ਮੁੰਬਈ(ਬਿਊਰੋ)— ਸ਼ਰੂਤੀ ਹਰਿਹਰਨ ਕੰਨੜ ਫਿਲਮਾਂ ਦੀ ਮਸ਼ਹੂਰ ਅਦਾਕਾਰਾ ਹੈ। ਉਨ੍ਹਾਂ ਨੇ ਹਾਲ ਹੀ 'ਚ ਦਿੱਤੇ ਇਕ ਇੰਟਰਵਿਊ ਦੌਰਾਨ ਕਾਸਟਿੰਗ ਕਾਊਚ ਨਾਲ ਜੁੜੇ ਆਪਣੇ ਤਰਜ਼ਬੇ ਸ਼ੇਅਰ ਕੀਤੇ। ਸ਼ਰੂਤੀ ਨੇ ਆਪਣੀ ਪਹਿਲੀ ਫਿਲਮ ਦਾ ਉਹ ਭਿਆਨਕ ਅਨੁਭਵ ਸ਼ੇਅਰ ਕੀਤਾ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਫਿਲਮ ਹੀ ਛੱਡਣੀ ਪਈ। ਸ਼ਰੂਤੀ ਨੇ ਦੱਸਿਆ ਕਿ ਉਹ ਆਪਣੀ ਪਹਿਲੀ ਫਿਲਮ ਦੌਰਾਨ ਸਿਰਫ 18 ਸਾਲ ਕੀਤੀ ਸੀ।
ਜਦੋਂ ਉਹ ਕੋਰੀਓਗਰਾਫਰ ਕੋਲ੍ਹ ਗਈ ਤੇ ਕਿਹਾ ਕਿ ਉਹ ਇਹ ਸਭ ਨਹੀਂ ਕਰ ਸਕਦੀ, ਜੋ ਉਨ੍ਹਾਂ ਨੂੰ ਕਿਹਾ ਜਾ ਰਿਹਾ ਹੈ। ਇਸ ਤੋਂ ਬਾਅਦ ਕੋਰੀਓਗਰਾਫਰ ਨੇ ਕਿਹਾ ਕਿ ਜੇਕਰ ਇਹ ਸਭ ਹੈਂਡਲ ਨਹੀਂ ਕਰ ਸਕਦੀ ਤਾਂ ਹੁਣੇ ਇਸੇ ਸਮੇਂ ਇੱਥੋਂ ਦਫਾ ਹੋ ਜਾਵੇ। ਇਹ ਸੁਣ ਕੇ ਸ਼ਰੂਤੀ ਦੀਆਂ ਅੱਖਾਂ 'ਚ ਹੰਝੂ ਆ ਗਏ। ਉਹ ਡਰ ਗਈ ਤੇ ਆਖਿਰਕਾਰ ਉਨ੍ਹਾਂ ਨੂੰ ਫਿਲਮ ਛੱਡਣੀ ਪਈ। ਸ਼ਰੂਤੀ ਨੇ ਕਾਸਟਿੰਗ ਕਾਊਚ ਦਾ ਇਕ ਅਨੁਭਵ ਸੁਣਾਉਂਦੇ ਹੋਏ ਕਿਹਾ, ਇਕ ਤਮਿਲ ਫਿਲਮਕਾਰ ਮੇਰੀ ਹੀ ਕੰਨੜ ਫਿਲਮ ਦਾ ਰੀਮੇਕ ਬਣਾਉਣਾ ਚਾਹੁੰਦੇ ਸਨ।
ਉਨ੍ਹਾਂ ਨੇ ਮੈਨੂੰ ਹੀ ਇਸ ਲਈ ਸਾਈਨ ਕੀਤਾ। ਟੈਲੀਫੋਨ 'ਤੇ ਉਨ੍ਹਾਂ ਨੇ ਮੇਰੇ ਸਾਹਮਣੇ ਅਜੀਬ ਸ਼ਰਤ ਰੱਖੀ। ਉਨ੍ਹਾਂ ਕਿਹਾ ਕਿ ਫਿਲਮ ਦੇ 5 ਨਿਰਮਾਤਾ ਹਨ ਤੇ ਉਹ ਕਿਸੇ ਵੀ ਤਰੀਕੇ ਨਾਲ ਮੇਰਾ ਇਸਤੇਮਾਲ ਕਰ ਸਕਦੇ ਹਨ। ਇਹ ਸੁਣ ਕੇ ਮੈਂ ਹੈਰਾਨ ਹੋ ਗਈ। ਸ਼ਰੂਤੀ ਨੇ ਕਿਹਾ ਕਿ ਮਹਿਲਾਵਾਂ ਦਾ ਚੁੱਪ ਰਹਿਣਾ ਹੁਣ ਕੋਈ ਵਿਕਲਪ ਨਹੀਂ ਹੈ। ਸਾਡਾ ਸਮਾਜ ਪੂਰੀ ਤਰ੍ਹਾਂ ਨਾਲ ਪੁਰਸ਼ ਪ੍ਰਧਾਨ ਹੈ ਪਰ ਫਿਲਮਾਂ 'ਚ ਮਹਿਲਾਵਾਂ ਦੀ ਮੌਜੂਦਗੀ ਨਾਲ ਉਮੀਦ ਕੀਤੀ ਜਾ ਸਕਦੀ ਹੈ ਕਿ ਮਹਿਲਾਵਾਂ ਪਬਲਿਕ ਸਪੇਸ 'ਚ ਆਪਣੇ ਲਈ ਜਗ੍ਹਾ ਬਣਾ ਰਹੀਆਂ ਹਨ।
ਸ਼ਰੂਤੀ ਹਰਿਹਰਨ ਨੇ ਅੱਗੇ ਕਿਹਾ ਕਿ ਫਿਲਮਾਂ 'ਚ ਲੜਕੀਆਂ ਦੇ ਕਿਰਦਾਰ ਨੂੰ ਹਮੇਸ਼ਾ ਸਮਾਜ 'ਚ ਉਸ ਲਈ ਪ੍ਰਚਲਿਤ ਭਾਵਨਾਵਾਂ ਦੇ ਆਧਾਰ 'ਤੇ ਉਤਾਰਿਆ ਜਾਂਦਾ ਹੈ। ਸ਼ਰੂਤੀ ਨੇ ਅੱਗੇ ਕਿਹਾ ਕਿ ਵਧੇਰੇ ਲੜਕੀਆਂ ਨੂੰ ਕਾਸਟਿੰਗ ਕਾਊਚ ਦਾ ਸਾਹਮਣੇ 'ਨਾ' ਕਹਿ ਕੇ ਕਰਨ ਦੀ ਜ਼ਰੂਰਤ ਹੈ। ਇਸ ਲਈ ਸਿਰਫ ਮਰਦਾਂ ਨੂੰ ਜ਼ਿੰਮੇਵਾਰ ਠਹਿਰਾਉਣਾ ਠੀਕ ਨਹੀਂ ਹੈ।
