ਮੁੰਬਈ(ਬਿਊਰੋ)— ਜ਼ੀ-ਟੀ. ਵੀ. ਦੇ ਹਿੱਟ ਸ਼ੋਅ 'ਕਬੂਲ ਹੈ' ਨਾਲ ਦਰਸ਼ਕਾਂ ਦੇ ਦਿਲਾਂ 'ਤੇ ਰਾਜ਼ ਕਰਨ ਵਾਲੀ ਖੂਬਸੂਰਤ ਅਦਾਕਾਰਾ ਸੁਰਭੀ ਜਿਓਤੀ ਨੇ ਹਾਲ ਹੀ 'ਚ ਆਪਣੇ ਕੰਮ ਪ੍ਰਤੀ ਆਪਣਾ ਡੇਡੀਕੇਸ਼ਨ ਦਾ ਖੁਲਾਸਾ ਕੀਤਾ। ਉਨ੍ਹਾਂ ਨੇ ਦੱਸਿਆ ਕਿ ਜੇਕਰ ਉਹ ਬੀਮਾਰ ਵੀ ਹੈ ਤਾਂ ਸ਼ੂਟਿੰਗ ਦੇ ਨਾਂ ਨਾਲ ਹੀ ਉਹ ਠੀਕ ਹੋ ਜਾਂਦੀ ਹੈ।
ਸੁਰਭੀ ਨੇ ਇਹ ਗੱਲ ਇਕ ਮਸ਼ਹੂਰ ਟਾਕ ਸ਼ੋਅ ਦੌਰਾਨ ਕਹੀ ਸੀ। ਇੱਥੇ ਖੁਦ ਨਾਲ ਹੋਏ ਇਕ ਹਾਦਸੇ ਦਾ ਜ਼ਿਕਰ ਕਰਦੇ ਹੋਏ ਸੁਰਭੀ ਨੇ ਦੱਸਿਆ ਕਿ ਉਹ ਸਿਰ 'ਤੇ ਗੰਭੀਰ ਸੱਟ ਲੱਗਣ ਦੇ ਬਾਵਜੂਦ ਦੂਜੇ ਹੀ ਦਿਨ ਸ਼ੂਟਿੰਗ ਲਈ ਚਲੀ ਗਈ ਸੀ।
ਉਸ ਸਮੇਂ ਉਨ੍ਹਾਂ ਦੇ ਸਿਰ 'ਤੇ ਪੱਟੀ ਵੀ ਬੱਝੀ ਹੋਈ ਸੀ। ਟਾਕ ਸ਼ੋਅ ਦੌਰਾਨ ਸੁਰਭੀ ਨੇ ਇਕ ਸੀਨ ਦਾ ਜ਼ਿਕਰ ਕਰਦੇ ਹੋਏ ਦੱਸਿਆ ਕਿ ਇਸ ਦੌਰਾਨ ਉਨ੍ਹਾਂ ਨੂੰ ਕਾਫੀ ਸੱਟਾਂ ਲੱਗੀਆਂ ਸਨ, ਜਿਸ ਕਾਰਨ ਉਨ੍ਹਾਂ ਨੂੰ ਹਸਪਤਾਲ 'ਚ ਹੀ ਦਾਖਲ ਕਰਾਉਣਾ ਪਿਆ ਸੀ।
ਇਹ ਸੱਟ ਇੰਨੀ ਡੂੰਘੀ ਸੀ ਕਿ ਡਾਕਟਰ ਨੇ ਉਨ੍ਹਾਂ ਦੇ ਸਿਰ ਦੇ ਪਿੱਛੇ ਟਾਂਕੇ ਵੀ ਲਗਾਏ ਸਨ। ਇਸ ਦੇ ਬਾਵਜੂਦ ਵੀ ਉਹ ਦੂਜੇ ਦਿਨ ਸ਼ੂਟ 'ਤੇ ਆ ਗਈ ਸੀ।
ਜ਼ਿਕਰਯੋਗ ਹੈ ਕਿ ਸੁਰਭੀ ਜੋਸ਼ੀ ਬਹੁਤ ਜਲਦ ਮੌਨੀ ਰਾਏ ਨੂੰ ਰਿਪਲੇਸ ਕਰ ਕੇ 'ਨਾਗਿਨ 3' 'ਚ ਨਜ਼ਰ ਆਵੇਗੀ।