ਜਲੰਧਰ— ਸੁਪਰਸਟਾਰ ਦਿਲਜੀਤ ਦੁਸਾਂਝ ਨੇ ਪਹਿਲੇ ਹਫਤੇ ਹੀ 9.25-9.50 ਦੀ ਕਮਾਈ ਕਰ ਕੇ ਬਾਕਸ ਆਫਿਸ 'ਤੇ ਚੜ੍ਹਾਈ ਕਰ ਲਈ ਹੈ। ਪੰਜਾਬੀ ਫਿਲਮਾਂ 'ਚੋਂ 'ਸਪਰ ਸਿੰਘ' ਫੋਰਥ ਹਾਈਐਸਟ ਕੁਲੈਕਸ਼ਨ ਕਰਨ ਵਾਲੀ ਫਿਲਮ ਬਣ ਗਈ ਹੈ। ਇਸ ਫਿਲਮ ਦਾ ਪਹਿਲਾ ਹਫਤਾ ਤਾਂ ਕਮਾਈ ਦੇ ਮਾਮਲੇ 'ਚ ਕਾਫੀ ਵਧੀਆ ਸਿੱਧ ਹੋਇਆ ਹੈ ਅਤੇ ਉਮੀਦ ਜਤਾਈ ਜਾ ਰਹੀ ਹੈ ਕਿ ਅੱਗੇ ਵੀ ਇਹ ਫਿਲਮ ਚੰਗਾ ਕਾਰੋਬਾਰ ਕਰੇਗੀ। 'ਸੁਪਰ ਸਿੰਘ' ਚੰਗੀ ਕਮਾਈ ਦੇ ਨਾਲ-ਨਾਲ ਫਿਲਮ ਆਲੋਚਕਾਂ ਦੇ ਵੀ ਚੰਗੇ ਰੀਵਿਊਜ਼ ਲੈ ਰਹੀ ਹੈ। ਸਲਮਾਨ ਦੀ ਅੱਜ ਰਿਲੀਜ਼ ਹੋਈ ਫਿਲਮ 'ਟਿਊਬਲਾਈਟ' ਨੂੰ ਇਸ ਫਿਲਮ ਜਿੰਨੇ ਆਲੋਚਕਾਂ ਵਲੋਂ ਚੰਗੇ ਰੀਵਿਊਜ਼ ਨਹੀਂ ਮਿਲ ਰਹੇ। 'ਸੁਪਰ ਸਿੰਘ' ਦੀ ਪਹਿਲੇ ਹਫਤੇ ਦੀ ਕਮਾਈ ਬਾਲੀਵੁੱਡ ਫਿਲਮ 'ਯੇ ਜਵਾਨੀ ਹੈ ਦੀਵਾਨੀ', 'ਕ੍ਰਿਸ਼ 3' ਜਿੰਨੀ ਹੀ ਹੈ।
ਜਾਣਕਾਰੀ ਮੁਤਾਬਕ ਜਾਣਕਾਰੀ ਮੁਤਾਬਕ 'ਸੁਪਰ ਸਿੰਘ' ਨੇ ਪੰਜਵੇਂ ਦਿਨ ਯਾਨੀ ਮੰਗਲਵਾਰ 95 ਲੱਖ ਦਾ ਕਾਰੋਬਾਰ ਕੀਤਾ ਸੀ। ਫਿਲਮ ਨੇ ਪਹਿਲੇ ਦਿਨ 1 ਕਰੋੜ 80 ਲੱਖ, ਦੂਜੇ ਦਿਨ 2 ਕਰੋੜ 5 ਲੱਖ, ਤੀਜੇ ਦਿਨ 1 ਕਰੋੜ 90 ਲੱਖ ਤੇ ਚੋਥੇ ਦਿਨ 1 ਕਰੋੜ 10 ਲੱਖ ਦਾ ਕਾਰੋਬਾਰ ਕੀਤਾ ਸੀ। 'ਸੁਪਰ ਸਿੰਘ' ਦੀ ਛੇਵੇਂ ਦਿਨ ਦੀ ਕਮਾਈ ਨੂੰ ਦੇਖਦੇ ਹੋਏ ਇਸ ਫਿਲਮ ਨੇ 8.65 ਕਰੋੜ ਦਾ ਕਾਰੋਬਾਰ ਕੀਤਾ ਸੀ।
ਜ਼ਿਕਰਯੋਗ ਹੈ ਕਿ 'ਸੁਪਰ ਸਿੰਘ' ਦੇ ਨਾਲ ਰਿਲੀਜ਼ ਹੋਈ ਬਾਲੀਵੁੱਡ ਫਿਲਮ 'ਬੈਂਕ ਚੋਰ' ਦਾ ਕਾਰੋਬਾਰ ਬਹੁਤ ਚੰਗਾ ਨਾ ਰਿਹਾ। ਇਸ ਫਿਲਮ ਨੇ ਪਹਿਲੇ ਹਫਤੇ 'ਚ ਵੀ 7.25 ਕਰੋੜ ਦੀ ਕਮਾਈ ਕੀਤੀ ਹੈ।