ਨਵੀਂ ਦਿੱਲੀ(ਬਿਊਰੋ)— ਮਸ਼ਹੂਰ ਕਾਮੇਡੀਅਨ ਕਪਿਲ ਸ਼ਰਮਾ ਇਕ ਵਾਰ ਫਿਰ ਤੋਂ ਟੀ. ਵੀ. 'ਤੇ ਵਾਪਸੀ ਕਰ ਰਿਹਾ ਹੈ। ਜਲਦ ਹੀ ਉਹ ਸੋਨੀ ਐਂਟਰਟੇਨਮੈਂਟ ਚੈਨਲ 'ਤੇ ਇਕ ਪਰਿਵਾਰਿਕ ਕਾਮੇਡੀ ਸ਼ੋਅ 'ਫੈਮਿਲੀ ਟਾਈਮ ਵਿਦ ਕਪਿਲ ਸ਼ਰਮਾ' ਹੋਸਟ ਕਰਦੇ ਹੋਏ ਨਜ਼ਰ ਆਉਣਗੇ।
ਕਪਿਲ ਸ਼ਰਮਾ ਦੇ ਸ਼ੋਅ ਦੇ ਪ੍ਰੋਮੋ ਪਹਿਲਾਂ ਹੀ ਹਿੱਟ ਹੋ ਚੁੱਕੇ ਹਨ ਤੇ ਉਸ ਦੇ ਫੈਨਜ਼ ਨੂੰ ਕਪਿਲ ਦੀ ਕਾਮੇਡੀ ਦਾ ਇੰਤਜ਼ਾਰ ਹੈ। ਹਾਲ ਹੀ 'ਚ ਸੁਨੀਲ ਗਰੋਵਰ ਨੇ ਸਾਫ ਕਰ ਦਿੱਤਾ ਸੀ ਕਿ ਉਹ ਇਸ ਵਾਰ ਕਪਿਲ ਦੇ ਸ਼ੋਅ ਦਾ ਹਿੱਸਾ ਨਹੀਂ ਹੋਣਗੇ ਪਰ ਉਸ ਨੇ ਇਹ ਨਹੀਂ ਦੱਸਿਆ ਸੀ ਕਿ ਆਖਿਰ ਉਹ ਟੀ. ਵੀ. 'ਤੇ ਕਦੋਂ ਨਜ਼ਰ ਆਉਣਗੇ। ਲੱਗਦਾ ਹੈ ਕਿ ਕਪਿਲ ਸ਼ਰਮਾ ਨਾਲ ਟਕਰਾਅ ਕਰਨ ਲਈ ਹੁਣ ਸੁਨੀਲ ਗਰੋਵਰ ਤੇ ਕਪਿਲ ਸ਼ਰਮਾ ਦੇ ਸ਼ੋਅ ਦੀ ਪੁਰਾਣੀ ਪ੍ਰੋਡਿਊਸਰ ਪ੍ਰੀਤੀ ਸਿਮੋਨ ਵੀ ਕੋਈ ਧਮਾਕੇਦਾਰ ਯੋਜਨਾ ਬਣਾ ਰਹੀ ਹੈ।
ਸ਼ਿਲਪਾ ਸ਼ਿੰਦੇ ਦੀ ਕਾਮੇਡੀ ਰਹੀ ਹੈ ਹਿੱਟ
ਦੱਸ ਦੇਈਏ ਕਿ ਸੀਰੀਅਲ 'ਭਾਬੀ ਜੀ ਘਰ ਪਰ ਹੈਂ' 'ਚ ਅੰਗੂਰੀ ਭਾਬੀ ਦੇ ਕਿਰਦਾਰ 'ਚ ਸ਼ਿਲਪਾ ਸ਼ਿੰਦੇ ਸੁਪਰਹਿੱਟ ਰਹਿ ਚੁੱਕੀ ਹੈ। ਇਸ ਤੋਂ ਪਹਿਲਾਂ ਸ਼ਿਲਪਾ ਕਈ ਕਾਮੇਡੀ ਸ਼ੋਅਜ਼ 'ਚ ਵੀ ਨਜ਼ਰ ਆ ਚੁੱਕੀ ਹੈ। 'ਬਿੱਗ ਬੌਸ 11' ਦੇ ਘਰ 'ਚ ਵੀ ਸ਼ਿਲਪਾ ਸ਼ਿੰਦੇ ਦੀ ਫੈਨਫਾਲੋਇੰਗ ਜ਼ਬਰਦਸਤ ਸੀ।
ਸ਼ੋਅ ਦੀ ਸ਼ੁਰੂਆਤ ਤੋਂ ਹੀ ਸ਼ਿਲਪਾ ਆਪਣੇ ਫੈਨਜ਼ ਦੇ ਸਮਰਥਨ 'ਤੇ ਹੀ ਇਸ ਸ਼ੋਅ 'ਚ ਟਿਕੀ ਰਹੀ ਹੈ ਤੇ ਅੰਤ 'ਚ ਵਿਜੇਤਾ ਬਣੀ। ਇਸ ਘਰ 'ਚ ਵੀ ਸ਼ਿਲਪਾ ਸ਼ਿੰਦਾ ਦਾ ਕਾਮੇਡੀ ਭਰਿਆ ਅੰਦਾਜ਼ ਕਾਫੀ ਹਿੱਟ ਰਿਹਾ ਹੈ। ਪਿਛਲੇ 2 ਸਾਲਾਂ ਤੋਂ ਸ਼ਿਲਪਾ ਟੀ. ਵੀ. ਸੀਰੀਅਲਸ ਤੋਂ ਦੂਰ ਰਹੀ ਹੈ। ਹਾਲ ਹੀ 'ਚ 'ਬਿੱਗ ਬੌਸ 11' ਦੀ ਵਿਜੇਤਾ ਰਹੀ ਸ਼ਿਲਪਾ ਸ਼ਿੰਦੇ, ਕਪਿਲ ਸ਼ਰਮਾ ਦੇ ਸ਼ੋਅ ਦੀ ਪੁਰਾਣੀ ਪ੍ਰੋਡਿਊਸਰ ਪ੍ਰੀਤੀ ਸਿਮੋਨ ਕਪਿਲ ਦਾ ਸ਼ੋਅ ਛੱਡ ਚੁੱਕੀ ਕਾਮੇਡੀਅਨ ਸੁਗੰਧਾ ਮਿਸ਼ਰਾ ਨਾਲ ਨਜ਼ਰ ਆਈ। ਇੰਨਾ ਹੀ ਨਹੀਂ ਸ਼ਿਲਪਾ ਤੇ ਸੁਨੀਲ ਗਰੋਵਰ ਵੀ ਇਕੱਠੇ ਨਜ਼ਰ ਆਏ ਹਨ।
