ਮੁੰਬਈ(ਬਿਊਰੋ)— ਸਾਲ 2004 'ਚ ਅਜੇ ਦੇਵਗਣ ਦੀ ਫਿਲਮ ਆਈ ਸੀ, ਜਿਸ 'ਚ ਇਹ ਬੇਮਿਸਾਲ ਕਾਰ 'ਟਾਰਜ਼ਨ: ਦੀ ਵੰਡਰ ਕਾਰ' ਦੇਖਣ ਨੂੰ ਮਿਲੀ ਸੀ। ਫਿਲਮ ਭਾਵੇਂ ਲੋਕਾਂ ਨੂੰ ਨਾ ਪਸੰਦ ਆਈ ਹੋਵੇ ਪਰ ਫਿਲਮ 'ਚ ਇਸਤੇਮਾਲ ਕੀਤੀ ਗਈ ਕਾਰ ਲੋਕਾਂ ਨੂੰ ਅੱਜ ਵੀ ਯਾਦ ਹੈ।
ਅੱਜ ਉਸ ਕਾਰ ਦੀ ਹਾਲਤ ਦੇਖ ਤੁਸੀਂ ਉਸ ਨੂੰ ਪਛਾਣ ਨਹੀਂ ਪਾਓਗੇ। ਫਿਲਮ 'ਟਾਰਜ਼ਨ: ਦੀ ਵੰਡਰ ਕਾਰ' ਹੁਣ ਕਬਾੜ 'ਚ ਪਈ ਹੋਈ ਹੈ। ਇਕ ਫੇਸਬੁੱਕ ਯੂਜ਼ਰ ਨੇ ਇਸ ਨੂੰ ਲੱਭ ਲਿਆ ਹੈ। ਕਾਰ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ।
ਅਜਿਹਾ ਕਿਹਾ ਜਾ ਰਿਹਾ ਹੈ ਕਿ ਫਿਲਮ ਦੇ ਫਲਾਪ ਹੋ ਜਾਣ ਤੋਂ ਬਾਅਦ ਇਹ ਗੱਡੀ ਅੱਜ ਤੱਕ ਮਾਰਕਿਟ 'ਚ ਲਾਂਚ ਨਹੀਂ ਪੋ ਪਾਈ ਤੇ ਇਸੇ ਕਾਰਨ ਉਸ ਦੀ ਹਾਲਤ ਖਰਾਬ ਹੋ ਗਈ ਹੈ।
ਜ਼ਿਕਰਯੋਗ ਹੈ ਕਿ ਬਾਲੀਵੁੱਡ 'ਚ ਕਈ ਫਿਲਮਾਂ ਰਿਲੀਜ਼ ਹੁੰਦੀਆਂ ਹਨ, ਜਿਨ੍ਹਾਂ 'ਚੋਂ ਕਈ ਫਲਾਪ ਹੁੰਦੀਆਂ ਹਨ ਤੇ ਕਈ ਹਿੱਟ ਹੁੰਦੀਆਂ ਹਨ।
ਪਰ ਇਸ ਦੇ ਬਾਵਜੂਦ ਕੁਝ ਖਾਸ ਚੀਜ਼ਾਂ ਧਿਆਨ 'ਚ ਰਹਿੰਦੀਆਂ ਹਨ। ਉਸੇ 'ਚ ਸ਼ਾਇਦ ਇਹ ਕਾਰ ਵੀ ਆਉਂਦੀ ਹੈ, ਜਿਸ ਨੂੰ ਸ਼ਾਇਦ ਲੋਕ ਭੁੱਲ ਗਏ ਹਨ।
