ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰ ਟਾਈਗਰ ਸ਼ਰਾਫ ਦੀ ਫਿਲਮ 'ਬਾਗੀ' ਸੀਰੀਜ਼ ਦੀ ਤੀਜੀ ਫਿਲਮ ਜਲਦ ਹੀ ਸ਼ੁਰੂ ਹੋਣ ਵਾਲੀ ਹੈ। ਟਾਈਗਰ ਸਟਾਰਰ ਇਸ ਸੀਰੀਜ਼ ਦੀ ਪਹਿਲੀ ਫਿਲਮ 2016 'ਚ ਆਈ ਤੇ ਦੂਜੀ ਰਿਲੀਜ਼ ਲਈ ਤਿਆਰ ਹੈ।
ਸਾਰੇ ਜਾਣਦੇ ਹਨ ਕਿ ਕੁਝ ਹੀ ਸਮੇਂ 'ਚ ਟਾਈਗਰ ਦੀ ਫੈਨ ਫਾਲੋਇੰਗ ਕਾਫੀ ਚੰਗੀ ਹੋ ਗਈ ਹੈ ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਉਨ੍ਹਾਂ ਦਾ ਇਕ ਅਜਿਹਾ ਵੀ ਫੈਨ ਹੈ, ਜੋ ਉਨ੍ਹਾਂ ਨੂੰ ਪੂਰੀ ਤਰ੍ਹਾਂ ਕਾਪੀ ਕਰਦਾ ਹੈ।
ਰਿਪੋਰਟਸ ਮੁਤਾਬਕ ਟਾਈਗਰ ਦਾ ਇਹ ਫੈਨ ਮੇਘਾਲਿਆ ਦਾ ਰਹਿਣ ਵਾਲਾ ਹੈ ਤੇ ਇਸ ਦਾ ਨਾਂ ਮੇਂਸੇਂਗ ਦੱਸਿਆ ਜਾਂਦਾ ਹੈ। ਸੋਸ਼ਲ ਮੀਡੀਆ 'ਤੇ ਇਸ ਫੈਨ ਦਾ ਇਕ ਵੀਡੀਓ ਵਾਇਰਲ ਹੋ ਚੁੱਕਾ ਹੈ, ਜਿਸ 'ਚ ਇਸ ਟਾਈਗਰ ਵਾਂਗ ਐਕਟ ਕਰਦੇ ਦੇਖਿਆ ਜਾ ਸਕਦਾ ਹੈ।
ਵੀਡੀਓ ਦੇ ਬੈਕਗਰਾਊਂਡ 'ਚ 'ਬਾਗੀ' ਫਿਲਮ ਦੇ ਗੀਤ 'ਸਬ ਤੇਰਾ' ਨੂੰ ਸੁਣਿਆ ਜਾ ਸਕਦਾ ਹੈ। ਸੋਸ਼ਲ ਮੀਡੀਆ ਯੂਜ਼ਰਸ ਦੀ ਮੰਨੀਏ ਤਾਂ ਮੇਂਸੇਂਗ ਦੀ ਐਕਟਿੰਗ ਟਾਈਗਰ ਸ਼ਰਾਫ ਤੋਂ ਵੀ ਬਿਹਤਰ ਹੈ।