ਮੁੰਬਈ— ਬਾਲੀਵੁੱਡ ਦੇ ਹੈਂਡਸਮ ਹੰਕ ਟਾਈਗਰ ਸ਼ਰਾਫ ਅੱਜ 27 ਸਾਲਾਂ ਦੇ ਹੋ ਚੁੱਕੇ ਹਨ। ਟਾਈਗਰ ਦਾ ਜਨਮ 2 ਮਾਰਚ 1990 ਨੂੰ ਮੁੰਬਈ 'ਚ ਹੀ ਹੋਇਆ। ਟਾਈਗਰ ਦਾ ਅਸਲ ਨਾਂਅ ਹੇਮੰਤ ਸ਼ਰਾਫ ਸੀ ਅਤੇ ਉਸ ਦੇ ਪਿਤਾ ਬਾਲੀਵੁੱਡ ਦੇ ਮਸ਼ਹੂਰ ਅਭਿਨੇਤਾ ਜੈਕੀ ਸ਼ਰਾਫ ਹਨ ਅਤੇ ਮਾਤਾ ਆਇਸ਼ਾ ਵੀ ਅਭਿਨੇਤਰੀ ਰਹਿ ਚੁੱਕੀ ਹੈ। ਟਾਈਗਰ ਨੇ ਆਪਣੀ ਸਕੂਲੀ ਪੜ੍ਹਾਈ ਮੁੰਬਈ ਤੋਂ ਹੀ ਕੀਤੀ ਅਤੇ ਇਸ ਤੋਂ ਬਾਅਦ ਉਸ ਨੇ ਕਈ ਤਰ੍ਹਾਂ ਦੀ ਮਾਰਸ਼ਲ ਆਰਟ ਵੀ ਸਿੱਖੀ, ਉਹ ਤਾਈਕਵਾਂਡੋ ਮਾਰਸ਼ਲ ਆਰਟ 'ਚ 5ਵੇਂ ਬਲੈਕ ਬੈਲਟ ਹੋਲਡਰ। ਬਾਲੀਵੁੱਡ ਦੇ ਮਸ਼ਹੂਰ ਅਭਿਨੇਤਾ ਆਮਿਰ ਖਾਨ ਨੇ ਆਪਣੀ ਫਿਲਮ 'ਧੂਮ-3' ਦੀ ਟ੍ਰੇਨਿੰਗ 'ਚ ਟਾਈਗਰ ਦੀ ਹੈਲਪ ਲਈ ਸੀ ਅਤੇ ਇੱਕ ਚੰਗੀ ਬੌਡੀ ਬਣਾਈ ਸੀ। ਕੁੜੀਆਂ ਉਨ੍ਹਾਂ ਦੀ ਪਰਸਨੈਲਿਟੀ ਅਤੇ ਡਾਂਸ ਦੀਆਂ ਦੀਵਾਨੀਆਂ ਹਨ ਅਤੇ ਮੁੰਡੇ ਉਨ੍ਹਾਂ ਦੀ ਬੌਡੀ ਤੋਂ ਇਮਪ੍ਰੈਸ।
ਟਾਈਗਰ ਬਾਲੀਵੁੱਡ ਦੇ ਅਜਿਹੇ ਇਕਲੌਤੇ ਐਕਟਰ ਨੇ ਜਿਨ੍ਹਾਂ ਨੂੰ ਸਪੋਟਸ 'ਚ ਕਾਫੀ ਦਿਲਚਸਪੀ ਹੈ। ਟਾਈਗਰ ਨੇ ਆਪਣੇ ਫਿਲਮੀ ਕੈਰੀਅਰ ਦੀ ਸ਼ੁਰੂਆਤ ਸ਼ਬੀਰ ਖਾਨ ਦੀ ਡਾਇਰੈਕਸ਼ਨ 'ਚ ਬਣੀ ਫਿਲਮ 'ਹੀਰੋਪੰਤੀ' ਤੋਂ ਕੀਤੀ ਹੈ। ਇਸ ਫਿਲਮ ਲਈ ਉਹ 'ਫਿਲਮਫੇਅਰ' ਐਵਾਰਡ 'ਚ ਨਾਮੀਨੇਟਡ ਵੀ ਹੋ ਚੁੱਕੇ ਹਨ ਅਤੇ ਆਪਣੇ ਛੋਟੇ ਜਿਹੇ ਫਿਲ਼ਮੀ ਸਫਰ 'ਚ ਉਹ 4 ਐਵਾਰਡ ਵੀ ਜਿੱਤ ਚੁੱਕੇ ਹਨ ਪਰ ਸਭ ਤੋਂ ਖਾਸ ਹੈ ਸਾਲ 2014 'ਚ ਮਿਲਿਆ 'ਆਇਫਾ' ਐਵਾਰਡ।
ਜੈਕੀ ਸ਼ਰਾਫ ਦੇ ਘਰ ਜਦੋਂ ਟਾਈਗਰ ਸ਼ਰਾਫ ਦਾ ਜਨਮ ਹੋਇਆ ਤਾਂ ਸੁਭਾਸ਼ ਘਈ ਉਨ੍ਹਾਂ ਦੇ ਘਰ ਪਹੁੰਚੇ। ਟਾਈਗਰ ਨੂੰ ਦੇਖ ਕੇ ਸੁਭਾਸ਼ ਘਈ ਨੇ ਉਨ੍ਹਾਂ ਦੇ ਹੱਥਾਂ 'ਤੇ 101 ਰੁਪਏ ਰੱਖਦੇ ਹੋਏ ਕਿਹਾ, ''ਇਹ ਸਾਈਨਿੰਗ ਅਮਾਊਂਟ ਹੈ ਅਤੇ ਤੈਨੂੰ ਅਦਾਕਾਰ ਵਜੋਂ ਮੈਂ ਹੀ ਲਾਂਚ ਕਰਾਂਗਾ ਪਰ ਟਾਈਗਰ ਜਦੋਂ ਵੱਡੇ ਹੋਏ ਅਤੇ ਉਨ੍ਹਾਂ ਨੇ ਜਦੋਂ ਅਦਾਕਾਰ ਬਣਨ ਦਾ ਫੈਸਲਾ ਲਿਆ ਤਾਂ ਸਾਰਿਆਂ ਨੂੰ ਇਹ ਲੱਗਾ ਕਿ ਸੁਭਾਸ਼ ਘਈ ਆਪਣੀ ਸੁਪਰਹਿੱਟ ਫਿਲਮ 'ਹੀਰੋ' ਦੇ ਰੀਮੇਕ 'ਚ ਟਾਈਗਰ ਨੂੰ ਲੈਣਗੇ ਪਰ ਇਸ ਤਰ੍ਹਾਂ ਕੁਝ ਨਹੀਂ ਹੋਇਆ ਅਤੇ ਟਾਈਗਰ ਨੂੰ ਮਸ਼ਹੂਰ ਫਿਲਮਕਾਰ ਸਾਜਿਦ ਨਾਡਿਆਡਵਾਲਾ ਨੇ ਫਿਲਮ 'ਹੀਰੋਪੰਤੀ' ਰਾਹੀ ਲਾਂਚ ਕੀਤਾ।