ਮੁੰਬਈ— ਸੁਨੀਲ ਸ਼ੈੱਟੀ ਦੇ ਬੇਟੇ ਅਹਾਨ ਸ਼ੈੱਟੀ ਤੇ ਉਨ੍ਹਾਂ ਦੀ ਗਰਲਫਰੈਂਡ ਦੋਸਤਾਂ ਨਾਲ ਮੁੰਬਈ ਦੇ ਬਾਂਦਰਾ 'ਚ ਨਜ਼ਰ ਆਏ। ਦੱਸਣਯੋਗ ਹੈ ਕਿ ਸਾਜਿਦ ਨਾਡੀਆਡਵਾਲਾ ਦੀ ਫਿਲਮ ਨਾਲ ਬਾਲੀਵੁੱਡ 'ਚ ਐਂਟਰੀ ਕਰਨ ਦੀ ਤਿਆਰੀ 'ਚ ਲੱਗੇ ਅਹਾਨ ਨੇ ਹੁਣ ਤਕ ਆਪਣਾ ਰਿਸ਼ਤਾ ਜਨਤਕ ਨਹੀਂ ਕੀਤਾ ਹੈ। ਜੈਕੀ ਸ਼ਰਾਫ ਦੇ ਬੇਟੇ ਟਾਈਗਰ ਵਾਂਗ ਹੀ ਅਹਾਨ ਵੀ ਖੁੱਲ੍ਹੇ ਸੁਭਾਅ ਦੇ ਨਹੀਂ ਹਨ ਤੇ ਉਹ ਆਪਣੀ ਨਿੱਜੀ ਜ਼ਿੰਦਗੀ 'ਤੇ ਖੁੱਲ੍ਹ ਕੇ ਗੱਲ ਨਹੀਂ ਕਰਦੇ। ਉਥੇ ਉਨ੍ਹਾਂ ਦੇ ਪਿਤਾ ਸੁਨੀਲ ਬਿਲਕੁਲ ਜੈਕੀ ਸ਼ਰਾਫ ਵਾਂਗ ਨਿੱਜੀ ਜ਼ਿੰਦਗੀ 'ਚ ਵੀ ਬੋਲਡ ਹਨ। ਅਹਾਨ ਦੇ ਰਿਸ਼ਤੇ 'ਤੇ ਜਦੋਂ ਵੀ ਉਨ੍ਹਾਂ ਕੋਲੋਂ ਕੋਈ ਸਵਾਲ ਪੁੱਛਿਆ ਜਾਂਦਾ ਹੈ ਤਾਂ ਉਹ ਉਸ ਦਾ ਖੁੱਲ੍ਹ ਕੇ ਜਵਾਬ ਦਿੰਦੇ ਹਨ। ਅਹਾਨ ਦੀ ਗਰਲਫਰੈਂਡ ਤਾਨੀਆ ਇਕ ਬਿਜ਼ਨੈੱਸਮੈਨ ਦੀ ਬੇਟੀ ਹੈ। ਅਜਿਹੀਆਂ ਖਬਰਾਂ ਹਨ ਕਿ ਤਾਨੀਆ ਤੇ ਅਹਾਨ ਪਿਛਲੇ 3-4 ਸਾਲਾਂ ਤੋਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਹਨ। ਸੁਨੀਲ ਸ਼ੈੱਟੀ ਕੋਲੋਂ ਜਦੋਂ ਇਕ ਵਾਰ ਉਨ੍ਹਾਂ ਦੇ ਬੇਟੇ ਦੇ ਅਫੇਅਰ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਅਹਾਨ ਦੀ ਪ੍ਰੇਮਿਕਾ ਬਾਰੇ ਪਤਾ ਹੈ। ਸੁਨੀਲ ਅੱਗੇ ਕਹਿੰਦੇ ਹਨ ਕਿ ਅਹਾਨ ਜਵਾਨ ਹੈ ਤਾਂ ਉਸ ਦੀ ਗਰਲਫਰੈਂਡ ਤਾਂ ਹੋਵੇਗੀ ਹੀ। ਸੁਨੀਲ ਮੁਤਾਬਕ ਉਨ੍ਹਾਂ ਨੇ ਹਮੇਸ਼ਾ ਆਪਣੇ ਬੇਟੇ ਨੂੰ ਲੜਕੀਆਂ ਦੀ ਇੱਜ਼ਤ ਕਰਨੀ ਸਿਖਾਈ ਹੈ।