ਲਾਸ ਏਂਜਲਸ : ਫਾਰਸੀ ਕਵੀ ਮੌਲਾਨਾ ਰੂਮੀ 'ਤੇ ਆਧਾਰਿਤ ਫਿਲਮ 'ਚ ਅਦਾਕਾਰ ਲਿਓਨਾਰਦੋ ਡਿਕ੍ਰੈਪਿਓ ਨੂੰ ਨਾਇਕ ਦੀ ਭੂਮਿਕਾ ਨਾ ਦੇਣ ਦੀ ਮੰਗ ਕਰਨ ਵਾਲੀ ਇਕ ਪਟੀਸ਼ਨ 'ਤੇ ਹਜ਼ਾਰਾਂ ਲੋਕਾਂ ਨੇ ਹਸਤਾਖਰ ਕੀਤੇ ਹਨ। ਰੂਮੀ ਦੀ ਭੂਮਿਕਾ ਲਈ ਡਿਕ੍ਰੈਪਿਓ ਦੀ ਚੋਣ ਤੋਂ ਨਾਰਾਜ਼ ਹਜ਼ਾਰਾਂ ਲੋਕਾਂ ਦੀ ਮੰਗ ਹੈ ਕਿ ਫਿਲਮ ਨਿਰਮਾਤਾ ਡਿਕ੍ਰੈਪਿਓ ਨੂੰ ਛੱਡ ਕੇ ਇਸ ਭੂਮਿਕਾ ਲਈ ਕਿਸੇ ਮੱਧ ਪੂਰਬ ਦੇ ਅਦਾਕਾਰ ਨੂੰ ਭੂਮਿਕਾ ਦੇਣ। ਇਸ ਸਮੇਂ 41 ਸਾਲਾ ਅਦਾਕਾਰ ਦਾ ਨਾਂ ਇਸ ਫਿਲਮ ਦੀ ਮੁੱਖ ਭੂਮਿਕਾ ਲਈ ਚਰਚਾ ਵਿਚ ਹੈ, ਜਦੋਂਕਿ ਅਦਾਕਾਰ ਰਾਬਰਟ ਡਾਊਨੀ ਜੂਨੀਅਰ ਦਾ ਨਾਂ ਇਸ ਫਿਲਮ ਦੇ ਦੂਜੇ ਮੁੱਖ ਅਦਾਕਾਰ ਦੇ ਰੂਪ ਵਿਚ ਚਰਚਾ 'ਚ ਹੈ।