ਮੁੰਬਈ— ਸਟਾਰ ਪਲੱਸ ਦਾ ਆਉਣ ਵਾਲਾ ਸ਼ੋਅ 'ਦਿ ਗ੍ਰੇਟ ਇੰਡੀਅਨ ਲਾਫਟਰ ਚੈਲੇਂਜ' ਸੀਜ਼ਨ 5 ਅਗਲੇ ਮਹੀਨੇ ਯਾਨੀ ਸਤੰਬਰ 'ਚ ਸ਼ੁਰੂ ਹੋਵੇਗਾ। ਇਸ ਸ਼ੋਅ 'ਚ ਅਕਸ਼ੈ ਕੁਮਾਰ ਸੁਪਰ ਬੌਸ ਦੇ ਰੂਪ 'ਚ ਨਜ਼ਰ ਆਉਣਗੇ। ਉਂਝ ਇਸ ਸ਼ੋਅ ਨੂੰ ਅਭਿਨੇਤਰੀ ਐਲੀ ਅਵਰਾਮ ਹੋਸਟ ਕਰਨ ਵਾਲੀ ਹੈ ਪਰ ਸ਼ੋਅ ਦੇ ਮੇਕਰਸ ਦੀ ਮੰਨੀਏ ਤਾਂ ਉਸ ਦੀ ਜਗ੍ਹਾ ਕਾਮੇਡੀਅਨ ਸੁਨੀਲ ਗਰੋਵਰ ਲੈ ਸਕਦਾ ਹੈ।
ਇਸ ਵਜ੍ਹਾ ਕਾਰਨ ਹਟਾਇਆ ਜਾ ਸਕਦਾ ਹੈ ਐਲੀ ਨੂੰ
ਫਿਲਮ 'ਕਿਸ ਕਿਸ ਕੋ ਪਿਆਰ ਕਰੂੰ' 'ਚ ਕਪਿਲ ਸ਼ਰਮਾ ਦੀ ਪਤਨੀ ਦਾ ਕਿਰਦਾਰ ਨਿਭਾਉਣ ਵਾਲੀ ਅਦਾਕਾਰਾ ਐਲੀ ਅਵਰਾਮ ਦੀ ਹਿੰਦੀ ਕਮਜ਼ੋਰ ਹੈ। ਇਸ ਕਾਰਨ ਮੇਕਰਸ ਉ, ਨੂੰ ਰਿਪਲੇਸ ਕਰਨ ਦੀ ਸੋਚ ਰਹੇ ਹਨ। ਖਬਰਾਂ ਦੀ ਮੰਨੀਏ ਤਾਂ ਕਾਮੇਡੀ ਸ਼ੋਅ ਨੂੰ ਹੋਸਟ ਕਰਨ ਲਈ ਹਿੰਦੀ ਚੰਗੀ ਹੋਣੀ ਚਾਹੀਦੀ ਹੈ ਤਾਂਕਿ ਡਾਈਲਾਗ 'ਚ ਪੰਚ ਆ ਸਕੇ। ਐਲੀ ਦੀ ਹਿੰਦੀ 'ਚ ਉਹ ਗੱਲ-ਬਾਤ ਨਹੀਂ ਹੈ।
ਸ਼ੋਅ ਦੇ ਮੇਕਰਸ ਦਾ ਕਹਿਣਾ ਹੈ ਕਿ ਇਸ ਸ਼ੋਅ ਲਈ ਐਲੀ ਦਾ ਸਕ੍ਰੀਨ ਟੇਸਟ ਤੇ ਰਿਹਰਸਲ ਕੀਤੀ ਜਾ ਚੁੱਕੀ ਹੈ ਪਰ ਪ੍ਰਡੋਕਸ਼ਨ ਟੀਮ ਨੂੰ ਲੱਗਦਾ ਹੈ ਕਿ ਸ਼ੋਅ ਦੇ ਹੋਸਟ ਲਈ ਐਲੀ ਫਿੱਟ ਨਹੀਂ ਹੈ। ਇਸ ਲਈ ਉਨ੍ਹਾਂ ਨੇ ਸੁਨੀਲ ਗਰੋਵਰ ਨਾਲ ਰਿਪਲੇਸ ਕੀਤਾ ਜਾ ਸਕਦਾ ਹੈ। ਜਾਣਕਾਰੀ ਮੁਤਾਬਕ ਸੁਨੀਲ ਗਰੋਵਰ ਨਾਲ ਗੱਲਬਾਤ ਕੀਤੀ ਜਾ ਰਹੀ ਹੈ ਤੇ ਉਸ ਨਾਲ ਡੇਟ 'ਤੇ ਗੱਲ ਹੋ ਰਹੀ ਹੈ। ਜੇਕਰ ਸਭ ਕੁਝ ਠੀਕ ਰਿਹਾ ਤਾਂ ਸੁਨੀਲ ਹੀ ਇਹ ਸ਼ੋਅ ਹੋਸਟ ਕਰਨਗੇ। ਹਾਲਾਂਕਿ ਸੁਨੀਲ ਵਲੋਂ ਸ਼ੋਅ ਨੂੰ ਹੋਸਟ ਕਰਨ ਦੀ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ।
