ਜਲੰਧਰ(ਬਿਊਰੋ)— ਮਸ਼ਹੂਰ ਰੈਪਰ, ਸੰਗੀਤ ਨਿਰਦੇਸ਼ਕ, ਬਾਲੀਵੁੱਡ ਗਾਇਕ ਤੇ ਅਦਾਕਾਰ ਯੋ-ਯੋ ਹਨੀ ਸਿੰਘ ਅੱਜ ਆਪਣਾ 34ਵਾਂ ਜਨਮਦਿਨ ਮਨਾ ਰਹੇ ਹਨ। ਉਨ੍ਹਾਂ ਦਾ ਜਨਮ 15 ਮਾਰਚ 1983 'ਚ ਹੋਇਆ ਸੀ। ਬਚਪਨ ਤੋਂ ਹੀ ਗਾਇਕੀ ਦਾ ਸ਼ੌਕ ਰੱਖਣ ਵਾਲੇ ਯੋ ਯੋ ਹਨੀ ਸਿੰਘ ਨੇ ਕਦੇ ਸੋਚਿਆ ਨਹੀਂ ਸੀ ਕਿ ਇਕ ਦਿਨ ਫਿਲਮ ਇੰਡਸਟਰੀ ਦਾ ਹਿੱਸਾ ਬਣ ਜਾਣਗੇ।
ਅੱਜ ਚਾਰੇ ਪਾਸੇ ਉਨ੍ਹਾਂ ਦੀ ਗਾਇਕੀ ਦੇ ਚਰਚਾ ਹਨ। ਗਿੱਪੀ ਗਰੇਵਾਲ, ਅਮਰਿੰਦਰ ਗਿੱਲ ਤੋ ਲੈ ਕੇ ਹਰ ਵੱਡੇ ਗਾਇਕ ਨਾਲ ਯੋ ਯੋ ਦੀ ਜੋੜੀ ਨੇ ਸੰਗੀਤ ਜਗਤ ਨੂੰ ਕਈ ਵਿਲੱਖਣ ਚੀਜ਼ਾਂ ਦਿੱਤੀਆਂ।
ਪਿਛਲੇ ਕਈ ਸਾਲਾਂ ਤੱਕ ਲਾਈਮਲਾਈਟ ਤੋਂ ਦੂਰ ਰਹਿਣ ਪਿੱਛੋਂ ਹਨੀ ਸਿੰਘ ਨੇ ਕੁਝ ਮਹੀਨੇ ਪਹਿਲਾਂ ਹੀ ਵਾਪਸੀ ਕੀਤੀ ਹੈ।
ਦੱਸਣਯੋਗ ਹੈ ਕਿ ਹਨੀ ਸਿੰਘ ਦੇ ਮੁਕਾਬਲੇ 'ਚ ਇਕ ਹੋਰ ਮਸ਼ਹੂਰ ਰੈਪਰ ਬਾਦਸ਼ਾਹ ਨੇ ਵੀ ਸਰੋਤਿਆਂ 'ਚ ਚੰਗੀ ਥਾਂ ਕਾਇਮ ਕੀਤੀ ਹੈ।
ਜਿਸ 'ਤੇ ਟਿੱਪਣੀ ਕਰਦਿਆਂ ਹਨੀ ਸਿੰਘ ਨੇ ਕਿਹਾ ਸੀ, ''ਰਾਲਸ ਰਾਇਸ ਚਲਾਉਣ ਵਾਲੇ ਨੈਨੋ ਨਹੀਂ ਚਲਾ ਸਕਦੇ।''
ਮਸ਼ਹੂਰ ਗਾਇਕ ਅਤੇ ਰੈਪਰ ਯੋ ਯੋ ਹਨੀ ਸਿੰਘ ਦਾ ਕਹਿਣੈ ਕਿ ਉਹ ਸਿਲਵਰ ਸਕ੍ਰੀਨ 'ਤੇ ਰੋਮਾਂਸ ਕਰਨ 'ਚ ਅਸਹਿਜ ਹੋ ਜਾਂਦੇ ਹਨ। ਹਨੀ ਸਿੰਘ ਨੇ ਕਈ ਪੰਜਾਬੀ ਫਿਲਮਾਂ 'ਚ ਕੈਮੀਓ ਦਾ ਕਿਰਦਾਰ ਨਿਭਾਇਆ ਹੈ।