ਜਲੰਧਰ (ਬਿਊਰੋ)— ਕਾਫੀ ਸਮੇਂ ਤੋਂ ਮਿਊਜ਼ਿਕ ਇੰਡਸਟਰੀ ਤੋਂ ਦੂਰ ਰਹੇ ਪੰਜਾਬੀ ਗਾਇਕ ਸੁਖਵਿੰਦਰ ਸਿੰਘ ਜਲਦ ਵਾਪਸੀ ਕਰਨ ਵਾਲੇ ਹਨ। ਸੁਖਵਿੰਦਰ ਸਿੰਘ ਪੰਜਾਬੀ ਫਿਲਮ 'ਖਿੱਦੋ ਖੂੰਡੀ' 'ਚ ਗੀਤ ਗਾਉਣ ਜਾ ਰਹੇ ਹਨ, ਜਿਸ ਦਾ ਮਿਊਜ਼ਿਕ ਗੋਲਡ ਬੁਆਏ ਨੇ ਦਿੱਤਾ ਹੈ। ਇਹ ਗੀਤ ਕਾਫੀ ਵੱਡਾ ਹੋਣ ਵਾਲਾ ਹੈ ਕਿਉਂਕਿ ਸੁਖਵਿੰਦਰ ਸਿੰਘ ਦੀ ਲੰਮੇਂ ਸਮੇਂ ਬਾਅਦ ਵਾਪਸੀ ਹੋਣ ਜਾ ਰਹੀ ਹੈ, ਉਥੇ ਗੋਲਡ ਬੁਆਏ ਨੇ ਵੀ ਮਿਊਜ਼ਿਕ 'ਚ ਕੋਈ ਕਸਰ ਬਾਕੀ ਨਹੀਂ ਛੱਡੀ ਹੈ। ਸਾਰੀ ਕਰਮਾ ਐਂਟਰਟੇਨਮੈਂਟ ਟੀਮ ਲਈ ਇਹ ਸ਼ਾਨਦਾਰ ਤਜਰਬਾ ਰਿਹਾ ਹੈ, ਜਿਸ ਨੂੰ ਉਨ੍ਹਾਂ ਨੇ ਫੈਨਜ਼ ਨਾਲ ਵੀ ਸਾਂਝਾ ਕੀਤਾ ਹੈ। ਗੋਲਡ ਬੁਆਏ ਨੇ ਸੋਸ਼ਲ ਮੀਡੀਆ 'ਤੇ ਸੁਖਵਿੰਦਰ ਸਿੰਘ ਨਾਲ ਇਕ ਤਸਵੀਰਾਂ ਸਾਂਝੀ ਕਰਦਿਆਂ ਲਿਖਿਆ, 'Coming soon with TheLivingLegend #SukhwinderSingh ji Awsme experience #feelingveryblessedtoday #Recording #Surprise #Music #Film 🙏😇🎶 #TeamKarma' ਦੱਸਣਯੋਗ ਹੈ ਕਿ 'ਖਿੱਦੋ ਖੂੰਡੀ' ਹਾਕੀ 'ਤੇ ਆਧਾਰਿਤ ਫਿਲਮ ਹੈ, ਜਿਹੜੀ ਇਸੇ ਸਾਲ ਬਹੁਤ ਜਲਦ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ 'ਚ ਰਣਜੀਤ ਬਾਵਾ ਮੁੱਖ ਭੂਮਿਕਾ ਨਿਭਾਅ ਰਹੇ ਹਨ।