ਮੁੰਬਈ/ਹੈਦਰਾਬਾਦ(ਬਿਊਰੋ)— ਬਾਲੀਵੁੱਡ ਸੁਪਰਸਟਾਰ ਸ਼੍ਰੀਦੇਵੀ ਦੀਆਂ ਅਸਥੀਆਂ ਪਤੀ ਬੋਨੀ ਕਪੂਰ ਨੇ ਸ਼ਨੀਵਾਰ ਨੂੰ ਵਿਸਰਜਿਤ ਕੀਤੀਆਂ। ਇਸ ਦੌਰਾਨ ਉਨ੍ਹਾਂ ਦੀਆਂ ਦੋਵੇਂ ਬੇਟੀਆਂ ਜਾਹਨਵੀ ਕਪੂਰ ਤੇ ਖੁਸ਼ੀ ਕਪੂਰ ਵੀ ਨਾਲ ਰਹੀਆਂ।
ਸ਼੍ਰੀਦੇਵੀ ਨੂੰ ਸ਼ਰਧਾਂਜਲੀ ਦੇਣ ਲਈ ਐਤਵਾਰ ਨੂੰ ਹੈਦਰਾਬਾਦ 'ਚ ਟੀ ਸੁਬਾਰਾਮੀ ਰੈੱਡੀ ਨੇ ਇਕ ਸਭ ਰੱਖੀ ਸੀ।
ਇਸ 'ਚ ਚਿਰੰਜੀਵੀ ਦੀ ਨੂੰਹ ਤੋਂ ਲੈ ਕੇ ਨਾਗਾਅਰਜੁਨ ਦੀ ਪਤਨੀ ਸਮੇਤ ਕਈ ਹਸਤੀਆਂ ਨੇ ਸ਼ਿਰਕਤ ਕੀਤੀ।
ਜਯਾਪ੍ਰਦਾ ਸਮੇਤ ਇਹ ਸਿਤਾਰੇ ਆਏ ਨਜ਼ਰ
ਸ਼ਰਧਾਂਜਲੀ ਸਭਾ 'ਚ ਜਯਾਪ੍ਰਦਾ ਤੋਂ ਇਲਾਵਾ ਕਾਮੇਡੀਅਨ ਅਲੀ ਬਾਸ਼ਾ ਵੀ ਪੁੱਜੇ। ਦੱਸ ਦੇਈਏ ਕਿ ਕਿ 24 ਫਰਵਰੀ ਨੂੰ ਦੁਬਈ ਦੇ ਇਕ ਹੋਟਲ 'ਚ ਸ਼੍ਰੀਦੇਵੀ ਦਾ ਦਿਹਾਂਤ ਹੋਇਆ ਸੀ।
ਪਹਿਲਾਂ ਸ਼੍ਰੀਦੇਵੀ ਦੀ ਮੌਤ ਦੀ ਵਜ੍ਹਾ ਹਾਰਟ ਅਟੈਕ ਦੱਸੀ ਜਾ ਰਹੀ ਸੀ ਪਰ ਬਾਅਦ 'ਚ ਰਿਪੋਰਟ ਮੁਤਾਬਕ ਉਨ੍ਹਾਂ ਦੀ ਮੌਤ ਬਾਥਟੱਬ 'ਚ ਡੁੱਬਣ ਕਾਰਨ ਹੋਈ ਸੀ।
ਉਨ੍ਹਾਂ ਦਾ ਮ੍ਰਿਤਕ ਸਰੀਰ 27 ਫਰਵਰੀ ਨੂੰ ਮੁੰਬਈ ਲਿਆਂਦਾ ਗਿਆ ਸੀ ਤੇ 28 ਫਰਵਰੀ ਨੂੰ ਅੰਤਿਮ ਸੰਸਕਾਰ ਕੀਤਾ ਗਿਆ।