ਮੁੰਬਈ (ਬਿਊਰੋ)— ਬਾਲੀਵੁੱਡ ਦੀ ਦੇਸੀ ਗਰਲ ਪ੍ਰਿਅੰਕਾ ਚੋਪੜਾ ਏਸ਼ੀਆ ਦੀ ਸਭ ਤੋਂ ਸੈਕਸੀ ਮਹਿਲਾ ਬਣ ਗਈ ਹੈ। ਲੰਡਨ ਦੀ ਵੀਕਲੀ ਮੈਗਜ਼ੀਨ ਈਸਟਰਨ ਆਈ ਵਲੋਂ ਕਰਵਾਈ ਗਈ '50 ਸੈਕਸੀਐਸਟ ਏਸ਼ੀਅਨ ਵੁਮੈਨ' ਚੋਣ 'ਚ ਪ੍ਰਿਅੰਕਾ ਟੌਪ 'ਤੇ ਹੈ, ਜਦਕਿ ਦੂਜੇ ਨੰਬਰ 'ਤੇ ਟੀ. ਵੀ. ਅਭਿਨੇਤਰੀ ਨਿਆ ਸ਼ਰਮਾ ਨੇ ਆਪਣਾ ਕਬਜ਼ਾ ਬਣਾਇਆ ਹੈ। ਲਿਸਟ 'ਚ ਤੀਜਾ ਨੰਬਰ ਦੀਪਿਕਾ ਪਾਦੁਕੋਣ ਦਾ ਹੈ, ਯਾਨੀ ਨਿਆ ਨੇ ਦੀਪਿਕਾ ਪਾਦੁਕੋਣ ਨੂੰ ਹਰਾ ਕੇ ਸੈਕਸੀਐਸਟ ਵੁਮੈਨ ਦਾ ਖਿਤਾਬ ਆਪਣੇ ਨਾਂ ਕੀਤਾ ਹੈ। 27 ਸਾਲਾ ਨਿਆ ਸ਼ਰਮਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਸਟਾਰ ਪਲੱਸ ਦੇ ਸ਼ੋਅ 'ਏਕ ਹਜ਼ਾਰੋਂ ਮੇਂ ਮੇਰੀ ਬਹਿਨਾ ਹੈ' ਰਾਹੀਂ ਕੀਤੀ ਸੀ। ਇਸ ਤੋਂ ਬਾਅਦ ਨਿਆ ਜ਼ੀ ਟੀ. ਵੀ. ਦੇ ਪ੍ਰਸਿੱਧ ਪ੍ਰੋਗਰਾਮ 'ਜਮਾਈ ਰਾਜਾ' 'ਚ ਦਿਖੀ ਸੀ। ਨਿਆ 'ਖਤਰੋਂ ਕੇ ਖਿਲਾੜੀ 8' ਤੋਂ ਇਲਾਵਾ ਵੈੱਬ ਸੀਰੀਜ਼ 'ਟਵਿਸਟਿਡ' 'ਚ ਨਜ਼ਰ ਆ ਚੁੱਕੀ ਹੈ। ਨਿਆ ਸ਼ਰਮਾ ਸੋਸ਼ਲ ਮੀਡੀਆ 'ਤੇ ਕਾਫੀ ਪ੍ਰਸਿੱਧ ਹੈ। ਉਸ ਦੇ ਇੰਸਟਾਗ੍ਰਾਮ 'ਤੇ 1.5 ਮਿਲੀਅਨ ਫਾਲੋਅਰਜ਼ ਹਨ। ਟਵਿਟਰ 'ਤੇ ਉਸ ਨੂੰ 1.4 ਲੱਖ ਯੂਜ਼ਰਸ ਫਾਲੋਅ ਕਰਦੇ ਹਨ। ਨਿਆ ਅਕਸਰ ਆਪਣੇ ਫੋਟੋਸ਼ੂਟ ਕਾਰਨ ਸੁਰਖੀਆਂ 'ਚ ਰਹਿੰਦੀ ਹੈ। ਟੀ. ਵੀ. 'ਤੇ ਸਿੰਪਲ ਲੁੱਕ 'ਚ ਨਜ਼ਰ ਆਉਣ ਵਾਲੀ ਨਿਆ ਸ਼ਰਮਾ ਆਪਣੀ ਗਲੈਮਰੈੱਸ ਲਾਈਫ ਕਾਰਨ ਵੀ ਮਸ਼ਹੂਰ ਹੈ। ਪ੍ਰਿਅੰਕਾ ਚੋਪੜਾ ਤੋਂ ਬਾਅਦ ਦੂਜੀ ਸੈਕਸੀਐਸਟ ਵੁਮੈਨ ਦਾ ਖਿਤਾਬ ਪਾਉਣ ਵਾਲੀ ਨਿਆ ਨੇ ਕਿਹਾ ਹੈ ਕਿ ਹੁਣ ਉਹ ਪ੍ਰਿਅੰਕਾ ਵਰਗੀ ਉਚਾਈ ਤਕ ਪਹੁੰਚਣ ਦੀ ਹਿੰਮਤ ਕਰ ਸਕਦੀ ਹੈ। ਇਸ ਲਿਸਟ 'ਚ ਦੀਪਿਕਾ ਪਾਦੁਕੋਣ ਤੀਜੇ ਸਥਾਨ, ਆਲੀਆ ਭੱਟ ਚੌਥੇ ਸਥਾਨ ਤੇ ਪਾਕਿਸਤਾਨੀ ਅਭਿਨੇਤਰੀ ਮਾਹਿਰਾ ਖਾਨ ਪੰਜਵੇਂ ਸਥਾਨ 'ਤੇ ਹੈ। ਉਥੇ ਇਸੇ ਲਿਸਟ 'ਚ ਕੈਟਰੀਨਾ ਕੈਫ ਦਾ ਸਥਾਨ ਸੱਤਵਾਂ ਤੇ ਸ਼ਰਧਾ ਕਪੂਰ ਦਾ ਸਥਾਨ ਅੱਠਵਾਂ ਹੈ।