ਮੁੰਬਈ (ਬਿਊਰੋ)— ਬਾਲੀਵੁੱਡ ਅਭਿਨੇਤਰੀ ਸੋਨਮ ਕਪੂਰ ਤੇ ਆਨੰਦ ਆਹੂਜਾ ਬੀਤੇ ਮੰਗਲਵਾਰ ਨੂੰ ਵਿਆਹ ਦੇ ਬੰਧਨ 'ਚ ਬੱਝ ਚੁੱਕੇ ਹਨ। ਸਵੇਰੇ ਦੋਵਾਂ ਨੇ ਸਿੱਖ ਰੀਤੀ-ਰਿਵਾਜਾਂ ਨਾਲ ਵਿਆਹ ਕਰਵਾਇਆ ਤੇ ਇਸ ਤੋਂ ਬਾਅਦ ਸ਼ਾਮ ਨੂੰ ਗਰੈਂਡ ਰਿਸੈਪਸ਼ਨ ਪਾਰਟੀ ਦਾ ਆਯੋਜਨ ਕੀਤਾ ਗਿਆ। ਇਸ ਦੌਰਾਨ ਬਾਲੀਵੁੱਡ ਦੀਆਂ ਕਈ ਮਸ਼ਹੂਰ ਹਸਤੀਆਂ ਨੇ ਸ਼ਿਰਕਤ ਕੀਤੀ ਪਰ ਵਿਆਹ ਵਿਚ ਸੋਨਮ ਦਾ ਲੁੱਕ ਅਜਿਹਾ ਸੀ ਜੋ ਸਭ ਦੀਆਂ ਅੱਖਾਂ 'ਚ ਵਸ ਗਿਆ। ਡਿਜ਼ਾਇਨਰ ਲਹਿੰਗੇ ਦੇ ਨਾਲ ਸੋਨਮ ਨੇ ਜਿਸ ਤਰ੍ਹਾਂ ਦੇ ਗਹਿਣੇ ਪਹਿਨੇ ਹੋਏ ਸੀ ਉਹ ਉਨ੍ਹਾਂ ਦੀ ਲੁੱਕ ਨੂੰ ਹੋਰ ਵੀ ਖੂਬਸੂਰਤ ਬਣਾ ਰਹੇ ਸਨ।
ਅਨੁਰਾਧਾ ਵਕੀਲ ਦੇ ਇਸ ਡਿਜ਼ਾਇਨਰ ਪੀਸ ਨੂੰ ਸੋਸ਼ਲ ਮੀਡਿਆ 'ਤੇ ਵੀ ਕਾਫ਼ੀ ਪਸੰਦ ਕੀਤਾ ਗਿਆ ਪਰ ਇਸ ਦੀ ਕੀਮਤ ਬਾਰੇ ਅਜੇ ਤੱਕ ਕੋਈ ਖਬਰ ਨਹੀਂ ਆਈ ਹੈ ਪਰ ਸੋਨਮ ਤੋਂ ਪਹਿਲਾਂ ਵੀ ਬਾਲੀਵੁੱਡ ਵਿਚ ਕਈ ਅਦਾਕਾਰਾਂ ਆਪਣੇ ਵਿਆਹ 'ਤੇ ਮਹਿੰਗੇ ਆਊਟਫਿੱਟ ਕਾਰਨ ਚਰਚਾ 'ਚ ਰਹੀਆਂ ਹਨ।
ਅਭਿਸ਼ੇਕ ਬੱਚਨ ਨਾਲ ਵਿਆਹ ਕਰ ਕੇ ਬੱਚਨ ਪਰਿਵਾਰ ਦੀ ਨੂੰਹ ਐਸ਼ਵਰਿਆ ਆਪਣੇ ਵਿਆਹ ਕਾਰਨ ਚਰਚਾਂ ਵਿਚ ਰਹੀ ਉਸ ਨੇ ਆਪਣੇ ਵਿਆਹ 'ਤੇ 75 ਲੱਖ ਰੁਪਏ ਦੀ ਸਾੜ੍ਹੀ ਪਹਿਨੀ ਸੀ। ਇਸ ਸਾੜ੍ਹੀ ਨੂੰ ਨੀਤਾ ਲੁੱਲਾ ਨੇ ਡਿਜ਼ਾਈਨ ਕੀਤਾ ਸੀ। ਇਸ ਸਾੜ੍ਹੀ 'ਤੇ ਸਵਰੋਸਕੀ ਕਰੀਸਟਲ ਅਤੇ ਸੋਨੇ ਦੀਆਂ ਤਾਰਾਂ ਨਾਲ ਕੱਢੀ ਹੋਈ ਸੀ।
ਆਪਣੇ ਸਟਾਈਲ ਨਾਲ ਲੋਕਾਂ ਨੂੰ ਦੀਵਾਨਾ ਬਣਾਉਣ ਵਾਲੀ ਸ਼ਿਲਪਾ ਸ਼ੈੱਟੀ ਨੇ ਵਿਆਹ 'ਤੇ ਬੇਹੱਦ ਕੀਮਤੀ ਸਾੜ੍ਹੀ ਪਹਿਨੀ ਸੀ। ਲਾਲ ਰੰਗ ਦੀ ਇਸ ਸਾੜ੍ਹੀ ਨੂੰ ਤਰੁਣ ਤਹਲਾਨੀ ਨੇ ਡਿਜ਼ਾਈਨ ਕੀਤਾ ਸੀ। ਇਸ 'ਤੇ ਖਾਸ ਨਗ ਨਾਲ ਕੰਮ ਹੋਇਆ ਸੀ। ਸਾੜ੍ਹੀ ਨਾਲ ਉਨ੍ਹਾਂ ਨੇ ਡਾਇਮੰਡ ਦੇ ਗਹਿਣੇ ਪਾਏ ਹੋਏ ਸਨ। ਇਸ ਸ਼ਾਨਦਾਰ ਲੁੱਕ ਲਈ ਉਨ੍ਹਾਂ ਨੇ 50 ਲੱਖ ਰੁਪਏ ਖਰਚ ਕੀਤੇ ਸਨ।
ਪਟੌਦੀ ਖਾਨਦਾਨ ਦੀ ਨੂੰਹ ਕਰੀਨਾ ਕਪੂਰ ਨੇ ਵਿਆਹ 'ਤੇ ਸੈਫ ਦੀ ਮਾਂ ਸ਼ਰਮੀਲਾ ਟੈਗੋਰ ਦਾ ਲਹਿੰਗਾ ਪਾਇਆ ਸੀ। ਰਿਸੈਪਸ਼ਨ 'ਤੇ ਕਰੀਨਾ ਨੇ ਮਨੀਸ਼ ਮਲਹੋਤਰਾ ਦਾ ਡਿਜ਼ਾਈਨ ਕੀਤਾ ਲਹਿੰਗਾ ਪਾਇਆ ਸੀ। ਆਪਣੇ ਸ਼ਾਨਦਾਰ ਲੁੱਕ ਲਈ ਉਨ੍ਹਾਂ ਨੇ 50 ਲੱਖ ਰੁਪਏ ਦਿਤੇ ਸਨ।
ਸਟਾਰ ਕ੍ਰਿਕਟਰ ਵਿਰਾਟ ਕੋਹਲੀ ਦੀ 'ਪਰੀ' ਅਨੁਸ਼ਕਾ ਸ਼ਰਮਾ ਦੇ ਵਿਆਹ ਦਾ ਲੁੱਕ ਵੀ ਸੋਸ਼ਲ ਮੀਡੀਆ 'ਤੇ ਖੂਬ ਪਸੰਦ ਕੀਤਾ ਗਿਆ ਸੀ। ਪੇਲ ਪਿੰਕ ਕਲਰ ਅਤੇ ਫਲੋਰਲ ਕੰਮ ਵਾਲੇ ਇਸ ਲਹਿੰਗੇ 'ਚ ਅਨੁਸ਼ਕਾ ਸ਼ਰਮਾ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ। ਸਬਿਅਸਾਚੀ ਦੇ ਇਸ ਡਿਜ਼ਾਇਨਰ ਲਹਿੰਗੇ ਲਈ ਅਨੁਸ਼ਕਾ ਸ਼ਰਮਾ ਦੇ 30 ਲੱਖ ਰੁਪਏ ਲੱਗੇ ਸਨ।
ਮਰਾਠੀ ਰਿਤੇਸ਼ ਦੇਸ਼ਮੁਖ ਨਾਲ ਵਿਆਹ ਕਰਨ ਵਾਲੀ ਜੇਨੇਲੀਆ ਡਸੂਜ਼ਾ ਨੇ ਵਿਆਹ ਇੰਡੀਅਨ ਲੁੱਕ ਅਪਣਾਇਆ ਸੀ। ਜੇਨੇਲੀਆ ਨੇ ਵਿਆਹ 'ਤੇ ਮਹਾ ਰਾਸ਼ਟਰੀ ਸਟਾਈਲ ਦੀ ਸਾੜ੍ਹੀ ਪਹਿਨੀ ਸੀ। ਇਸ ਸਾੜ੍ਹੀ ਦੇ ਬਾਰਡਰ 'ਤੇ ਸੋਨੇ ਅਤੇ ਕੁੰਦਨ ਦਾ ਕੰਮ ਹੋਇਆ ਸੀ। ਨੀਤਾ ਲੁੱਲਾ ਦੇ ਇਸ ਡਿਜ਼ਾਇਨਰ ਪੀਸ ਦੀ ਕੀਮਤ 17 ਲੱਖ ਰੁਪਏ ਸੀ।
ਬੰਗਾਲੀ ਸਟਾਈਲ ਨੂੰ ਫਾਲੋ ਕਰਦੇ ਹੋਏ ਬਿਪਾਸ਼ਾ ਬਾਸੂ ਨੇ ਵਿਆਹ 'ਤੇ ਲਾਲ ਰੰਗ ਦਾ ਲਹਿੰਗਾ ਪਾਇਆ ਸੀ। ਬਿਪਾਸ਼ਾ ਦੀ ਵੈਡਿੰਗ ਡਰੈੱਸ ਸਬਿਅਸਾਚੀ ਨੇ ਡਿਜ਼ਾਈਨ ਕੀਤਾ ਸੀ। ਇਸ ਲਹਿੰਗੇ ਦੀ ਕੀਮਤ 4 ਲੱਖ ਰੁਪਏ ਸੀ।