਆਦਾ ਰੁਝੀ ਹੋਈ ਸੀ।''
ਫੈਸ਼ਨ ਬ੍ਰਾਂਡ ਲੌਰੀਅਲ ਪੈਰਿਸ ਨੇ ਸੋਨਮ ਕਪੂਰ ਦੀਆਂ ਤਸਵੀਰਾਂ ਨੂੰ ਟਵਿਟਰ 'ਤੇ ਸ਼ੇਅਰ ਕੀਤਾ ਹੈ। ਲੌਰੀਅਲ ਵੱਲੋ ਸੋਨਮ ਦੀਆਂ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਗਈਆਂ ਹਨ ਅਤੇ ਸਾਰੀਆਂ ਤਸਵੀਰਾਂ 'ਚ ਸੋਨਮ ਕਪੂਰ ਕਾਫੀ ਸੁੰਦਰ ਨਜ਼ਰ ਆ ਰਹੀ ਹੈ।
ਤੁਹਾਨੂੰ ਦੱਸ ਦਈਏ ਕੀ ਸੋਨਮ ਨੇ ਕਾਨਸ ਫਿਲਮ ਫੈਸਟੀਵਲ 'ਚ ਸਾਨਿਆ-ਕਲਿਆਣ ਦੀ ਬਣੀ ਹੋਈ ਜਵੈਲਿਰੀ ਨੂੰ ਪਾਇਆ ਸੀ।
ਕਾਨਸ ਦੀ ਐਂਟਰੀ ਦੀਪਿਕਾ ਪਾਦੂਕੋਣ ਅਤੇ ਐਸ਼ਵਰਿਆ ਰਾਏ ਬੱਚਨ ਨਾਲ ਹੋਈ ਸੀ। ਦੱਸ ਦਈਏ ਕੀ ਹਾਲ ਹੀ 'ਚ ਸੋਨਮ ਕਪੂਰ ਨੂੰ ਉਸ ਦੀ ਫਿਲਮ 'ਨੀਰਜਾ' ਲਈ ਬੈਸਟ ਅਭਿਨੇਤਰੀ ਦਾ ਨੈਸ਼ਨਲ ਐਵਾਰਡ ਨਾਲ ਨਵਾਜਿਆ ਗਿਆ ਸੀ।