ਨਵੀਂ ਦਿੱਲੀ— ਹਾਲ ਹੀ 'ਚ ਟੀ. ਵੀ. ਦੇ ਮੰਨੇ-ਪ੍ਰਮੰਨੇ ਅਭਿਨੇਤਾ ਗਗਨ ਕੰਗ ਕੇ ਅਰਿਜੀਤ ਲਵਾਨੀਆ ਦੀ ਇਕ ਸੜਕ ਹਾਦਸੇ 'ਚ ਮੌਤ ਹੋਈ ਹੈ। ਇਨ੍ਹਾਂ ਦੀ ਮੌਤ ਦੀ ਖਬਰ ਨੇ ਪੂਰੀ ਇੰਡਸਟਰੀ ਨੂੰ ਸਦਮੇ 'ਚ ਪਾ ਦਿੱਤਾ ਹੈ। ਮੁੰਬਈ-ਅਹਿਮਦਾਬਾਦ ਹਾਈਵੇ 'ਤੇ ਹੋਇਆ ਇਹ ਹਾਦਸਾ ਇੰਨਾ ਭਿਆਨਕ ਸੀ ਕਿ ਮੌਕੇ 'ਤੇ ਹੀ ਦੋਵਾਂ ਸਿਤਾਰਿਆਂ ਦੀ ਮੌਤ ਹੋ ਗਈ ਸੀ।
ਅਭਿਨੇਤਾ ਗਗਨ ਕੰਗ ਆਨਏਅਰ ਟੀ. ਵੀ. ਸੀਰੀਅਲ 'ਮਹਾਕਾਲੀ' 'ਚ 'ਇੰਦਰ ਦੇਵਤਾ' ਦਾ ਕਿਰਦਾਰ ਨਿਭਾਅ ਰਹੇ ਸਨ।
ਇਸ ਤੋਂ ਇਲਾਵਾ ਅਭਿਨੇਤਾ ਗਗਨ ਕੰਗ ਨਾਲ ਕਾਰ ਹਾਦਸੇ 'ਚ ਜਾਨ ਗੁਆਉਣ ਵਾਲੇ ਦੂਜੇ ਅਭਿਨੇਤਾ ਅਰਿਜੀਤ ਵੀ ਸਨ। ਸੀਰੀਅਲ 'ਮਹਾਕਾਲੀ' 'ਚ ਅਰਿਜੀਤ 'ਨੰਦੀ' ਦਾ ਕਿਰਦਾਰ ਨਿਭਾਅ ਰਹੇ ਸਨ। ਦਰਦਨਾਕ ਸੜਕ ਹਾਦਸਿਆਂ ਦਾ ਸ਼ਿਕਾਰ ਕਈ ਹੋਰ ਵੀ ਸਿਤਾਰੇ ਹੋ ਚੁੱਕੇ ਹਨ। ਤਸਵੀਰਾਂ 'ਚ ਦੇਖੋ ਕਿਹੜੇ-ਕਿਹੜੇ ਸਿਤਾਰਿਆਂ ਨਾਲ ਸੜਕ ਹਾਦਸਾ ਹੋਇਆ ਤੇ ਜਿਨ੍ਹਾਂ ਨੇ ਆਪਣੀ ਜਾਨ ਗੁਵਾਈ।
ਸੋਨਿਕਾ ਚੌਹਾਨ
ਮਾਡਲ, ਸਪੋਰਸ ਅੰਕਰ ਤੇ ਅਭਿਨੇਤਰੀ ਸੋਨਿਕਾ ਚੌਹਾਨ ਦੀ ਇਸੇ ਸਾਲ 29 ਅਪ੍ਰੈਲ ਨੂੰ ਕੋਲਕਾਤਾ 'ਚ ਰਾਸਬਿਹਾਰੀ ਐਵਨਯੂ ਕੋਲ ਸੜਕ ਹਾਦਸੇ 'ਚ ਮੌਤ ਹੋ ਗਈ ਸੀ।
ਰੇਖਾ ਸਿੰਧੂ
ਇਸੇ ਸਾਲ ਕੰਨੜ ਅਦਾਕਾਰਾ ਰੇਖਾ ਸਿੰਧੂ ਦੀ ਵੀ ਕਾਰ ਹਾਦਸੇ 'ਚ ਮੌਤ ਹੋ ਗਈ ਸੀ। ਇਹ ਦਰਦਨਾਕ ਹਾਦਸਾ ਵੇਲੋਰ ਸਥਿਤ ਨੰਦਰਾਮਲੀ ਦੇ ਕੋਲ ਹੋਇਆ ਸੀ।
ਰਵੀ ਤੇਜਾ ਦੇ ਭਰਾ ਭਰਤ ਰਾਜ
ਦੱਖਣ ਇੰਡਸਟਰੀ ਦੇ ਮਸ਼ਹੂਰ ਅਭਿਨੇਤਾ ਰਵੀ ਤੇਜਾ ਦੇ ਐਕਟਰ ਭਰਾ ਭਰਤ ਰਾਜ ਦੀ ਵੀ ਇਸੇ ਸਾਲ ਸੜਕ ਹਾਦਸੇ 'ਚ ਮੌਤ ਹੋਈ ਸੀ। ਉਸ ਦੀ ਮੌਤ ਹੈਦਰਾਬਾਦ ਦੇ ਆਊਟਰ ਰਿੰਗ ਰੋਡ 'ਤੇ ਇਕ ਟਰੱਕ ਨਾਲ ਟੱਕਰ ਹੋਈ ਸੀ।
ਐਲਿਸ ਮਿਲਰ ਕੇਨੈਡੀ
ਆਸਟਰੇਲੀਆ ਦੀ ਮਿਸ ਵਰਲਡ ਆਸਟਰੇਲੀਆ ਕਾਟੈਸਟ ਦੇ ਆਖਿਰੀ ਦੌਰ ਦੀ ਇਕ ਪ੍ਰਤੀਯੋਗੀ ਦੀ ਵੀ ਕਾਰ ਹਾਦਸੇ 'ਚ ਮੌਤ ਹੋ ਗਈ ਸੀ। 17 ਸਾਲ ਦੀ ਔਲਿਸ ਮਿਲਰ-ਕੇਨੈਡੀ ਕਵੀਂਸਲੈਂਡ ਤੋਂ 2016 ਦੀ ਮਿਸ ਵਰਲਡ ਪ੍ਰਚੀਯੋਗਤਾ 'ਚ ਹਿੱਸਾ ਲਿਆ ਸੀ।